1 Kauleethaus 11
11
1Mej xyum ua lawvle kuv tug yaamntxwv, ib yaam le kuv xyum ua lawvle Khetos tug yaamntxwv. #1Klt 4:16; Filipi 3:17
Ntoo Phuam Thaus Pehawm Vaajtswv
2Kuv thov qhuas mej vim mej yeej ncuntsoov kuv hab ua lawvle tej lug qha kws kuv tau muab pub rua mej lawm. 3Tabsis kuv xaav kuas mej totaub has tas Khetos yog txhua tug txivneej lub taubhau, hab tug quasyawg yog tug quaspuj lub taubhau, hab Vaajtswv yog Khetos lub taubhau. 4Yogle ntawd, tug txivneej kws kauv nwg lub taubhau thov Vaajtswv lossis cev Vaajtswv Txujlug, yog nwg ua saib tsi taug Khetos kws yog nwg lub taubhau. 5Tug quaspuj kws tsi kauv nwg lub taubhau thov Vaajtswv lossis cev Vaajtswv Txujlug, yog nwg ua saib tsi taug nwg tug quasyawg kws yog nwg lub taubhau. Nwg zoo ib yaam le tug quaspuj kws muab plaubhau chais taag lawm. 6Yog tug quaspuj tsi kauv nwg lub taubhau, nwg yuavtsum muab nwg cov plaubhau txav povtseg. Tabsis tug quaspuj kws txav nwg cov plaubhau lossis chais nwg cov plaubhau yuav poob ntsejmuag, yogle ntawd tsimnyog nwg yuavtsum kauv nwg lub taubhau.
7Ib tug txivneej twg tsi taag yuav kauv nwg lub taubhau los tau, vim nwg yog Vaajtswv lub fwvxyeej hab tug tshwjchim. Tabsis quaspuj yog txivneej tug tshwjchim; #Chiv 1:26-27 8ruaqhov Vaajtswv tsi tau tsim txivneej lug ntawm quaspuj, tabsis tsim quaspuj lug ntawm txivneej. 9Lossis tsi tau tsim txivneej rua quaspuj, tabsis tsim quaspuj rua txivneej. #Chiv 2:18-23 10Vim saib rua cov timtswv ceebtsheej, tug quaspuj yuavtsum kauv nwg lub taubhau sub txhaj qha tau has tas nwg nyob huvqaab nwg tug quasyawg lub fwjchim. 11Txawm le ntawd los peb lub neej kws nyob rua huv tug Tswv lawm, tug quaspuj yeej vaam tug txivneej hab tug txivneej yeej vaam tug quaspuj. 12Quaspuj yog tsim lug ntawm txivneej, hab txivneej yog yug lug ntawm quaspuj; tabsis txhua yaam puavleej yog Vaajtswv tsim.
13Mej sim ua tuabzoo xaav seb, thaus suavdlawg tuaj pehawm Vaajtswv, puas tsimnyog ib tug quaspuj lug thov Vaajtswv es tsi kauv nwg lub taubhau? 14Lawvle ibtxwm, mej yeej paub tas tug txivneej kws tseg plaubhau ntev, yog ib qhov kev txaajmuag, 15tabsis tug quaspuj kws tseg plaubhau ntev yog ib yaam kws zoonkauj rua nwg. Nwg cov plaubhau kws ntev ntawd yog Vaajtswv muab rua nwg lug npug nwg lub taubhau. 16Tabsis yog leejtwg xaav caam txug zaaj nuav, kuv tsuas has tas nyob rua huv txuj kev pehawm Vaajtswv tes peb lossis Vaajtswv cov pawg ntseeg yeej tsi muaj lwm txujcai coj le lawm.
Tug Tswv Rooj Mov
(Mathais 26:26-29; Malakaus 14:22-25; Lukas 22:14-20)
17Tej kws kuv yuav qha mej nuav, kuv tsi qhuas mej lawm, ruaqhov mej tej kev tuaj nyob uake pehawm Vaajtswv ntawd tsi yog ua rua mej zoo zujzug tuaj, tabsis tseem ua rua mej phem dlua qub ntxiv. 18Thawj qhov, kuv nov tas thaus mej pawg ntseeg tuaj sissau uake, mas muaj kev sisfaib ua paab ua pawg; zaaj nuav kuv ntseeg tas yeej muaj tseeb le ntawd tag hab. ( 19Ua lecaag los yuavtsum muaj kev sisfaib nyob nruabnraab huv mej sub suavdlawg txhaj paub meej tas paab twg txhaj yog paab yog.)
20Thaus mej tuaj txoos uake, tsi yog mej tuaj noj tug Tswv Rooj Mov. 21Ruaqhov has tas thaus mej noj, mej cale nyag taug nyag noj tsi tog lwmtug le, yogle ntawd muaj ibtxha tseem tshaib plaab tabsis ibtxha tub noj tsau haus qaug lawm. 22Tsi muaj tsev rua mej moog noj moog haus lov? Lossis mej txhobtxwm ua saib tsi taug Vaajtswv pawg ntseeg hab ua kuas cov tuabneeg pluag txaajmuag nua lov? Mej tseem yuav kuas kuv has lecaag rua mej txug zaaj nuav hab? Kuv yuav qhuas mej nua lov? Kuv yeej tsi qhuas mej hlo le!
23Tej lug qha kws kuv tau txais ntawm tug Tswv lug, kuv muab qha rua mej: mo kws luas ntxeevsab rua tug Tswv Yexus, Nwg muab ib lub ncuav lug, 24ua Vaajtswv tsaug, muab ndlais hab has tas, “Nuav yog Kuv lub cev, kws yog muab rua mej. Mej ua le nuav, ua kev ncu txug Kuv.” 25Thaus noj mo taag Nwg muab ib lub khob lug ua ib yaam nkaus le ntawd hab, Nwg has tas, “Lub khob nuav yog Vaajtswv tej lug cogtseg tshab kws muab Kuv cov ntshaav ua lub cim nas rua. Thaus twg mej haus lub khob nuav, mej haus ua kev ncu txug Kuv.” #Tsiv 24:8; Yelemi 31:31-34; Tsiv 24:6-8 26Ruaqhov txhua zag kws mej noj lub ncuav nuav hab haus lub khob nuav, yog mej qha tug Tswv txuj kev tuag moog txug nub kws Nwg rovqaab lug.
27Yogle ntawd, tug kws laam cale noj tug Tswv lub ncuav lossis haus tug Tswv lub khob yaam tsi tsimnyog, tug ntawd muaj txim, vim nwg ua txhum tug Tswv lub cev hab tug Tswv cov ntshaav. 28Txhua tug nyag yuavtsum sojntsuam nyag tugkheej tsaiv, maamle noj lub ncuav hab haus lub khob. 29Ruaqhov tug kws cale noj lub ncuav hab haus lub khob tabsis tsi paub meej-meej txug tug Tswv lub cev, tes yog nwg noj hab haus txuj kev txavtxim lug rua nwg tugkheej. 30Tub yog vimle ntawd mej cov muaj coob leej txhaj tsaugmuas hab muaj mob, hab muaj ibtxha txhajle tau tsaugzug lawm. 31Yog peb xub sojntsuam peb tugkheej, tes peb yuav tsi raug Vaajtswv rautxim. 32Tabsis thaus tug Tswv rautxim rua peb, yog Nwg qhuabntuag peb, sub peb txhaj yuav tsi raug teemtxim nrug lub nplajteb nuav.
33Yogle ntawd, cov kwvtij, thaus mej tuaj uake noj tug Tswv Rooj Mov, mej ib leeg yuavtsum tog ib leeg. 34Yog leejtwg tshaib plaab, nwg yuavtsum noj tom tsev tsaiv, sub thaus mej tuaj saablaaj uake, Vaajtswv txhaj yuav tsi rautxim rua mej. Has txug lwmyaam tes ca thaus kuv tuaj tsaiv kuv maamle qha rua mej.
Currently Selected:
1 Kauleethaus 11: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
1 Kauleethaus 11
11
1Mej xyum ua lawvle kuv tug yaamntxwv, ib yaam le kuv xyum ua lawvle Khetos tug yaamntxwv. #1Klt 4:16; Filipi 3:17
Ntoo Phuam Thaus Pehawm Vaajtswv
2Kuv thov qhuas mej vim mej yeej ncuntsoov kuv hab ua lawvle tej lug qha kws kuv tau muab pub rua mej lawm. 3Tabsis kuv xaav kuas mej totaub has tas Khetos yog txhua tug txivneej lub taubhau, hab tug quasyawg yog tug quaspuj lub taubhau, hab Vaajtswv yog Khetos lub taubhau. 4Yogle ntawd, tug txivneej kws kauv nwg lub taubhau thov Vaajtswv lossis cev Vaajtswv Txujlug, yog nwg ua saib tsi taug Khetos kws yog nwg lub taubhau. 5Tug quaspuj kws tsi kauv nwg lub taubhau thov Vaajtswv lossis cev Vaajtswv Txujlug, yog nwg ua saib tsi taug nwg tug quasyawg kws yog nwg lub taubhau. Nwg zoo ib yaam le tug quaspuj kws muab plaubhau chais taag lawm. 6Yog tug quaspuj tsi kauv nwg lub taubhau, nwg yuavtsum muab nwg cov plaubhau txav povtseg. Tabsis tug quaspuj kws txav nwg cov plaubhau lossis chais nwg cov plaubhau yuav poob ntsejmuag, yogle ntawd tsimnyog nwg yuavtsum kauv nwg lub taubhau.
7Ib tug txivneej twg tsi taag yuav kauv nwg lub taubhau los tau, vim nwg yog Vaajtswv lub fwvxyeej hab tug tshwjchim. Tabsis quaspuj yog txivneej tug tshwjchim; #Chiv 1:26-27 8ruaqhov Vaajtswv tsi tau tsim txivneej lug ntawm quaspuj, tabsis tsim quaspuj lug ntawm txivneej. 9Lossis tsi tau tsim txivneej rua quaspuj, tabsis tsim quaspuj rua txivneej. #Chiv 2:18-23 10Vim saib rua cov timtswv ceebtsheej, tug quaspuj yuavtsum kauv nwg lub taubhau sub txhaj qha tau has tas nwg nyob huvqaab nwg tug quasyawg lub fwjchim. 11Txawm le ntawd los peb lub neej kws nyob rua huv tug Tswv lawm, tug quaspuj yeej vaam tug txivneej hab tug txivneej yeej vaam tug quaspuj. 12Quaspuj yog tsim lug ntawm txivneej, hab txivneej yog yug lug ntawm quaspuj; tabsis txhua yaam puavleej yog Vaajtswv tsim.
13Mej sim ua tuabzoo xaav seb, thaus suavdlawg tuaj pehawm Vaajtswv, puas tsimnyog ib tug quaspuj lug thov Vaajtswv es tsi kauv nwg lub taubhau? 14Lawvle ibtxwm, mej yeej paub tas tug txivneej kws tseg plaubhau ntev, yog ib qhov kev txaajmuag, 15tabsis tug quaspuj kws tseg plaubhau ntev yog ib yaam kws zoonkauj rua nwg. Nwg cov plaubhau kws ntev ntawd yog Vaajtswv muab rua nwg lug npug nwg lub taubhau. 16Tabsis yog leejtwg xaav caam txug zaaj nuav, kuv tsuas has tas nyob rua huv txuj kev pehawm Vaajtswv tes peb lossis Vaajtswv cov pawg ntseeg yeej tsi muaj lwm txujcai coj le lawm.
Tug Tswv Rooj Mov
(Mathais 26:26-29; Malakaus 14:22-25; Lukas 22:14-20)
17Tej kws kuv yuav qha mej nuav, kuv tsi qhuas mej lawm, ruaqhov mej tej kev tuaj nyob uake pehawm Vaajtswv ntawd tsi yog ua rua mej zoo zujzug tuaj, tabsis tseem ua rua mej phem dlua qub ntxiv. 18Thawj qhov, kuv nov tas thaus mej pawg ntseeg tuaj sissau uake, mas muaj kev sisfaib ua paab ua pawg; zaaj nuav kuv ntseeg tas yeej muaj tseeb le ntawd tag hab. ( 19Ua lecaag los yuavtsum muaj kev sisfaib nyob nruabnraab huv mej sub suavdlawg txhaj paub meej tas paab twg txhaj yog paab yog.)
20Thaus mej tuaj txoos uake, tsi yog mej tuaj noj tug Tswv Rooj Mov. 21Ruaqhov has tas thaus mej noj, mej cale nyag taug nyag noj tsi tog lwmtug le, yogle ntawd muaj ibtxha tseem tshaib plaab tabsis ibtxha tub noj tsau haus qaug lawm. 22Tsi muaj tsev rua mej moog noj moog haus lov? Lossis mej txhobtxwm ua saib tsi taug Vaajtswv pawg ntseeg hab ua kuas cov tuabneeg pluag txaajmuag nua lov? Mej tseem yuav kuas kuv has lecaag rua mej txug zaaj nuav hab? Kuv yuav qhuas mej nua lov? Kuv yeej tsi qhuas mej hlo le!
23Tej lug qha kws kuv tau txais ntawm tug Tswv lug, kuv muab qha rua mej: mo kws luas ntxeevsab rua tug Tswv Yexus, Nwg muab ib lub ncuav lug, 24ua Vaajtswv tsaug, muab ndlais hab has tas, “Nuav yog Kuv lub cev, kws yog muab rua mej. Mej ua le nuav, ua kev ncu txug Kuv.” 25Thaus noj mo taag Nwg muab ib lub khob lug ua ib yaam nkaus le ntawd hab, Nwg has tas, “Lub khob nuav yog Vaajtswv tej lug cogtseg tshab kws muab Kuv cov ntshaav ua lub cim nas rua. Thaus twg mej haus lub khob nuav, mej haus ua kev ncu txug Kuv.” #Tsiv 24:8; Yelemi 31:31-34; Tsiv 24:6-8 26Ruaqhov txhua zag kws mej noj lub ncuav nuav hab haus lub khob nuav, yog mej qha tug Tswv txuj kev tuag moog txug nub kws Nwg rovqaab lug.
27Yogle ntawd, tug kws laam cale noj tug Tswv lub ncuav lossis haus tug Tswv lub khob yaam tsi tsimnyog, tug ntawd muaj txim, vim nwg ua txhum tug Tswv lub cev hab tug Tswv cov ntshaav. 28Txhua tug nyag yuavtsum sojntsuam nyag tugkheej tsaiv, maamle noj lub ncuav hab haus lub khob. 29Ruaqhov tug kws cale noj lub ncuav hab haus lub khob tabsis tsi paub meej-meej txug tug Tswv lub cev, tes yog nwg noj hab haus txuj kev txavtxim lug rua nwg tugkheej. 30Tub yog vimle ntawd mej cov muaj coob leej txhaj tsaugmuas hab muaj mob, hab muaj ibtxha txhajle tau tsaugzug lawm. 31Yog peb xub sojntsuam peb tugkheej, tes peb yuav tsi raug Vaajtswv rautxim. 32Tabsis thaus tug Tswv rautxim rua peb, yog Nwg qhuabntuag peb, sub peb txhaj yuav tsi raug teemtxim nrug lub nplajteb nuav.
33Yogle ntawd, cov kwvtij, thaus mej tuaj uake noj tug Tswv Rooj Mov, mej ib leeg yuavtsum tog ib leeg. 34Yog leejtwg tshaib plaab, nwg yuavtsum noj tom tsev tsaiv, sub thaus mej tuaj saablaaj uake, Vaajtswv txhaj yuav tsi rautxim rua mej. Has txug lwmyaam tes ca thaus kuv tuaj tsaiv kuv maamle qha rua mej.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.