Aaˇbaˬdiˇ 1
1
1Heu-aˬ, Miˬyehˇ gʼaˇ duˬ Awˇbaˬdiˇ neh ngehˬ dah-euˬ dawˬ deuˬ meh. Eˬdoˬ miˇ kʼahˬ-euˬ gaˇ kawˆ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh.
Eˬdoˬ miˇ kʼahˬ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a
Sahˬpaˬ Miˬyehˇ gʼaˬ kʼehˇ pyehˬ-awˇ,
miˇ kʼahˬ doe ni bi tsaꞈ gaˬ-euˬ,
dawˬ kʼoeˇ nga maꞈ ya gaˬ-euˬ ma.
“Lehˬ hmˬ-awˬ. Eˬdoˬ miˇ kʼahˬ-ahˇ,
aˬ dui guiˇ deuˆ-iˇ-eu lehˇ ma.
2Eˬdoˬ miˇ kʼahˬ-oˇ,
miˇ kʼahˬ dawˬ tawˆ luꞈ-euˬ mehˬ shi,
nawˬ-ahˇ ngaˇ bi nyiˇ teˬ-iˇ-awˇ,
aˬ cawˬ mehˬ shi daˬ bi ga ma.
3Nawˇ nui ma huiˬ-eu mahˇ-eu jeˬ
nawˬ-ahˇ mehˇshuiˇshuiˇ gʼaˬ-euˬ meh.
Lo guˇ uˬ gʼmˬ-ahˇ jawˇ-eu nawˇ,
gawˬ jawˬ uˬ du ziꞈ luꞈ-eu nawˇ,
‘Ngaˬ-ahˇ gʼeu ka nya nmˇ loˇ’ lehˇ
nui ma laꞈ kʼoeˇ lmˬ luꞈ-eu meh.
4Nawˬ-euˬ nymˇ kʼaˬ dzeˇ bahˬ loꞈ-ehˇ
aˬ guiˇ yaw kaˬ-ahˇ jaˆ-eu kʼawꞈ,
Nawˬ-ahˇ ngaˇ gʼeu ka nehˬ ma lehˇ,
Ngaˇ Sahˬpaˬ Miˬyehˇ ehˇ-eu ma.
5Smˇ kʼoeˬ deuˬ nawˇ jawˇ gaˇ oe-awˇ,
tahˇ joe deuˬ uˬ ciꞈ paw oe ngeh,
aˬ yawꞈ maꞈ maˬ geuꞈ mawꞈ-eu jeˬ,
maˬ yuˇ jiˇ ni byehˇ yaꞈ tehꞈ-a.
Aˬ gaꞈ aˇ siˬ pyaˆ-eu deuˬ kʼawꞈ,
maˬ pyaˆ jiˇ ni bi dzeˇ tehꞈ-a.
Ehˇ kʼawꞈ, nawˬ-ahˇ muiˇ-eu kʼoeˇ deuˬ,
nawˬ-ahˇ laˆ cawˆ-eu lehˇ oe ngeh,
tiˬ jeˬ-iˬ maˬ bi dzeˇ yaꞈ-aˇ.
6Iˇsawˇ-euˬ zaˬ deuˬ uˆ deuˬ-oˇ,
nawˬ-euˬ pyuˇ shuiˇ myawˬ gahˬ dawˬ tawˆ,
aˬ cawˬ ceh geuꞈ jiˇ gaˇ keuˆ meh.
7Nawˬ-ahˇ nui ma gm-euˬ deuˬ kʼawꞈ,
nawˬ-euˬ miˇ kʼahˬ laꞈ nyiˇ nawˬ-ahˇ,
teh dzeh nehˬ laꞈ gaˇ keuˆ tehꞈ-a.
Nawˬ-ahˇ tsaˬ leˇ dzoeˇ leˇ-euˬ deuˬ,
nawˬ-ahˇ guiˇ paˇ deuˆ gʼaˬ tehꞈ-a.
Tiˬ gaˇ dzaˬ tiˬ gaˇ dawˇ-euˬ deuˬ,
nawˬ-ahˇ lahˇ ju kʼmˇ paꞈ tehꞈ-a.
Nawˬ neh dehꞈ dzaˬ-euˬ aˇ nah kʼoeˇ,
aˬ gaˇ iˇ byoˆ jiˇ-euˬ nga lehˇ,
aˬ yawꞈ maꞈ ehˇ gaˇ keuˆ tehꞈ-a.
8Eˬdoˬ miˇ kʼahˬ ngaˇ kʼehˬ ngeh nah,
bym-eu deuˬ-ahˇ ngaˇ laˆ cawˆ-awˇ,
zaˬ siˬ tsawˇ gahˇ laˆ byoˆ nehˬ ma.
9Teˬmaˬ meuˬ-euˬ guiˇ deuˆ zaˬ deuˬ,
guˆ dui dui-eu laˇ baˇ-iˇ-awˇ,
Eˬdoˬ meuˬ-euˬ yehˇ dawˬ tawˆ luꞈ,
bi sehꞈ byoˆ jiˇ gaˇ keuˆ tehꞈ-a.
Aˬ jeˬ miˇ neh Eˬdoˬ miˇ kʼahˬ-ahˇ ya kʼehˬ ya kʼaˆ-eu gaˇ kawˆ
10Nawˬ-euˬ mehˇ nmˇ deuˬ pyeuꞈ luꞈ-eu,
Yaˬkoˆ-euˬ zaˬ kʼoeˇ deuˬ-ahˇ nawˇ,
tahˇ joe joe-awˇ sehꞈ-euˬ miˇ neh,
luˬ-eu seˇ-eu nawˇ ya daˬ-awˇ,
mˬ maˬ maˬ byaˆ daˬ ga tehꞈ-a.
11Muiˇ-eu deuˬ Yeˬluˇsaˬlehˬ-euˬ,
meuˬ lahˇ laˇ gʼoˆ deh pyaˆ ngeh nah,
nawˇ yahˇ pawˇ-awˇ yawꞈ luꞈ-eu meh.
Yeˬluˇsaˬlehˬ meuˬ-euˬ myawˬ gahˬ,
baꞈ doˆ gʼeh-awˇ biˇ geuꞈ jiˇ-euˬ,
boeˇ miˬ siˬ kʼaˬ kʼoeˇ deuˬ loꞈ-ehˇ,
nawˇ kʼawꞈ doeˇ dui dui-eu gʼaˬ meh.
12Nawˬ-euˬ aˬ yuiꞈ aˬ nyiˇ pyeuꞈ-eu,
Yuˇdaˆ miˇ kʼahˬ shaˬ zahˬ mˇ gaˇ,
nawˇ nui kʼahˇ shiˇ-eu maˬ tsaˬ-a.
Aˬ yawꞈ maꞈ luˬ-iˇ seˇ-iˇ ngeh,
nawˇ laˬ kʼaˬ cehˇ-eu maˬ tsaˬ-a.
Aˬ yawꞈ maꞈ noeˬ dui noeˬ duiˇ ngeh,
nawˇ uiˇ haw nehˬ-eu maˬ tsaˬ-a.
13Aˬ yawꞈ maꞈ shaˬ zahˬ naꞈ luꞈ ngeh,
naw maꞈ nui kʼahˇ tiˬ shiˇ haw-awˇ,
pyuˇ shuiˇ myawˬ gahˬ ceh geuꞈ-eu lehˇ,
ngaˬ-euˬ tsawˇ jeuˬ-euˬ meuˬ kʼoeˇ-ahˇ,
nawˇ coeˬ uˇ leꞈ-eu maˬ tsaˬ-a.
14Cehˆ dzeuˇ-eu lehˇ leh jeh luꞈ-eu,
aˬ yawꞈ maꞈ-ahˇ nyehꞈ-eu gʼaˇ duˬ,
gaˇ tsmˇ doe ni naw maꞈ taˬ yawꞈ.
Aˬ yawꞈ maꞈ noeˬ dui noeˬ duiˇ ngeh,
2 aˬ yawꞈ maꞈ-ahˇ naw maꞈ nyehꞈ-awˇ
muiˇ-eu deuˬ-euˬ aˬ laꞈ laꞈ kʼoeˇ,
a nehˬ-eu jeˬ naw maꞈ taˬ mˇ.
Tsawˇ jeuˬ dawˬ tawˆ luꞈ-ahˇ Miˬyehˇ yaˇ kʼaˬ daˇ tehꞈ-a.
15“Miˇ tsaˬ tsawˇ jeuˬ dawˬ tawˆ luꞈ-ahˇ,
Sahˬpaˬ Miˬyehˇ yaˇ kʼaˬ daˇ-eu
aˇ nah dawˬ peh peh laˇ luꞈ meh.
Eˬdoˬ miˇ kʼahˬ nawˇ mˇ-euˬ jeˬ,
nawˬ-euˬ kʼoeˇ taˆ keuˆ le tehꞈ-a.
Nawˬ neh aˬ cawˬ-ahˇ biꞈ-euˬ jeˬ,
nawˬ-ahˇ aˬ cawˬ biꞈ kʼoꞈ tehꞈ-a.
16Ngaˬ-euˬ shawˇ-eu gawˬ duˇ kʼoeˇ taˆ,
kʼehˬ-eu kʼaˆ-eu kʼmˬ maˬ yaw kʼaˬ,
ngaˬ-euˬ tsawˇ haˬ deuˬ dawˇ-euˬ meh.
Ehˇ kʼawꞈ, jawˬ jawˬ-ehˇ kʼaˇ jawˇ-eu,
tsawˇ jeuˬ kʼoeˇ deuˬ dawˬ tawˆ luꞈ kʼawꞈ,
kʼoeˇ naˆ maˬ tseˇ kʼaˬ dui dui-eu,
kʼehˬ-eu kʼaˆ-eu kʼmˬ maˬ dawˇ-awˇ,
dawˬ tawˆ luꞈ ya myoꞈ ahˇ jiˇ-awˇ,
ya shiˇ byoˆ jiˇ gaˇ keuˆ tehꞈ-a.
Iˇsaˬleˬlaˆ tsawˇ jeuˬ gʼaˬ leˇ-eu
17“Ehˇ kʼawꞈ, Ziˇoˬ gawˬ jawˬ kʼoeˇ taˆ,
tiˬ paˆ na deuˬ ya cehˆ buˬ-awˇ,
gawˬ jawˬ kʼoeˇ jawˬ muiˬ-eu shawˇ-eu,
jawˇ duˬ tiˬ tsahˇ pyeuꞈ laˇ tehꞈ-a.
Yaˬkoˆ-euˬ zaˬ deuˬ uˆ deuˬ-aˬ,
aˬ yawꞈ maꞈ-ahˇ oꞈ-eu miˇ kʼahˬ,
aˬ yawꞈ maꞈ paˇ za kʼoꞈ tehꞈ-a.
18Yaˬkoˆ, Yoˇsehˆ-euˬ tsawˇ haˬ deuˬ,
miˬ dzaˬ loꞈ-ehˇ duˇ leˇ tehꞈ-a.
Jaˆ guˬ jaˆ gaˆ puiˆ-eu loꞈ-ehˇ,
Iˇsawˇ-euˬ zaˬ deuˬ uˆ deuˬ-ahˇ,
aˬ yawꞈ maꞈ laˆ cawˆ nehˬ tehꞈ-a.
Iˇsawˇ-euˬ zaˬ deuˬ uˆ deuˬ-aˬ,
tiˬ gʼaˬ-iˬ maˬ dzeuˇ-iˇ nya ni,
ya shiˇ jiˇ gaˇ keuˆ tehꞈ-a lehˇ,
ngaˇ Sahˬpaˬ Miˬyehˇ ehˇ-eu ma.
19“Yuˇdaˆ miˇ kʼahˬ laꞈ oˆ dzaˬ-ahˇ,
jawˇ luꞈ-eu tsawˇ haˬ kʼoeˇ deuˬ neh,
Eˬdoˬ miˇ kʼahˬ-ahˇ deuˆ gʼaˬ-awˇ,
nahˇ ma ga kʼehˬ paw dzeˇ coeˇ-ahˇ
jawˇ luꞈ-eu tsawˇ haˬ kʼoeˇ deuˬ neh,
Piˇliˇtiˆ miˇ kʼahˬ deuˆ geuꞈ meh.
Eˇpaˬleˬ miˇ kʼahˬ-ahˇ maˬ ehˇ,
Saˬmaˬliˆ miˇ kʼahˬ-ahˇ maˬ ehˇ,
Iˇsaˬleˬlaˆ tsawˇ jeuˬ za-awˇ,
Giˇlaˆ miˇ kʼahˬ-ahˇ-aˬ,
Beˬyaˬmiˬ tsawˇ jeuˬ za tehꞈ-a.
20Iˇsaˬleˬlaˆ laꞈ taˆ kʼahˬ-ahˇ,
jawˇ luꞈ-eu bi nyehꞈ byoˆ gʼeh-euˬ,
guiˇ maꞈ deuˬ paˇ gʼoꞈ keuˆ le-awˇ,
laꞈ taˆ paw Zaˬleˇpaˇ meuˬ-ahˇ,
jaˆ keuˆ-eu Piˇniˇshaˆ miˇ kʼahˬ,
aˬ yawꞈ maꞈ neh deuˆ gʼaˬ tehꞈ-a.
Yeˬluˇsaˬlehˬ meuˬ-ahˇ jawˇ-euˬ,
aˬ cawˬ neh bi nyehꞈ byoˆ gʼeh-awˇ
Saˬdiˇ meuˬ-ahˇ jawˇ-iˇ-euˬ deuˬ,
Yuˇdaˆ miˇ kʼahˬ laꞈ oˆ dzaˬ-ahˇ,
jaˆ-eu meuˬ deuˬ deuˆ za tehꞈ-a.
21Guiˇ deuˆ gʼaˬ-euˬ tsawˇ haˬ pyeuꞈ-eu,
Yeˬluˇsaˬlehˬ tsawˇ haˬ deuˬ-aˬ,
Eˬdoˬ miˇ kʼahˬ-ahˇ deuˆ gʼaˬ-awˇ,
miˇ kʼahˬ kʼoeˇ-ahˇ uˆ lahˇ tehꞈ-a.
Kʼoeˇ ngeh, Sahˬpaˬ Miˬyehˇ aˬ yawꞈ,
aˬ yawꞈ-euˬ tsawˇ haˬ deuˬ kʼoeˇ taˆ,
sahˬ paˬ geuꞈ-awˇ uˆ lahˇ tehꞈ-a.”
Currently Selected:
Aaˇbaˬdiˇ 1: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Aaˇbaˬdiˇ 1
1
1Heu-aˬ, Miˬyehˇ gʼaˇ duˬ Awˇbaˬdiˇ neh ngehˬ dah-euˬ dawˬ deuˬ meh. Eˬdoˬ miˇ kʼahˬ-euˬ gaˇ kawˆ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh.
Eˬdoˬ miˇ kʼahˬ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a
Sahˬpaˬ Miˬyehˇ gʼaˬ kʼehˇ pyehˬ-awˇ,
miˇ kʼahˬ doe ni bi tsaꞈ gaˬ-euˬ,
dawˬ kʼoeˇ nga maꞈ ya gaˬ-euˬ ma.
“Lehˬ hmˬ-awˬ. Eˬdoˬ miˇ kʼahˬ-ahˇ,
aˬ dui guiˇ deuˆ-iˇ-eu lehˇ ma.
2Eˬdoˬ miˇ kʼahˬ-oˇ,
miˇ kʼahˬ dawˬ tawˆ luꞈ-euˬ mehˬ shi,
nawˬ-ahˇ ngaˇ bi nyiˇ teˬ-iˇ-awˇ,
aˬ cawˬ mehˬ shi daˬ bi ga ma.
3Nawˇ nui ma huiˬ-eu mahˇ-eu jeˬ
nawˬ-ahˇ mehˇshuiˇshuiˇ gʼaˬ-euˬ meh.
Lo guˇ uˬ gʼmˬ-ahˇ jawˇ-eu nawˇ,
gawˬ jawˬ uˬ du ziꞈ luꞈ-eu nawˇ,
‘Ngaˬ-ahˇ gʼeu ka nya nmˇ loˇ’ lehˇ
nui ma laꞈ kʼoeˇ lmˬ luꞈ-eu meh.
4Nawˬ-euˬ nymˇ kʼaˬ dzeˇ bahˬ loꞈ-ehˇ
aˬ guiˇ yaw kaˬ-ahˇ jaˆ-eu kʼawꞈ,
Nawˬ-ahˇ ngaˇ gʼeu ka nehˬ ma lehˇ,
Ngaˇ Sahˬpaˬ Miˬyehˇ ehˇ-eu ma.
5Smˇ kʼoeˬ deuˬ nawˇ jawˇ gaˇ oe-awˇ,
tahˇ joe deuˬ uˬ ciꞈ paw oe ngeh,
aˬ yawꞈ maꞈ maˬ geuꞈ mawꞈ-eu jeˬ,
maˬ yuˇ jiˇ ni byehˇ yaꞈ tehꞈ-a.
Aˬ gaꞈ aˇ siˬ pyaˆ-eu deuˬ kʼawꞈ,
maˬ pyaˆ jiˇ ni bi dzeˇ tehꞈ-a.
Ehˇ kʼawꞈ, nawˬ-ahˇ muiˇ-eu kʼoeˇ deuˬ,
nawˬ-ahˇ laˆ cawˆ-eu lehˇ oe ngeh,
tiˬ jeˬ-iˬ maˬ bi dzeˇ yaꞈ-aˇ.
6Iˇsawˇ-euˬ zaˬ deuˬ uˆ deuˬ-oˇ,
nawˬ-euˬ pyuˇ shuiˇ myawˬ gahˬ dawˬ tawˆ,
aˬ cawˬ ceh geuꞈ jiˇ gaˇ keuˆ meh.
7Nawˬ-ahˇ nui ma gm-euˬ deuˬ kʼawꞈ,
nawˬ-euˬ miˇ kʼahˬ laꞈ nyiˇ nawˬ-ahˇ,
teh dzeh nehˬ laꞈ gaˇ keuˆ tehꞈ-a.
Nawˬ-ahˇ tsaˬ leˇ dzoeˇ leˇ-euˬ deuˬ,
nawˬ-ahˇ guiˇ paˇ deuˆ gʼaˬ tehꞈ-a.
Tiˬ gaˇ dzaˬ tiˬ gaˇ dawˇ-euˬ deuˬ,
nawˬ-ahˇ lahˇ ju kʼmˇ paꞈ tehꞈ-a.
Nawˬ neh dehꞈ dzaˬ-euˬ aˇ nah kʼoeˇ,
aˬ gaˇ iˇ byoˆ jiˇ-euˬ nga lehˇ,
aˬ yawꞈ maꞈ ehˇ gaˇ keuˆ tehꞈ-a.
8Eˬdoˬ miˇ kʼahˬ ngaˇ kʼehˬ ngeh nah,
bym-eu deuˬ-ahˇ ngaˇ laˆ cawˆ-awˇ,
zaˬ siˬ tsawˇ gahˇ laˆ byoˆ nehˬ ma.
9Teˬmaˬ meuˬ-euˬ guiˇ deuˆ zaˬ deuˬ,
guˆ dui dui-eu laˇ baˇ-iˇ-awˇ,
Eˬdoˬ meuˬ-euˬ yehˇ dawˬ tawˆ luꞈ,
bi sehꞈ byoˆ jiˇ gaˇ keuˆ tehꞈ-a.
Aˬ jeˬ miˇ neh Eˬdoˬ miˇ kʼahˬ-ahˇ ya kʼehˬ ya kʼaˆ-eu gaˇ kawˆ
10Nawˬ-euˬ mehˇ nmˇ deuˬ pyeuꞈ luꞈ-eu,
Yaˬkoˆ-euˬ zaˬ kʼoeˇ deuˬ-ahˇ nawˇ,
tahˇ joe joe-awˇ sehꞈ-euˬ miˇ neh,
luˬ-eu seˇ-eu nawˇ ya daˬ-awˇ,
mˬ maˬ maˬ byaˆ daˬ ga tehꞈ-a.
11Muiˇ-eu deuˬ Yeˬluˇsaˬlehˬ-euˬ,
meuˬ lahˇ laˇ gʼoˆ deh pyaˆ ngeh nah,
nawˇ yahˇ pawˇ-awˇ yawꞈ luꞈ-eu meh.
Yeˬluˇsaˬlehˬ meuˬ-euˬ myawˬ gahˬ,
baꞈ doˆ gʼeh-awˇ biˇ geuꞈ jiˇ-euˬ,
boeˇ miˬ siˬ kʼaˬ kʼoeˇ deuˬ loꞈ-ehˇ,
nawˇ kʼawꞈ doeˇ dui dui-eu gʼaˬ meh.
12Nawˬ-euˬ aˬ yuiꞈ aˬ nyiˇ pyeuꞈ-eu,
Yuˇdaˆ miˇ kʼahˬ shaˬ zahˬ mˇ gaˇ,
nawˇ nui kʼahˇ shiˇ-eu maˬ tsaˬ-a.
Aˬ yawꞈ maꞈ luˬ-iˇ seˇ-iˇ ngeh,
nawˇ laˬ kʼaˬ cehˇ-eu maˬ tsaˬ-a.
Aˬ yawꞈ maꞈ noeˬ dui noeˬ duiˇ ngeh,
nawˇ uiˇ haw nehˬ-eu maˬ tsaˬ-a.
13Aˬ yawꞈ maꞈ shaˬ zahˬ naꞈ luꞈ ngeh,
naw maꞈ nui kʼahˇ tiˬ shiˇ haw-awˇ,
pyuˇ shuiˇ myawˬ gahˬ ceh geuꞈ-eu lehˇ,
ngaˬ-euˬ tsawˇ jeuˬ-euˬ meuˬ kʼoeˇ-ahˇ,
nawˇ coeˬ uˇ leꞈ-eu maˬ tsaˬ-a.
14Cehˆ dzeuˇ-eu lehˇ leh jeh luꞈ-eu,
aˬ yawꞈ maꞈ-ahˇ nyehꞈ-eu gʼaˇ duˬ,
gaˇ tsmˇ doe ni naw maꞈ taˬ yawꞈ.
Aˬ yawꞈ maꞈ noeˬ dui noeˬ duiˇ ngeh,
2 aˬ yawꞈ maꞈ-ahˇ naw maꞈ nyehꞈ-awˇ
muiˇ-eu deuˬ-euˬ aˬ laꞈ laꞈ kʼoeˇ,
a nehˬ-eu jeˬ naw maꞈ taˬ mˇ.
Tsawˇ jeuˬ dawˬ tawˆ luꞈ-ahˇ Miˬyehˇ yaˇ kʼaˬ daˇ tehꞈ-a.
15“Miˇ tsaˬ tsawˇ jeuˬ dawˬ tawˆ luꞈ-ahˇ,
Sahˬpaˬ Miˬyehˇ yaˇ kʼaˬ daˇ-eu
aˇ nah dawˬ peh peh laˇ luꞈ meh.
Eˬdoˬ miˇ kʼahˬ nawˇ mˇ-euˬ jeˬ,
nawˬ-euˬ kʼoeˇ taˆ keuˆ le tehꞈ-a.
Nawˬ neh aˬ cawˬ-ahˇ biꞈ-euˬ jeˬ,
nawˬ-ahˇ aˬ cawˬ biꞈ kʼoꞈ tehꞈ-a.
16Ngaˬ-euˬ shawˇ-eu gawˬ duˇ kʼoeˇ taˆ,
kʼehˬ-eu kʼaˆ-eu kʼmˬ maˬ yaw kʼaˬ,
ngaˬ-euˬ tsawˇ haˬ deuˬ dawˇ-euˬ meh.
Ehˇ kʼawꞈ, jawˬ jawˬ-ehˇ kʼaˇ jawˇ-eu,
tsawˇ jeuˬ kʼoeˇ deuˬ dawˬ tawˆ luꞈ kʼawꞈ,
kʼoeˇ naˆ maˬ tseˇ kʼaˬ dui dui-eu,
kʼehˬ-eu kʼaˆ-eu kʼmˬ maˬ dawˇ-awˇ,
dawˬ tawˆ luꞈ ya myoꞈ ahˇ jiˇ-awˇ,
ya shiˇ byoˆ jiˇ gaˇ keuˆ tehꞈ-a.
Iˇsaˬleˬlaˆ tsawˇ jeuˬ gʼaˬ leˇ-eu
17“Ehˇ kʼawꞈ, Ziˇoˬ gawˬ jawˬ kʼoeˇ taˆ,
tiˬ paˆ na deuˬ ya cehˆ buˬ-awˇ,
gawˬ jawˬ kʼoeˇ jawˬ muiˬ-eu shawˇ-eu,
jawˇ duˬ tiˬ tsahˇ pyeuꞈ laˇ tehꞈ-a.
Yaˬkoˆ-euˬ zaˬ deuˬ uˆ deuˬ-aˬ,
aˬ yawꞈ maꞈ-ahˇ oꞈ-eu miˇ kʼahˬ,
aˬ yawꞈ maꞈ paˇ za kʼoꞈ tehꞈ-a.
18Yaˬkoˆ, Yoˇsehˆ-euˬ tsawˇ haˬ deuˬ,
miˬ dzaˬ loꞈ-ehˇ duˇ leˇ tehꞈ-a.
Jaˆ guˬ jaˆ gaˆ puiˆ-eu loꞈ-ehˇ,
Iˇsawˇ-euˬ zaˬ deuˬ uˆ deuˬ-ahˇ,
aˬ yawꞈ maꞈ laˆ cawˆ nehˬ tehꞈ-a.
Iˇsawˇ-euˬ zaˬ deuˬ uˆ deuˬ-aˬ,
tiˬ gʼaˬ-iˬ maˬ dzeuˇ-iˇ nya ni,
ya shiˇ jiˇ gaˇ keuˆ tehꞈ-a lehˇ,
ngaˇ Sahˬpaˬ Miˬyehˇ ehˇ-eu ma.
19“Yuˇdaˆ miˇ kʼahˬ laꞈ oˆ dzaˬ-ahˇ,
jawˇ luꞈ-eu tsawˇ haˬ kʼoeˇ deuˬ neh,
Eˬdoˬ miˇ kʼahˬ-ahˇ deuˆ gʼaˬ-awˇ,
nahˇ ma ga kʼehˬ paw dzeˇ coeˇ-ahˇ
jawˇ luꞈ-eu tsawˇ haˬ kʼoeˇ deuˬ neh,
Piˇliˇtiˆ miˇ kʼahˬ deuˆ geuꞈ meh.
Eˇpaˬleˬ miˇ kʼahˬ-ahˇ maˬ ehˇ,
Saˬmaˬliˆ miˇ kʼahˬ-ahˇ maˬ ehˇ,
Iˇsaˬleˬlaˆ tsawˇ jeuˬ za-awˇ,
Giˇlaˆ miˇ kʼahˬ-ahˇ-aˬ,
Beˬyaˬmiˬ tsawˇ jeuˬ za tehꞈ-a.
20Iˇsaˬleˬlaˆ laꞈ taˆ kʼahˬ-ahˇ,
jawˇ luꞈ-eu bi nyehꞈ byoˆ gʼeh-euˬ,
guiˇ maꞈ deuˬ paˇ gʼoꞈ keuˆ le-awˇ,
laꞈ taˆ paw Zaˬleˇpaˇ meuˬ-ahˇ,
jaˆ keuˆ-eu Piˇniˇshaˆ miˇ kʼahˬ,
aˬ yawꞈ maꞈ neh deuˆ gʼaˬ tehꞈ-a.
Yeˬluˇsaˬlehˬ meuˬ-ahˇ jawˇ-euˬ,
aˬ cawˬ neh bi nyehꞈ byoˆ gʼeh-awˇ
Saˬdiˇ meuˬ-ahˇ jawˇ-iˇ-euˬ deuˬ,
Yuˇdaˆ miˇ kʼahˬ laꞈ oˆ dzaˬ-ahˇ,
jaˆ-eu meuˬ deuˬ deuˆ za tehꞈ-a.
21Guiˇ deuˆ gʼaˬ-euˬ tsawˇ haˬ pyeuꞈ-eu,
Yeˬluˇsaˬlehˬ tsawˇ haˬ deuˬ-aˬ,
Eˬdoˬ miˇ kʼahˬ-ahˇ deuˆ gʼaˬ-awˇ,
miˇ kʼahˬ kʼoeˇ-ahˇ uˆ lahˇ tehꞈ-a.
Kʼoeˇ ngeh, Sahˬpaˬ Miˬyehˇ aˬ yawꞈ,
aˬ yawꞈ-euˬ tsawˇ haˬ deuˬ kʼoeˇ taˆ,
sahˬ paˬ geuꞈ-awˇ uˆ lahˇ tehꞈ-a.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.