Aˬmoˆ 9
9
Sahˬpaˬ Miˬyehˇ yaˇ kʼaˬ daˇ-eu jeˬ-ahˇ maˬ law-iˇ nya-a
1Lawˇ duˬ dawˬ peh Sahˬpaˬ Miˬyehˇ yawꞈ luꞈ gaˇ ngaˇ mawˇ-awˇ, heu loꞈ-ehˇ dawˬ biꞈ luꞈ-eu ya gaˬ-euˬ ma. “Uˬ duˬ tahˬ nymˇ nymˇ ma-euˬ dawˬ peh luˆ laˇ-awˇ, tsawˇ haˬ zaˬ deuˬ-euˬ uˬ duˬ-ahˇ coˬ pyaˆ deh ni, Uˬ duˬ tahˬ nymˇ nymˇ ma-euˬ kʼawˇ zeuˇ uˬ du yaw kʼaˆ kʼaˆ-ehˇ kʼoˆ-awˬ. Maˬ shiˇ-ehˇ kʼaˇ dzeuˇ-iˇ-euˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ jiˇ-awˇ, tiˬ gʼaˬ-iˬ maˬ paˇ bi buˬ bi law-iˇma. 2Shiˇ-eu miˇ kʼahˬ paw, duˬ kʼahˬ kʼahˬ-awˇ uˇ byoˆ-iˇ kʼawꞈ, ngaˇ teh mi ma. Mˬ kʼoeˇ taˆ cehˆ daˆ-eu deuˬ-ahˇ kʼawꞈ, ngaˇ gʼeu ka ma. 3Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma. 4Aˬ yawꞈ maꞈ-ahˇ muiˇ-eu deuˬ neh aˬ yawꞈ maꞈ-ahˇ bi nyehꞈ byoˆ gʼeh kʼawꞈ, aˬ yawꞈ maꞈ-ahˇ sehꞈ-awˬ lehˇ ngaˇ dawˬ biꞈ ma. Aˬ yawꞈ maꞈ-ahˇ ngehˬ gʼeh-eu maˬ ngeuˇ-ehˇ, laˆ cawˆ nehˬ-eu gʼaˇ duˬ nymˬ-mˇ poˆ jawˇ ngaˇ noeˬ tsehˆ taˬ-euˬ ma.”
5Dawˬ tawˆ kʼoeˇ taˆ uˆ lahˇ luꞈ-eu,
Baoˬ huiˬ-eu Sahˬpaˬ Miˬyehˇ neh,
miˇ tsaˬ tahˬ kʼawˇ-ahˇ toeˬ ciˆ ngeh,
miˇ tsaˬ tahˬ kʼawˇ miˇ luˆ luˆ-awˇ,
miˇ tsaˬ zaˬ dawˬ tawˆ ngoeˇ-eu meh.
Miˇ tsaˬ dawˬ tawˆ luꞈ luˆ laˇ-awˇ,
Niˬlaˇ iˇ cuꞈ lawˇ baˬ loꞈ-ehˇ,
goˇ awˆ baw-ehˇ gʼeu nyeh-eu meh.
6Sahˬpaˬ Miˬyehˇ mˬ-euˬ kʼoeˇ taˆ,
aˬ yawꞈ jawˇ-eu nymˇ tsoˆ taˬ-awˇ,
laˆ shaˆ iˇ cuꞈ-ahˇ kuˇ daˆ-awˇ,
miˇ tsaˬ kʼoeˇ taˆ shehˆ shehˬ-euˬ meh.
Yawꞈ tsawˇ myahˇ Sahˬpaˬ Miˬyehˇ meh.
7Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, naw maꞈ gaˇ kawˆ ngaˇ shaˇ noeˬ-eu loꞈ-ehˇ, Suˬdaˬ tsawˇ haˬ gaˇ kawˆ kʼawꞈ ngaˇ shaˇ noeˬ luꞈ-eu ma. Naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ loꞈ-ehˇ, Piˇliˇtiˆ tsawˇ haˬ deuˬ-ahˇ Gaˬlaˬdeˬ iˇ jaw lahˇ-ahˇ neh ngaˇ sheuˬ doˆ laꞈ-awˇ, Suˇliˆ tsawˇ haˬ deuˬ-ahˇ Kiˇlaˆ miˇ kʼahˬ-ahˇ neh ngaˇ sheuˬ doˆ laꞈ-euˬ ma. 8Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ-aˬ, iˬ baˇ ahˇ dui dui-eu Iˇsaˬleˬlaˆ miˇ kʼahˬ-ahˇ haw luꞈ-awˇ, miˇ kʼahˬ heu kʼahˬ miˇ tsaˬ kʼoeˇ taˆ maˬ jaˆ-ehˇ pyeuꞈ-iˇ ni ngaˇ laˆ cawˆ ma. Ehˇ kʼawꞈ, Yaˬkoˆ-euˬ zaˬ deuˬ uˆ deuˬ dawˬ tawˆ luꞈ-ahˇ ngaˇ maˬ laˆ cawˆ nehˬ.”
9“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma. 10‘Maˬ muiˬ-eu jeˬ aˬ dui kʼoeˇ taˆ keuˆ le ni Miˬyehˇ maˬ jahˇ-aˇ’ lehˇ ehˇ luꞈ-eu iˬ baˇ ahˇ-eu ngaˬ-euˬ tsawˇ haˬ deuˬ, guiˇ deuˆ-eu laꞈ kʼoeˇ ya shiˇ tehꞈ-a.”
Iˇsaˬleˬlaˆ miˇ kʼahˬ-ahˇ Miˬyehˇ paˇ ciˬ tuˇ tehꞈ-a
11Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma. 12Kʼoeˇ ngeh, Eˬdoˬ miˇ kʼahˬ laꞈ kʼoeˇ kʼaˇ dzeˇ-eu miˇ tsaˬ hawˇ-eu, yaw beh ngaˬ-euˬ miˇ kʼahˬ kʼaˇ pyeuꞈ-euˬ miˇ kʼahˬ nui deuˬ dawˬ tawˆ luꞈ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ tehꞈ-a” lehˇ, kʼoeˇ loꞈ-ehˇ bi pyeuꞈ laˇ ni mˇ-eu lehˇ gʼeh-eu gʼaˬ pyeuꞈ-eu Sahˬpaˬ Miˬyehˇ ehˇ-eu meh.
13Sahˬpaˬ Miˬyehˇ heu loꞈ-ehˇ ehˇ-eu meh.
“Deh yaˇ tsehˬ-awˇ ka muiˬ-euˬ gaˇ,
cehˇ maˬ yehˬ kʼmˬ coeˇ-eu aˇ nah,
aˬ gaꞈ aˇ siˬ ka siˬ-euˬ gaˇ,
dzaˇ uiˇ maˬ lehˬ coeˇ-eu aˇ nah,
aˇ nah kʼoeˇ nah keuˆ le luꞈ meh.
Coeˇ dui dui-eu aˬ gaꞈ dzaˇ uiˇ,
gawˬ jawˬ kʼoeˇ taˆ dzaˆ ka le-awˇ,
gawˬ duˇ kʼoeˇ taˆ yoeˇ le tehꞈ-a.
14Ngaˬ-euˬ tsawˇ jeuˬ Iˇsaˬleˬlaˆ,
aˬ cawˬ miˇ kʼahˬ-ahˇ shaˬ luꞈ-eu,
yawˬ ha miˇ kʼahˬ-ahˇ sheuˬ kʼoꞈ ma.
Cawˆ-iˇ-euˬ meuˬ deuˬ tsoˆ muiˬ-awˇ,
yawꞈ maꞈ jawˇ duˬ dah leˇ tehꞈ-a.
Aˬ gaꞈ yaˇ kmˇ paˇ mˇ poˆ-awˇ,
aˬ gaꞈ dzaˇ uiˇ ya dawˇ tehꞈ-a.
Myawˬ kmˇ yaˇ kmˇ paˇ mˇ poˆ-awˇ,
ka-eu loꞈ-ehˇ ya dzaˬ tehꞈ-a.
15Ngaˬ-euˬ tsawˇ haˬ heu deuˬ-ahˇ ngaˇ,
aˬ yawꞈ maꞈ-euˬ miˇ kʼahˬ laꞈ kʼoeˇ,
ziꞈ dah ni paˇ ka ziꞈ nehˬ ma.
Ngaˬ neh biꞈ-euˬ miˇ kʼahˬ-ahˇ neh,
ciˇ tahˬ maˬ bi gʼawˇ lehˆ ma lehˇ,
naw maꞈ-euˬ Miˬyehˇ pyeuꞈ luꞈ-eu,
ngaˇ Sahˬpaˬ Miˬyehˇ ehˇ-eu ma.”
Currently Selected:
Aˬmoˆ 9: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Aˬmoˆ 9
9
Sahˬpaˬ Miˬyehˇ yaˇ kʼaˬ daˇ-eu jeˬ-ahˇ maˬ law-iˇ nya-a
1Lawˇ duˬ dawˬ peh Sahˬpaˬ Miˬyehˇ yawꞈ luꞈ gaˇ ngaˇ mawˇ-awˇ, heu loꞈ-ehˇ dawˬ biꞈ luꞈ-eu ya gaˬ-euˬ ma. “Uˬ duˬ tahˬ nymˇ nymˇ ma-euˬ dawˬ peh luˆ laˇ-awˇ, tsawˇ haˬ zaˬ deuˬ-euˬ uˬ duˬ-ahˇ coˬ pyaˆ deh ni, Uˬ duˬ tahˬ nymˇ nymˇ ma-euˬ kʼawˇ zeuˇ uˬ du yaw kʼaˆ kʼaˆ-ehˇ kʼoˆ-awˬ. Maˬ shiˇ-ehˇ kʼaˇ dzeuˇ-iˇ-euˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ jiˇ-awˇ, tiˬ gʼaˬ-iˬ maˬ paˇ bi buˬ bi law-iˇma. 2Shiˇ-eu miˇ kʼahˬ paw, duˬ kʼahˬ kʼahˬ-awˇ uˇ byoˆ-iˇ kʼawꞈ, ngaˇ teh mi ma. Mˬ kʼoeˇ taˆ cehˆ daˆ-eu deuˬ-ahˇ kʼawꞈ, ngaˇ gʼeu ka ma. 3Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma. 4Aˬ yawꞈ maꞈ-ahˇ muiˇ-eu deuˬ neh aˬ yawꞈ maꞈ-ahˇ bi nyehꞈ byoˆ gʼeh kʼawꞈ, aˬ yawꞈ maꞈ-ahˇ sehꞈ-awˬ lehˇ ngaˇ dawˬ biꞈ ma. Aˬ yawꞈ maꞈ-ahˇ ngehˬ gʼeh-eu maˬ ngeuˇ-ehˇ, laˆ cawˆ nehˬ-eu gʼaˇ duˬ nymˬ-mˇ poˆ jawˇ ngaˇ noeˬ tsehˆ taˬ-euˬ ma.”
5Dawˬ tawˆ kʼoeˇ taˆ uˆ lahˇ luꞈ-eu,
Baoˬ huiˬ-eu Sahˬpaˬ Miˬyehˇ neh,
miˇ tsaˬ tahˬ kʼawˇ-ahˇ toeˬ ciˆ ngeh,
miˇ tsaˬ tahˬ kʼawˇ miˇ luˆ luˆ-awˇ,
miˇ tsaˬ zaˬ dawˬ tawˆ ngoeˇ-eu meh.
Miˇ tsaˬ dawˬ tawˆ luꞈ luˆ laˇ-awˇ,
Niˬlaˇ iˇ cuꞈ lawˇ baˬ loꞈ-ehˇ,
goˇ awˆ baw-ehˇ gʼeu nyeh-eu meh.
6Sahˬpaˬ Miˬyehˇ mˬ-euˬ kʼoeˇ taˆ,
aˬ yawꞈ jawˇ-eu nymˇ tsoˆ taˬ-awˇ,
laˆ shaˆ iˇ cuꞈ-ahˇ kuˇ daˆ-awˇ,
miˇ tsaˬ kʼoeˇ taˆ shehˆ shehˬ-euˬ meh.
Yawꞈ tsawˇ myahˇ Sahˬpaˬ Miˬyehˇ meh.
7Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, naw maꞈ gaˇ kawˆ ngaˇ shaˇ noeˬ-eu loꞈ-ehˇ, Suˬdaˬ tsawˇ haˬ gaˇ kawˆ kʼawꞈ ngaˇ shaˇ noeˬ luꞈ-eu ma. Naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ loꞈ-ehˇ, Piˇliˇtiˆ tsawˇ haˬ deuˬ-ahˇ Gaˬlaˬdeˬ iˇ jaw lahˇ-ahˇ neh ngaˇ sheuˬ doˆ laꞈ-awˇ, Suˇliˆ tsawˇ haˬ deuˬ-ahˇ Kiˇlaˆ miˇ kʼahˬ-ahˇ neh ngaˇ sheuˬ doˆ laꞈ-euˬ ma. 8Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ-aˬ, iˬ baˇ ahˇ dui dui-eu Iˇsaˬleˬlaˆ miˇ kʼahˬ-ahˇ haw luꞈ-awˇ, miˇ kʼahˬ heu kʼahˬ miˇ tsaˬ kʼoeˇ taˆ maˬ jaˆ-ehˇ pyeuꞈ-iˇ ni ngaˇ laˆ cawˆ ma. Ehˇ kʼawꞈ, Yaˬkoˆ-euˬ zaˬ deuˬ uˆ deuˬ dawˬ tawˆ luꞈ-ahˇ ngaˇ maˬ laˆ cawˆ nehˬ.”
9“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma. 10‘Maˬ muiˬ-eu jeˬ aˬ dui kʼoeˇ taˆ keuˆ le ni Miˬyehˇ maˬ jahˇ-aˇ’ lehˇ ehˇ luꞈ-eu iˬ baˇ ahˇ-eu ngaˬ-euˬ tsawˇ haˬ deuˬ, guiˇ deuˆ-eu laꞈ kʼoeˇ ya shiˇ tehꞈ-a.”
Iˇsaˬleˬlaˆ miˇ kʼahˬ-ahˇ Miˬyehˇ paˇ ciˬ tuˇ tehꞈ-a
11Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma. 12Kʼoeˇ ngeh, Eˬdoˬ miˇ kʼahˬ laꞈ kʼoeˇ kʼaˇ dzeˇ-eu miˇ tsaˬ hawˇ-eu, yaw beh ngaˬ-euˬ miˇ kʼahˬ kʼaˇ pyeuꞈ-euˬ miˇ kʼahˬ nui deuˬ dawˬ tawˆ luꞈ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ tehꞈ-a” lehˇ, kʼoeˇ loꞈ-ehˇ bi pyeuꞈ laˇ ni mˇ-eu lehˇ gʼeh-eu gʼaˬ pyeuꞈ-eu Sahˬpaˬ Miˬyehˇ ehˇ-eu meh.
13Sahˬpaˬ Miˬyehˇ heu loꞈ-ehˇ ehˇ-eu meh.
“Deh yaˇ tsehˬ-awˇ ka muiˬ-euˬ gaˇ,
cehˇ maˬ yehˬ kʼmˬ coeˇ-eu aˇ nah,
aˬ gaꞈ aˇ siˬ ka siˬ-euˬ gaˇ,
dzaˇ uiˇ maˬ lehˬ coeˇ-eu aˇ nah,
aˇ nah kʼoeˇ nah keuˆ le luꞈ meh.
Coeˇ dui dui-eu aˬ gaꞈ dzaˇ uiˇ,
gawˬ jawˬ kʼoeˇ taˆ dzaˆ ka le-awˇ,
gawˬ duˇ kʼoeˇ taˆ yoeˇ le tehꞈ-a.
14Ngaˬ-euˬ tsawˇ jeuˬ Iˇsaˬleˬlaˆ,
aˬ cawˬ miˇ kʼahˬ-ahˇ shaˬ luꞈ-eu,
yawˬ ha miˇ kʼahˬ-ahˇ sheuˬ kʼoꞈ ma.
Cawˆ-iˇ-euˬ meuˬ deuˬ tsoˆ muiˬ-awˇ,
yawꞈ maꞈ jawˇ duˬ dah leˇ tehꞈ-a.
Aˬ gaꞈ yaˇ kmˇ paˇ mˇ poˆ-awˇ,
aˬ gaꞈ dzaˇ uiˇ ya dawˇ tehꞈ-a.
Myawˬ kmˇ yaˇ kmˇ paˇ mˇ poˆ-awˇ,
ka-eu loꞈ-ehˇ ya dzaˬ tehꞈ-a.
15Ngaˬ-euˬ tsawˇ haˬ heu deuˬ-ahˇ ngaˇ,
aˬ yawꞈ maꞈ-euˬ miˇ kʼahˬ laꞈ kʼoeˇ,
ziꞈ dah ni paˇ ka ziꞈ nehˬ ma.
Ngaˬ neh biꞈ-euˬ miˇ kʼahˬ-ahˇ neh,
ciˇ tahˬ maˬ bi gʼawˇ lehˆ ma lehˇ,
naw maꞈ-euˬ Miˬyehˇ pyeuꞈ luꞈ-eu,
ngaˇ Sahˬpaˬ Miˬyehˇ ehˇ-eu ma.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.