1 Kauleethaus 3
3
Vaajtswv Cov Tubkhai
1Cov kwvtij, kuv yuav nrug mej thaam zoole mej yog cov kws tub muaj Vaaj Ntsujplig lawm yeej tsi tau; kuv yuavtsum tau nrug mej thaam ib yaam le mej tseem yog tuabneeg nplajteb, zoo yaam nkaus le mej yog mivnyuas moglab nyob rua huv Khetos. 2Kuv yug mej lug ntawm tej kua mig, tsi yog tej zaub-mov kws tawv, vim mej tseem noj tsi tau taug. Txawm yog nwgnuav los mej tseem noj tsi tau taug hab, #Henpl 5:12-13 3ruaqhov mej tseem ua mej lub neej zoole tuabneeg nplajteb ua. Yog tseem muaj kev siskhib hab kev siscaav sistshe nyob rua huv mej, qhov ntawd puas yog qha tau has tas mej tseem yog tuabneeg nplajteb hab tseem ua mej lub neej zoole tuabneeg nplajteb ua? 4Thaus mej cov muaj ib tug has tas, “Kuv caum Paulus,” hab muaj dlua lwmtug has tas, “Kuv caum Apaulaus,” qhov ntawd tseem tsi yog mej ua zoole tuabneeg nplajteb ua hab lov? #1Klt 1:12
5Apaulaus yog leejtwg? Paulus yog leejtwg? Wb tsuas yog Vaajtswv ob tug tubkhai kws coj mej lug ntseeg xwb. Wb nyag yeej ua nyag teg dlejnum lawvle tug Tswv tau faib rua wb. 6Kuv yog tug cog, Apaulaus yog tug ywg dlej, tabsis Vaajtswv yog tug kws ua kuas lujhlub. #Tegnum 18:4-11; Tegnum 18:24-28 7Tug kws cog hab tug kws ywg dlej yeej tsi tseemceeb dlaabtsi, tug kws tseemceeb yog Vaajtswv, vim Nwg yog tug kws ua kuas lujhlub. 8Tug kws cog hab tug kws ywg dlej yeej muaj tuablub homphaj xwb; Vaajtswv yuav muab nqezug rua obtug lawvle tegnum kws obtug ua. 9Ruaqhov wb yog Vaajtswv ob tug tubkhai ua num uake, mej yog Vaajtswv thaaj teb.
10Lug ntawm txuj moovhlub kws Vaajtswv pub rua kuv, kuv tau pib ua lub quatsev le tug kws txawj ua tsev, hab lwmtug tsuas tuaj ua ntxiv rua. Tabsis txhua tug yuavtsum ceevfaaj seb nwg yuav ua lecaag. 11Ruaqhov leejtwg yuav tuaj ua dlua ib lub quatsev tshab yeej tsi tau lawm, tsuas yog lub quatsev kws Vaajtswv tau ua ca lawm xwb, lub ntawd yog Yexus Khetos.
12Muaj qeeleej yuav muab kub, muab nyaj, muab tej pobzeb kws muajnqes, muab ntoo, muab nqeeb, hab muab quavnyaab tuaj ua lub quatsev ntawd. 13Nub kws Khetos rovqaab lug, txhua tug tegnum yuav tshwm rua suavdlawg pum tseeb has tas zoo lecaag tag, ruaqhov Nub ntawd suavtawg yuav nthuav txhua tug tegnum, cov suavtawg ntawd yuav sim seb leejtwg tegnum zoo tag-tag. 14Tej kws suavdlawg coj tuaj ua lub quatsev ntawd, yog leejtwg le tsi kubnyab, tug ntawd yuav tau nqezug. 15Tabsis yog leejtwg tegnum kubnyab lawm, nwg yuav tsi tau dlaabtsi le; nwg yeej yuav dlim ntaag, tabsis tsuas dlim le tug kws tsiv dlim huv suavtawg lug xwb.
16Mej tsi paub tas mej yog Vaajtswv lub tuamtsev hab Vaajtswv tug Ntsujplig nyob rua huv mej nua lov? #1Klt 6:19; 2Klt 6:16 17Yog leejtwg rhuav Vaajtswv lub tuamtsev, Vaajtswv yuav rhuav tug ntawd. Ruaqhov Vaajtswv lub tuamtsev yog lub kws dlawbhuv, hab mej yog lub tuamtsev ntawd.
18Yug tsi xob rov dlaag yug. Yog mej leejtwg xaav tas nwg yog tug kws ntse lawvle tej kev txawjntse nyob rua tam nuav, kuas nwg tuamyeem ua tug ruag, sub nwg txhaj dlhau tau moog ua tug ntse. 19Ruaqhov tej kws tuabneeg nplajteb suav has tas yog kev txawjntse, tej ntawd yog kev ruam ntawm Vaajtswv. Vaajtswv Txujlug tau sau tseg has tas, “Vaajtswv nteg cov tuabneeg txawjntse lug ntawm puab tej tswvyim phem”; #Yauj 5:13 20hab muaj dlua ib lus has tas, “Tug Tswv paub tas cov tuabneeg txawjntse tej kev xaav tsi tseemceeb dlaabtsi le.” #Nnkauj 94:11 21Yogle ntawd, mej tsi xob khaav txug tuabneeg hlo le! Txhua yaam puavleej yog mej tug, 22txawm yog Paulus lossis Apaulaus lossis Petus; lossis lub nplajteb nuav, lossis txujsa, lossis kev tuag, lossis tam nuav, lossis tam tomntej, txhua yaam nuav puavleej yog mej tug, 23mej yog Khetos tug, hab Khetos yog Vaajtswv tug.
Currently Selected:
1 Kauleethaus 3: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
1 Kauleethaus 3
3
Vaajtswv Cov Tubkhai
1Cov kwvtij, kuv yuav nrug mej thaam zoole mej yog cov kws tub muaj Vaaj Ntsujplig lawm yeej tsi tau; kuv yuavtsum tau nrug mej thaam ib yaam le mej tseem yog tuabneeg nplajteb, zoo yaam nkaus le mej yog mivnyuas moglab nyob rua huv Khetos. 2Kuv yug mej lug ntawm tej kua mig, tsi yog tej zaub-mov kws tawv, vim mej tseem noj tsi tau taug. Txawm yog nwgnuav los mej tseem noj tsi tau taug hab, #Henpl 5:12-13 3ruaqhov mej tseem ua mej lub neej zoole tuabneeg nplajteb ua. Yog tseem muaj kev siskhib hab kev siscaav sistshe nyob rua huv mej, qhov ntawd puas yog qha tau has tas mej tseem yog tuabneeg nplajteb hab tseem ua mej lub neej zoole tuabneeg nplajteb ua? 4Thaus mej cov muaj ib tug has tas, “Kuv caum Paulus,” hab muaj dlua lwmtug has tas, “Kuv caum Apaulaus,” qhov ntawd tseem tsi yog mej ua zoole tuabneeg nplajteb ua hab lov? #1Klt 1:12
5Apaulaus yog leejtwg? Paulus yog leejtwg? Wb tsuas yog Vaajtswv ob tug tubkhai kws coj mej lug ntseeg xwb. Wb nyag yeej ua nyag teg dlejnum lawvle tug Tswv tau faib rua wb. 6Kuv yog tug cog, Apaulaus yog tug ywg dlej, tabsis Vaajtswv yog tug kws ua kuas lujhlub. #Tegnum 18:4-11; Tegnum 18:24-28 7Tug kws cog hab tug kws ywg dlej yeej tsi tseemceeb dlaabtsi, tug kws tseemceeb yog Vaajtswv, vim Nwg yog tug kws ua kuas lujhlub. 8Tug kws cog hab tug kws ywg dlej yeej muaj tuablub homphaj xwb; Vaajtswv yuav muab nqezug rua obtug lawvle tegnum kws obtug ua. 9Ruaqhov wb yog Vaajtswv ob tug tubkhai ua num uake, mej yog Vaajtswv thaaj teb.
10Lug ntawm txuj moovhlub kws Vaajtswv pub rua kuv, kuv tau pib ua lub quatsev le tug kws txawj ua tsev, hab lwmtug tsuas tuaj ua ntxiv rua. Tabsis txhua tug yuavtsum ceevfaaj seb nwg yuav ua lecaag. 11Ruaqhov leejtwg yuav tuaj ua dlua ib lub quatsev tshab yeej tsi tau lawm, tsuas yog lub quatsev kws Vaajtswv tau ua ca lawm xwb, lub ntawd yog Yexus Khetos.
12Muaj qeeleej yuav muab kub, muab nyaj, muab tej pobzeb kws muajnqes, muab ntoo, muab nqeeb, hab muab quavnyaab tuaj ua lub quatsev ntawd. 13Nub kws Khetos rovqaab lug, txhua tug tegnum yuav tshwm rua suavdlawg pum tseeb has tas zoo lecaag tag, ruaqhov Nub ntawd suavtawg yuav nthuav txhua tug tegnum, cov suavtawg ntawd yuav sim seb leejtwg tegnum zoo tag-tag. 14Tej kws suavdlawg coj tuaj ua lub quatsev ntawd, yog leejtwg le tsi kubnyab, tug ntawd yuav tau nqezug. 15Tabsis yog leejtwg tegnum kubnyab lawm, nwg yuav tsi tau dlaabtsi le; nwg yeej yuav dlim ntaag, tabsis tsuas dlim le tug kws tsiv dlim huv suavtawg lug xwb.
16Mej tsi paub tas mej yog Vaajtswv lub tuamtsev hab Vaajtswv tug Ntsujplig nyob rua huv mej nua lov? #1Klt 6:19; 2Klt 6:16 17Yog leejtwg rhuav Vaajtswv lub tuamtsev, Vaajtswv yuav rhuav tug ntawd. Ruaqhov Vaajtswv lub tuamtsev yog lub kws dlawbhuv, hab mej yog lub tuamtsev ntawd.
18Yug tsi xob rov dlaag yug. Yog mej leejtwg xaav tas nwg yog tug kws ntse lawvle tej kev txawjntse nyob rua tam nuav, kuas nwg tuamyeem ua tug ruag, sub nwg txhaj dlhau tau moog ua tug ntse. 19Ruaqhov tej kws tuabneeg nplajteb suav has tas yog kev txawjntse, tej ntawd yog kev ruam ntawm Vaajtswv. Vaajtswv Txujlug tau sau tseg has tas, “Vaajtswv nteg cov tuabneeg txawjntse lug ntawm puab tej tswvyim phem”; #Yauj 5:13 20hab muaj dlua ib lus has tas, “Tug Tswv paub tas cov tuabneeg txawjntse tej kev xaav tsi tseemceeb dlaabtsi le.” #Nnkauj 94:11 21Yogle ntawd, mej tsi xob khaav txug tuabneeg hlo le! Txhua yaam puavleej yog mej tug, 22txawm yog Paulus lossis Apaulaus lossis Petus; lossis lub nplajteb nuav, lossis txujsa, lossis kev tuag, lossis tam nuav, lossis tam tomntej, txhua yaam nuav puavleej yog mej tug, 23mej yog Khetos tug, hab Khetos yog Vaajtswv tug.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.