1 Kauleethaus 12
12
Tej Khoomplig Lug Ntawm Vaaj Ntsujplig Tug Dlawbhuv Lug
1Zagnua, has txug tej khoomplig kws lug ntawm Vaaj Ntsujplig tug dlawbhuv lug.
Cov kwvtij, kuv xaav kuas mej paub qhov tseeb txug tej khoomplig ntawd. 2Mej paub tas yaav taag lug kws mej tseem tsi tau ntseeg, mej raug luas haub-ntxag moog pe tej mlom kws tsi muaj sa. 3Yogle ntawd, kuv xaav kuas mej totaub has tas, tsi muaj leejtwg kws tub muaj Vaajtswv tug Ntsujplig ua tug coj nwg lawm es tseem yuav has tau has tas, “Thov kuas Yexus raug foom!” hab tsi muaj leejtwg kws yuav leeg tau has tas, “Yexus yog tug Tswv,” tsuas yog tug kws muaj Vaajtswv tug Ntsujplig ua tug coj xwb txhaj has tau.
4Muaj ntau yaam khoomplig kws lug ntawm Vaaj Ntsujplig lug, tabsis tej ntawd puavleej yog tuabtug Vaaj Ntsujplig muab xwb. #Loos 12:6-8 5Muaj ntau txuj kev ua dlejnum, tabsis yeej yog ua rua tuabtug Tswv xwb. 6Muaj ntau lub peevxwm ua dlejnum, tabsis puavleej yog tuabtug Vaajtswv pub lub peevxwm ntawd rua suavdlawg kuas nyag ua nyag teg dlejnum.
7Vaaj Ntsujplig teg dlejnum yeej tshwm nyob rua huv txhua tug kuas muajnqes rua suavdlawg huvsi. 8Vaaj Ntsujplig pub rua ib tug kuas muaj tswvyim puvnpo, hab tuabtug Vaaj Ntsujplig ntawd ho pub rua lwmtug kuas puvnpo kev txawjntse. 9Tuabtug Vaaj Ntsujplig ntawd pub rua ib tug kuas muaj kev ntseeg, ho pub rua lwmtug kuas muaj fwjchim khu kuas zoo mob. 10Vaaj Ntsujplig pub rua ib tug kuas muaj fwjchim ua tau tej txujci tseemceeb, pub rua lwmtug kuas txawj cev Vaajtswv tej lug, pub rua lwmtug kuas muaj peevxwm cais tau has tas qhov khoomplig twg yog lug ntawm Vaajtswv tug Ntsujplig lug hab qhovtwg kws tsi yog. Nwg pub rua ib tug txawj has tej lug txawv-txawv, hab ho pub rua lwmtug txawj txhais tej lug txawv-txawv ntawd. 11Tej nuav puavleej yog tuabtug Vaaj Ntsujplig ua tug pub xwb, hab Nwg pub tej khoomplig ntawd rua txhua tug lawvle Nwg pumzoo.
Lub Cev Muaj Ntau Yaam Koom Uake
12Khetos zoole ib lub cev kws muaj ntau yaam koom uake; txawm yog muaj ntau yaam le ntawd los puavleej yog tuablub cev xwb. Khetos los kuj zoo ib yaam le ntawd hab. #Loos 12:4-5 13Tuabyaam le ntawd, txawm peb suavdlawg yog tuabneeg Yudais lossis Lwmtsaav Tuabneeg los xij, peb puavleej ua kevcai rausdlej lug ntawm tuabtug Vaaj Ntsujplig, hab Vaajtswv tsuas laub tuabtug Ntsujplig lug rua peb suavdlawg haus xwb.
14Tseeb tag, lub cev yeej tsi yog muab ib yaam lug ua xwb, tabsis muab ntau yaam lug ua. 15Yog txhais kutaw yuav has tas, “Vim kuv tsi yog txhais teg, tes kuv tsi muaj feem koom rua ntawm lub cev,” txawm has le ntawd los yeej muab nwg cais tsi tau tawm ntawm lub cev. 16Yog lub pobntseg yuav has tas, “Vim kuv tsi yog lub qhovmuag, tes kuv tsi muaj feem koom rua ntawm lub cev,” txawm has le ntawd los yeej muab nwg cais tsi tau tawm ntawm lub cev. 17Yog txhua yaam ntawm lub cev yog lub qhovmuag xwb, nwg yuav ua lecaag nov lug? Hab yog txhua yaam ntawm lub cev yog lub pobntseg xwb, nwg yuav ua lecaag nov ntxhab? 18Tseeb tag, Vaajtswv yeej tsim kuas muaj txhua-txhua yaam nyob rua ntawm lub cev lawvle Vaajtswv pumzoo. 19Yog txhua yaam zoo ib yaam nkaus xwb, yuav tsi tsheej ib lub cev! 20Vimle ntawd, txawm yog muaj tuablub cev xwb los nwg txhaj muaj ntau yaam koom uake.
21Yogle ntawd, lub qhovmuag yuav has tsi tau rua txhais teg has tas, “Kuv tsi yuav koj!” Lossis lub taubhau yuav has tsi tau rua txhais kutaw has tas, “Kuv tsi yuav koj!” 22Tseeb tag, txawm peb lub cev muaj qeeyaam kws tsi tshua muajzug, los peb tseem ceev ca huv tuabsi; 23hab tej kws peb xaav tas tsi tshua muajnqes pistsawg, peb tseem hajyam tu yaam ntawd zoo dlua; tej yaam ntawm peb lub cev kws tsi tshua zoo saib, peb tseem hajyam ua tuabzoo tu kuas zoo saib tuaj, 24tabsis tej yaam kws zoo lawm tes tsi taag yuav tu. Vaajtswv tau muab txhua yaam lug koom uake rua ntawm lub cev, hab tau ua rua tej kws tsi tshua muajnqes pistsawg kuas muajnqes tuaj. 25Yogle ntawd, lub cev txhaj yuav tsi muaj kev sisfaib, tabsis txhua yaam ntawd kuas ib yaam txhawjxeeb txug ib yaam. 26Yog ib qho ntawm lub cev muaj mob, tes taagnrho txhua qhov yeej mob huv tuabsi; yog ib qho raug qhuas, tes taagnrho txhua qhov yuav nrug qhov ntawd zoosab.
27Mej txhua tug puavleej yog Khetos lub cev, hab mej ib leeg yog ib yaam ntawm lub cev ntawd. 28Nyob huv pawg ntseeg, Vaajtswv tsaa peb nyag nyob muaj nyag chaw: thawj paab yog cov timthawj, paab thib ob yog cov xwbfwb cev Vaajtswv lug, hab paab thib peb yog cov xwbfwb kws cobqha; dlua le ntawd tes yog cov kws ua tej txujci tseemceeb, hab cov kws tau qhov khoomplig khu mob zoo, cov kws muaj peevxwm paab tau lwmtug, cov kws txawj tswjfwm, hab cov kws has tau lug txawv-txawv. #Efex 4:11 29Tsi yog puab txhua tug yuav ua timthawj lossis ua xwbfwb cev Vaajtswv lug lossis ua cov cobqha. Tsi yog txhua tug tau lub fwjchim kws ua tau tej txujci tseemceeb, 30lossis khu tau mob zoo lossis has tau lug txawv-txawv lossis txawj txhais tau tej lug txawv-txawv ntawd. 31Yogle ntawd, mej yuavtsum muab sab rau nrhav tej khoomplig kws tseemceeb dlua tej ntawd.
Zagnua, kuv yuav qha ib txujkev kws zoo tshaajplawg rua mej.
Currently Selected:
1 Kauleethaus 12: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
1 Kauleethaus 12
12
Tej Khoomplig Lug Ntawm Vaaj Ntsujplig Tug Dlawbhuv Lug
1Zagnua, has txug tej khoomplig kws lug ntawm Vaaj Ntsujplig tug dlawbhuv lug.
Cov kwvtij, kuv xaav kuas mej paub qhov tseeb txug tej khoomplig ntawd. 2Mej paub tas yaav taag lug kws mej tseem tsi tau ntseeg, mej raug luas haub-ntxag moog pe tej mlom kws tsi muaj sa. 3Yogle ntawd, kuv xaav kuas mej totaub has tas, tsi muaj leejtwg kws tub muaj Vaajtswv tug Ntsujplig ua tug coj nwg lawm es tseem yuav has tau has tas, “Thov kuas Yexus raug foom!” hab tsi muaj leejtwg kws yuav leeg tau has tas, “Yexus yog tug Tswv,” tsuas yog tug kws muaj Vaajtswv tug Ntsujplig ua tug coj xwb txhaj has tau.
4Muaj ntau yaam khoomplig kws lug ntawm Vaaj Ntsujplig lug, tabsis tej ntawd puavleej yog tuabtug Vaaj Ntsujplig muab xwb. #Loos 12:6-8 5Muaj ntau txuj kev ua dlejnum, tabsis yeej yog ua rua tuabtug Tswv xwb. 6Muaj ntau lub peevxwm ua dlejnum, tabsis puavleej yog tuabtug Vaajtswv pub lub peevxwm ntawd rua suavdlawg kuas nyag ua nyag teg dlejnum.
7Vaaj Ntsujplig teg dlejnum yeej tshwm nyob rua huv txhua tug kuas muajnqes rua suavdlawg huvsi. 8Vaaj Ntsujplig pub rua ib tug kuas muaj tswvyim puvnpo, hab tuabtug Vaaj Ntsujplig ntawd ho pub rua lwmtug kuas puvnpo kev txawjntse. 9Tuabtug Vaaj Ntsujplig ntawd pub rua ib tug kuas muaj kev ntseeg, ho pub rua lwmtug kuas muaj fwjchim khu kuas zoo mob. 10Vaaj Ntsujplig pub rua ib tug kuas muaj fwjchim ua tau tej txujci tseemceeb, pub rua lwmtug kuas txawj cev Vaajtswv tej lug, pub rua lwmtug kuas muaj peevxwm cais tau has tas qhov khoomplig twg yog lug ntawm Vaajtswv tug Ntsujplig lug hab qhovtwg kws tsi yog. Nwg pub rua ib tug txawj has tej lug txawv-txawv, hab ho pub rua lwmtug txawj txhais tej lug txawv-txawv ntawd. 11Tej nuav puavleej yog tuabtug Vaaj Ntsujplig ua tug pub xwb, hab Nwg pub tej khoomplig ntawd rua txhua tug lawvle Nwg pumzoo.
Lub Cev Muaj Ntau Yaam Koom Uake
12Khetos zoole ib lub cev kws muaj ntau yaam koom uake; txawm yog muaj ntau yaam le ntawd los puavleej yog tuablub cev xwb. Khetos los kuj zoo ib yaam le ntawd hab. #Loos 12:4-5 13Tuabyaam le ntawd, txawm peb suavdlawg yog tuabneeg Yudais lossis Lwmtsaav Tuabneeg los xij, peb puavleej ua kevcai rausdlej lug ntawm tuabtug Vaaj Ntsujplig, hab Vaajtswv tsuas laub tuabtug Ntsujplig lug rua peb suavdlawg haus xwb.
14Tseeb tag, lub cev yeej tsi yog muab ib yaam lug ua xwb, tabsis muab ntau yaam lug ua. 15Yog txhais kutaw yuav has tas, “Vim kuv tsi yog txhais teg, tes kuv tsi muaj feem koom rua ntawm lub cev,” txawm has le ntawd los yeej muab nwg cais tsi tau tawm ntawm lub cev. 16Yog lub pobntseg yuav has tas, “Vim kuv tsi yog lub qhovmuag, tes kuv tsi muaj feem koom rua ntawm lub cev,” txawm has le ntawd los yeej muab nwg cais tsi tau tawm ntawm lub cev. 17Yog txhua yaam ntawm lub cev yog lub qhovmuag xwb, nwg yuav ua lecaag nov lug? Hab yog txhua yaam ntawm lub cev yog lub pobntseg xwb, nwg yuav ua lecaag nov ntxhab? 18Tseeb tag, Vaajtswv yeej tsim kuas muaj txhua-txhua yaam nyob rua ntawm lub cev lawvle Vaajtswv pumzoo. 19Yog txhua yaam zoo ib yaam nkaus xwb, yuav tsi tsheej ib lub cev! 20Vimle ntawd, txawm yog muaj tuablub cev xwb los nwg txhaj muaj ntau yaam koom uake.
21Yogle ntawd, lub qhovmuag yuav has tsi tau rua txhais teg has tas, “Kuv tsi yuav koj!” Lossis lub taubhau yuav has tsi tau rua txhais kutaw has tas, “Kuv tsi yuav koj!” 22Tseeb tag, txawm peb lub cev muaj qeeyaam kws tsi tshua muajzug, los peb tseem ceev ca huv tuabsi; 23hab tej kws peb xaav tas tsi tshua muajnqes pistsawg, peb tseem hajyam tu yaam ntawd zoo dlua; tej yaam ntawm peb lub cev kws tsi tshua zoo saib, peb tseem hajyam ua tuabzoo tu kuas zoo saib tuaj, 24tabsis tej yaam kws zoo lawm tes tsi taag yuav tu. Vaajtswv tau muab txhua yaam lug koom uake rua ntawm lub cev, hab tau ua rua tej kws tsi tshua muajnqes pistsawg kuas muajnqes tuaj. 25Yogle ntawd, lub cev txhaj yuav tsi muaj kev sisfaib, tabsis txhua yaam ntawd kuas ib yaam txhawjxeeb txug ib yaam. 26Yog ib qho ntawm lub cev muaj mob, tes taagnrho txhua qhov yeej mob huv tuabsi; yog ib qho raug qhuas, tes taagnrho txhua qhov yuav nrug qhov ntawd zoosab.
27Mej txhua tug puavleej yog Khetos lub cev, hab mej ib leeg yog ib yaam ntawm lub cev ntawd. 28Nyob huv pawg ntseeg, Vaajtswv tsaa peb nyag nyob muaj nyag chaw: thawj paab yog cov timthawj, paab thib ob yog cov xwbfwb cev Vaajtswv lug, hab paab thib peb yog cov xwbfwb kws cobqha; dlua le ntawd tes yog cov kws ua tej txujci tseemceeb, hab cov kws tau qhov khoomplig khu mob zoo, cov kws muaj peevxwm paab tau lwmtug, cov kws txawj tswjfwm, hab cov kws has tau lug txawv-txawv. #Efex 4:11 29Tsi yog puab txhua tug yuav ua timthawj lossis ua xwbfwb cev Vaajtswv lug lossis ua cov cobqha. Tsi yog txhua tug tau lub fwjchim kws ua tau tej txujci tseemceeb, 30lossis khu tau mob zoo lossis has tau lug txawv-txawv lossis txawj txhais tau tej lug txawv-txawv ntawd. 31Yogle ntawd, mej yuavtsum muab sab rau nrhav tej khoomplig kws tseemceeb dlua tej ntawd.
Zagnua, kuv yuav qha ib txujkev kws zoo tshaajplawg rua mej.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.