1 Kauleethaus 2
2
Zaaj Has Txug Khetos Tug Kws Raug Ntsa Sau Ntoo Khaublig
1Cov kwvtij, thaus kuv tuaj saib mej, kws yog tuaj qha Vaajtswv Txujlug tseeb kws tsi muaj tuabneeg paub#2:1: Vaajtswv txujlug tseeb kws tsi muaj tuabneeg paub; tej phoo ntawv qub kws xuas teg sau, muaj tej lug timkhawv txug Vaajtswv. rua mej, kuv tsi tau siv tej lug kws tub-tub lossis qha le kws kuv yog ib tug tuabneeg muaj kev txawjntse heev. 2Ruaqhov kuv yeej txavtxim sab lawm has tas thaus kuv nrug mej nyob, kuv yuav tsi qha txug lwmyaam hlo le, tsuas yog qha txug Yexus Khetos hab qhov kws Nwg tuag sau tug ntoo khaublig rua mej xwb. 3Yogle ntawd, thaus kuv tuaj nrug mej nyob, kuv kuj tsaugmuas hab ntshai ua ibce tsheenyo. #Tegnum 18:9 4Tej lug kws kuv has hab tej kws kuv qhuabqha yeej tsi yog lug ntawm tuabneeg lub tswvyim txawjntse kuas xwv tau tuabneeg lub sab, tabsis yog tej lug kws qha kuas suavdlawg pum txug Vaajtswv tug Ntsujplig lub fwjchim. 5Yogle ntawd, mej txuj kev ntseeg txhaj tsi nyob rua ntawm tuabneeg tej kev txawjntse, tabsis nyob rua ntawm Vaajtswv lub fwjchim.
Vaajtswv Lub Tswvyim
6Txawm le ntawd los kuv yeej qha yaam ntsentsuav rua cov tuabneeg kws paubtaab ntawm saab ntsujplig lawm, tabsis tsi yog qha le cov tuabneeg tam nuav txuj kev txawjntse lossis tej fwjchim kws kaav lub nplajteb nuav, vim tej fwjchim ntawd taabtom yuav pluj moog. 7Lub tswvyim kws kuv siv lug qha yog Vaajtswv lub tswvyim kws tau muab zais ca hab tsi muaj leejtwg paub; tabsis Vaajtswv tub npaaj lub tswvyim ntawd tseg rua peb puag thaus kws tsi tau tsim lub nplajteb nuav lug lawm kuas ua rua peb tau ntsejmuag. 8Cov kws kaav lub nplajteb nuav yeej tsi muaj ib tug paub lub tswvyim ntawd; yog puab paub lawm, puab yeej yuav tsi muab tug Tswv kws muaj tshwjchim ci ntsaa-ab ntsa rua sau tug ntoo khaublig ib zag le. 9Lecaag los xij, Vaajtswv Txujlug tau sau tseg has tas:
“Tej kws qhovmuag tsi tau pum lossis qhovntsej tsi tau nov,
tej kws tuabneeg lub sab xaav tsi txug has tas yuav muaj,
tub yog tej kws Vaajtswv npaaj tseg rua cov tuabneeg kws hlub Vaajtswv ntaag.” #Yaxaya 64:4
10Tabsis#2:10: Tabsis; tej phoo ntawv qub kws xuas teg sau, muaj Vim. Vaajtswv muab zaaj kws Nwg muab zais ca lawm lug nthuav qha rua peb paub lug ntawm Nwg tug Ntsujplig. Vaaj Ntsujplig tshawb txhua yaam, txawm yog tej kws Vaajtswv muab npug ca nyob tub heev los Nwg yeej paub huv tuabsi. 11Yeej tsi muaj leejtwg kws yuav paub tau lwmtug lub sab le, tsuas yog nwg tug ntsujplig txhaj paub nwg lub sab xwb; ib yaam nkaus le ntawd, tsuas yog Vaajtswv tug Ntsujplig txhaj paub Vaajtswv lub sab xwb. #2Kev 10:17 12Peb tsi tau txais nplajteb tug ntsujplig; tabsis peb tau txais tug Ntsujplig kws Vaajtswv khaiv lug, sub peb txhaj totaub txhua yaam kws Vaajtswv muab pub rua peb.
13Yogle ntawd, thaus peb qha Vaajtswv zaaj kws yog qhov tseeb rua cov tuabneeg kws muaj Vaaj Ntsujplig#2:13: rua cov tuabneeg kws muaj Vaaj Ntsujplig; lossis lawvle tej lug kws Vaaj Ntsujplig qha. lawm, peb has tej lug kws Vaaj Ntsujplig qha xwb, peb yeej tsi has tej lug kws cov tuabneeg txawjntse has. 14Tug kws tsi muaj Vaaj Ntsujplig, tug ntawd yeej txais tsi tau tej kws Vaajtswv tug Ntsujplig pub, ruaqhov nwg yeej tsi totaub txug tej ntawd hab nwg suav has tas tej ntawd yog kev ruag rua nwg; ruaqhov tej ntawd yog has txug saab Ntsujplig. 15Tug kws muaj Vaaj Ntsujplig, tug ntawd yeej paub sojntsuam txug txhua yaam, tabsis tsi muaj leejtwg ntsuag tau tug ntawd lub sab. 16Lawvle Vaajtswv Txujlug has tas:
“Leejtwg txhaj paub tug Tswv lub sab?
Leejtwg txhaj qha tau Nwg?”
Tabsis peb yog cov muaj Khetos lub sab. #Yaxaya 40:13 (LXX)
Currently Selected:
1 Kauleethaus 2: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
1 Kauleethaus 2
2
Zaaj Has Txug Khetos Tug Kws Raug Ntsa Sau Ntoo Khaublig
1Cov kwvtij, thaus kuv tuaj saib mej, kws yog tuaj qha Vaajtswv Txujlug tseeb kws tsi muaj tuabneeg paub#2:1: Vaajtswv txujlug tseeb kws tsi muaj tuabneeg paub; tej phoo ntawv qub kws xuas teg sau, muaj tej lug timkhawv txug Vaajtswv. rua mej, kuv tsi tau siv tej lug kws tub-tub lossis qha le kws kuv yog ib tug tuabneeg muaj kev txawjntse heev. 2Ruaqhov kuv yeej txavtxim sab lawm has tas thaus kuv nrug mej nyob, kuv yuav tsi qha txug lwmyaam hlo le, tsuas yog qha txug Yexus Khetos hab qhov kws Nwg tuag sau tug ntoo khaublig rua mej xwb. 3Yogle ntawd, thaus kuv tuaj nrug mej nyob, kuv kuj tsaugmuas hab ntshai ua ibce tsheenyo. #Tegnum 18:9 4Tej lug kws kuv has hab tej kws kuv qhuabqha yeej tsi yog lug ntawm tuabneeg lub tswvyim txawjntse kuas xwv tau tuabneeg lub sab, tabsis yog tej lug kws qha kuas suavdlawg pum txug Vaajtswv tug Ntsujplig lub fwjchim. 5Yogle ntawd, mej txuj kev ntseeg txhaj tsi nyob rua ntawm tuabneeg tej kev txawjntse, tabsis nyob rua ntawm Vaajtswv lub fwjchim.
Vaajtswv Lub Tswvyim
6Txawm le ntawd los kuv yeej qha yaam ntsentsuav rua cov tuabneeg kws paubtaab ntawm saab ntsujplig lawm, tabsis tsi yog qha le cov tuabneeg tam nuav txuj kev txawjntse lossis tej fwjchim kws kaav lub nplajteb nuav, vim tej fwjchim ntawd taabtom yuav pluj moog. 7Lub tswvyim kws kuv siv lug qha yog Vaajtswv lub tswvyim kws tau muab zais ca hab tsi muaj leejtwg paub; tabsis Vaajtswv tub npaaj lub tswvyim ntawd tseg rua peb puag thaus kws tsi tau tsim lub nplajteb nuav lug lawm kuas ua rua peb tau ntsejmuag. 8Cov kws kaav lub nplajteb nuav yeej tsi muaj ib tug paub lub tswvyim ntawd; yog puab paub lawm, puab yeej yuav tsi muab tug Tswv kws muaj tshwjchim ci ntsaa-ab ntsa rua sau tug ntoo khaublig ib zag le. 9Lecaag los xij, Vaajtswv Txujlug tau sau tseg has tas:
“Tej kws qhovmuag tsi tau pum lossis qhovntsej tsi tau nov,
tej kws tuabneeg lub sab xaav tsi txug has tas yuav muaj,
tub yog tej kws Vaajtswv npaaj tseg rua cov tuabneeg kws hlub Vaajtswv ntaag.” #Yaxaya 64:4
10Tabsis#2:10: Tabsis; tej phoo ntawv qub kws xuas teg sau, muaj Vim. Vaajtswv muab zaaj kws Nwg muab zais ca lawm lug nthuav qha rua peb paub lug ntawm Nwg tug Ntsujplig. Vaaj Ntsujplig tshawb txhua yaam, txawm yog tej kws Vaajtswv muab npug ca nyob tub heev los Nwg yeej paub huv tuabsi. 11Yeej tsi muaj leejtwg kws yuav paub tau lwmtug lub sab le, tsuas yog nwg tug ntsujplig txhaj paub nwg lub sab xwb; ib yaam nkaus le ntawd, tsuas yog Vaajtswv tug Ntsujplig txhaj paub Vaajtswv lub sab xwb. #2Kev 10:17 12Peb tsi tau txais nplajteb tug ntsujplig; tabsis peb tau txais tug Ntsujplig kws Vaajtswv khaiv lug, sub peb txhaj totaub txhua yaam kws Vaajtswv muab pub rua peb.
13Yogle ntawd, thaus peb qha Vaajtswv zaaj kws yog qhov tseeb rua cov tuabneeg kws muaj Vaaj Ntsujplig#2:13: rua cov tuabneeg kws muaj Vaaj Ntsujplig; lossis lawvle tej lug kws Vaaj Ntsujplig qha. lawm, peb has tej lug kws Vaaj Ntsujplig qha xwb, peb yeej tsi has tej lug kws cov tuabneeg txawjntse has. 14Tug kws tsi muaj Vaaj Ntsujplig, tug ntawd yeej txais tsi tau tej kws Vaajtswv tug Ntsujplig pub, ruaqhov nwg yeej tsi totaub txug tej ntawd hab nwg suav has tas tej ntawd yog kev ruag rua nwg; ruaqhov tej ntawd yog has txug saab Ntsujplig. 15Tug kws muaj Vaaj Ntsujplig, tug ntawd yeej paub sojntsuam txug txhua yaam, tabsis tsi muaj leejtwg ntsuag tau tug ntawd lub sab. 16Lawvle Vaajtswv Txujlug has tas:
“Leejtwg txhaj paub tug Tswv lub sab?
Leejtwg txhaj qha tau Nwg?”
Tabsis peb yog cov muaj Khetos lub sab. #Yaxaya 40:13 (LXX)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.