Bawˇtsahˬ 4
4
Leˬbiˇ tsawˇ haˬ Kawˇhaˆ aˇ jeuˬ ya mˇ-eu gaˇ deuˬ
1Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 2“Leˬbiˇ tsawˇ haˬ Kawˇhaˆ aˇ jeuˬ deuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-awˬ. 3Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ -euˬ tsawˇ myahˇ yuˇ-awˬ. 4Muiˬ dui shawˇ dui dui-eu gaˇ deuˬ-ahˇ aˬ yawꞈ maꞈ ya mˇ meh.”
5Moˇseˬ-ahˇ Sahˬpaˬ Miˬyehˇ heu loꞈ-ehˇ mehˬ nehˬ tsoˆ nehˬ-euˬ meh. Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ Sehˬ gʼawˆ laꞈ kʼoeˇ uˇ leˇ-awˇ, Dawˬ ma saˇ jaˇ Bahˬ keuˆ mehˬ shi taw taˬ-euˬ saˬ paˇ ya yuˇ ka-awˇ, Dawˬ ma saˇ jaˇ Bahˬ keuˆ-ahˇ saˬ paˇ kʼoeˇ yuˇ-awˇ ya dehˬ kaˬ meh. 6Kʼoeˇ-euˬ kʼoeˇ taˆ shawˇ jehˆ ni gʼeh-eu shaˬ kʼoˆ paˇ dehˬ kaˬ-awˇ, nyoeˇ leuˬ leuˬ-eu saˬ paˇ ya sheu kaˬ meh. Kʼoeˇ naˇ, kʼaˆ baꞈ kawˬ deuˬ ya cawˬ ahˇ meh.
7Sahˬpaˬ Miˬyehˇ-ahˇ kaˬ muˇ damˬ nehˬ duˬ hawˬ jeh kʼoeˇ taˆ, nyoeˇ leuˬ leuˬ-eu saˬ paˇ aˬ yawꞈ maꞈ kʼawˬ-awˇ, kʼmˬ maˬ, yaw saw jeˬ dawˆ ahˇ-eu naˬ bo, damˬ nehˬ ngeh zmˬ-eu iˇ cuꞈ naˬ bo, aˬ gaꞈ dzaˇ uiˇ damˬ ngeh geuꞈ-eu mui deuˇ oeˬ lahˬ, heu deuˬ-ahˇ hawˬ jeh kʼoeˇ taˆ ya ciˬ daˆ meh. Hawˬ jeh kʼoeˇ taˆ kaˬ muˇ aˬ myah luꞈ ya bi jaˆ meh. 8Kʼoeˇ deuˬ dawˬ tawˆ luꞈ kʼoeˇ taˆ saˬ paˇ paˇ neˇ dehˬ kaˬ-awˇ, shawˇ jehˆ ni gʼeh-eu shaˬ kʼoˆ paˇ ya dehˬ kaˬ meh. Kʼoeˇ naˇ, kʼaˆ baꞈ kawˬ deuˬ ya cawˬ ahˇ taˬ meh.
9Tsiˇ kʼmˬ doꞈ taˬ duˬ, tsiˇ kʼmˬ, ciˆ nyawˆ, kʼaˬ lehˇ tawˆ ahˇ duˬ hawˇ-eu saˬ loˬ tsiˇ dawˆ ahˇ-eu mui deuˇ oeˬ lahˬ heu deuˬ kʼoeˇ taˆ, nyoeˇ leuˬ leuˬ-eu saˬ paˇ tiˬ dzeh yuˇ-awˇ ya dehˬ kaˬ meh. 10Kʼoeˇ naˇ, tsiˇ kʼmˬ doꞈ taˬ duˬ hawˇ-eu kʼoeˇ-euˬ keu ka dawˬ tawˆ luꞈ-ahˇ, shawˇ jehˆ ni gʼeh-eu shaˬ kʼoˆ neh lahˇ cuꞈ-awˇ, baꞈ kawˬ kʼoeˇ taˆ ya bi jaˆ meh.
11Shuiˇ neh jahˇ taˬ-euˬ lawˇ duˬ kʼoeˇ taˆ, nyoeˇ leuˬ leuˬ-eu saˬ paˇ kʼawˬ-awˇ, shawˇ jehˆ ni gʼeh-eu shaˬ kʼoˆ dehˬ kaˬ-awˇ, baꞈ kawˬ ya cawˬ ahˇ taˬ meh. 12Muiˬ-eu shawˇ-eu jawˇ duˬ laꞈ kʼoeˇ zmˬ-eu keu ka dawˬ tawˆ luꞈ aˬ yawꞈ maꞈ yuˇ-awˇ, nyoeˇ leuˬ leuˬ-eu saˬ paˇ neh lahˇ cuꞈ-awˇ, shawˇ jehˆ ni gʼeh-eu shaˬ kʼoˆ dehˬ kaˬ-awˇ, baꞈ kawˬ kʼoeˇ taˆ ya bi jaˆ meh.
13Guiˬ shuiˇ neh jahˇ taˬ-euˬ lawˇ duˬ kʼoeˇ taˆ jaˆ-eu tsiˇ lehꞈ-eu kʼaˬ lehˇ aˬ yawꞈ maꞈ ya tawˆ dzeh-awˇ, lawˇ duˬ kʼoeˇ-euˬ kʼoeˇ taˆ neˇ naˆ naˆ-eu saˬ paˇ ya kʼawˬ meh. 14Lawˇ duˬ-ahˇ kʼaˇ taꞈ leˇ-eu keu ka pyeuꞈ-eu miˬ dzaˬ kʼmˬ maˬ, kuˆ seuˬ, kuˬ tseuˆ hawˇ-eu sehˇ byehˇ heu deuˬ dawˬ tawˆ luꞈ-ahˇ lawˇ duˬ kʼoeˇ taˆ ya yuˇ taˬ meh. Kʼoeˇ naˇ, shawˇ jehˆ ni gʼeh-eu shaˬ kʼoˆ neh dehˬ kaˬ-awˇ, kʼaˆ baꞈ kawˬ ya cawˬ ahˇ taˬ meh. 15Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu mˇ myawˬ keu ka dawˬ tawˆ luꞈ-ahˇ dehˬ kaˬ gʼaˬ miˇ tsa, Kawˇhaˆ tsawˇ jeuˬ deuˬ kʼoeˇ deuˬ-ahˇ baꞈ-eu gʼaˇ duˬ ya laˇ meh. Kawˇhaˆ tsawˇ haˬ deuˬ muiˬ-eu shawˇ-eu keu ka kʼoeˇ deuˬ-ahˇ maˬ ya toeˬ ciˆ-a. Toeˬ ciˆ naˇ ya shiˇ meh.
Heu-aˬ, mehˬ hu paw doˆ-iˇ-eu aˇ yamˬ kʼaˇ keuˆ le ngeh, Kawˇhaˆ tsawˇ haˬ deuˬ ya mˇ-eu gaˇ meh.
16Piˇ ma Aˬloˬ-euˬ aˬ li Eˇlaˬzaˬ-aˬ, tsiˇ kʼmˬ doꞈ-eu tsiˇ, tsiˇ yaw saw jeˬ, dzaˬ la gʼo cehˇ lawˇ-eu jeˬ hawˇ-eu, tseˇ doˆ-euˬ deuˬ-ahˇ lehꞈ-eu tsiˇ heu deuˬ-ahˇ ya haw ya pyaˆ meh. Sehˬ gʼawˆ gʼawˆ lah ni hawˇ-eu, Sehˬ gʼawˆ laꞈ kʼoeˇ kʼaˇ jaˆ-eu Sahˬpaˬ Miˬyehˇ-ahˇ a nehˬ taˬ-euˬ jeˬ dawˬ tawˆ luꞈ-ahˇ ya haw ya pyaˆ meh.
17Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 18“Kawˇhaˆ aˇ jeuˬ-ahˇ, Leˬbiˇ tsawˇ jeuˬ laꞈ kʼoeˇ neh paˬ dzeh maˬ ya dzeh ni yaw kʼaˆ-ehˇ yahˇ-awˬ. 19Yaw zawˇ-ehˇ muiˬ-eu shawˇ-eu jeˬ dawˬ peh aˬ yawꞈ maꞈ laˇ ngeh, maˬ ya shiˇ-eu gʼaˇ duˬ heu loꞈ-ehˇ jahˇ-awˬ. Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu jawˇ duˬ-ahˇ uˇ leˇ-awˇ, aˬ yawꞈ maꞈ tiˬ gʼaˬ saˇ-iˬ tiˬ gʼaˬ-ahˇ aˬ jeˬ ya mˇ-awˇ aˬ jeˬ ya baꞈ-eu gaˇ kawˆ bi mehˬ nehˬ-awˬ. 20Ehˇ kʼawꞈ, muiˬ-eu shawˇ-eu keu ka deuˬ-ahˇ haw leˇ-eu gʼaˇ duˬ, Kawˇhaˆ tsawˇ haˬ deuˬ Sehˬ gʼawˆ laꞈ kʼoeˇ tiˬ kʼehˇ laˇ kʼehˬ tehꞈ-ehˇ kʼawꞈ maˬ ya uˇ leˇ-a. Kʼoeˇ loꞈ-ehˇ uˇ leˇ naˇ ya shiˇ tehꞈ-a.”
Leˬbiˇ tsawˇ haˬ Geˬlaˬshoˬ aˇ jeuˬ ya mˇ-eu gaˇ deuˬ
21Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 22“Leˬbiˇ tsawˇ haˬ Geˬleˬshoˬ aˇ jeuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-awˬ. 23Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu, smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ-euˬ tsawˇ myahˇ yuˇ-awˬ. 24Aˬ yawꞈ maꞈ-euˬ gaˇ-aˬ, heu loꞈ-ehˇ meh. 25Sehˬ gʼawˆ hawˇ-eu, Sehˬ gʼawˆ-ahˇ laꞈ kʼoeˇ tiˆ dehˬ kaˬ-eu saˬ paˇ, laꞈ nyiˇ tiˆ dehˬ kaˬ-eu saˬ paˇ, kʼoeˇ taˆ taˆ saˬ tiˆ-ahˇ dehˬ kaˬ-eu shawˇ jehˆ ni gʼeh-eu shaˬ kʼoˆ, gʼoˆ kʼehˬ-ahˇ taw taˬ-eu saˬ paˇ, 26Sehˬ gʼawˆ hawˇ-eu lawˇ duˬ-ahˇ yaˇ kmˇ mˇ jawˬ gaˇ taw-eu saˬ paˇ hawˇ-eu aˇ caˆ deuˬ, yaˇ kmˇ gʼoˆ kʼehˬ-ahˇ taw-eu saˬ paˇ hawˇ-eu kʼoeˇ deuˬ tsoˆ ngeh zmˬ-eu keu ka deuˬ aˬ yawꞈ maꞈ ya baꞈ meh. Keu ka heu deuˬ-ahˇ taꞈ leˇ-awˇ mˇ paˬ-ehˇ gʼeh-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh. 27Aˬloˬ hawˇ-eu aˬ yawꞈ-euˬ aˬ li deuˬ neh bi mˇ-euˬ gaˇ deuˬ-ahˇ Geˬlaˬshoˬ tsawˇ haˬ deuˬ mˇ gaˇ, Moˇseˬ hawˇ-eu Aˬloˬ naw nyaꞈ nmˇ ya haw meh. 28Heu-aˬ, Geˬlaˬshoˬ tsawˇ jeuˬ Sehˬ gʼawˆ laꞈ kʼoeˇ ya mˇ-eu gaˇ deuˬ meh. Piˇ ma Aˬloˬ-euˬ aˬ li Iˇdaˬmaˬ neh mehˬ nehˬ tsoˆ nehˬ-euˬ loꞈ-ehˇ, gaˇ kʼoeˇ deuˬ-ahˇ aˬ yawꞈ maꞈ ya mˇ meh.”
Leˬbiˇ tsawˇ haˬ Meˬlaˬliˇ aˇ jeuˬ ya mˇ-eu gaˇ deuˬ
29Moˇseˬ-ahˇ Sahˬpaˬ Miˬyehˇ ehˇ nehˬ-eu, “Leˬbiˇ tsawˇ haˬ Meˬlaˬliˇ aˇ jeuˬ deuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-awˬ. 30Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ-euˬ tsawˇ myahˇ yuˇ-awˬ. 31Aˬ yawꞈ maꞈ-euˬ gaˇ-aˬ, Sehˬ gʼawˆ teˇ byaꞈ, laꞈ law, kʼawˇ zeuˇ, zeuˇ dahˇ, 32Sehˬ gʼawˆ jawˬ jawˬ-ehˇ yaˇ kmˇ mˇ lahˇ gaˇ geuꞈ-eu kʼawˇ zeuˇ, zeuˇ dahˇ, taꞈ cmˬ, aˇ caˆ hawˇ-eu, kʼoeˇ deuˬ gʼoˆ tsoꞈ ngeh zmˬ-eu keu ka dawˬ tawˆ luꞈ-ahˇ ya baꞈ-eu gaˇ pyeuꞈ-eu meh. 33Heu-aˬ, Sehˬ gʼawˆ laꞈ kʼoeˇ Meˬlaˬliˇ tsawˇ haˬ deuˬ ya mˇ-eu gaˇ pyeuꞈ-eu meh. Piˇ ma Aˬloˬ-euˬ aˬ li Iˇdaˬmaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ loꞈ-ehˇ, kʼoeˇ deuˬ-ahˇ aˬ yawꞈ maꞈ ya baꞈ meh.”
Leˬbiˇ tsawˇ jeuˬ-euˬ tsawˇ myahˇ yuˇ-euˬ
34Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ deuˬ kʼoeˇ taˆ aˬ yuiꞈ aˬ tsu geuꞈ-eu deuˬ neh, Kawˇlaˆ aˇ jeuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh. 35-36Aˇ jeuˬ aˬ yawꞈ jeuˬ yawꞈ-ahˇ tsawˇ myahˇ yuˇ doe ngeh, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu, smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ nyiˬ heˇ shiꞈ yaˇ ngaˬ tseˇ gʼaˬ byah-eu meh. 37Kawˇhaˆ aˇ jeuˬ laꞈ kʼoeˇ, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu tsawˇ haˬ dawˬ tawˆ luꞈ kʼoeˇ myaˆ gʼaˬ byah-eu meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ hawˇ-eu Aˬloˬ aˬ nyaꞈ aˬ yawꞈ maꞈ-euˬ tsawˇ myahˇ yuˇ-euˬ meh.
38Geˬlaˬshoˬ aˇ jeuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh. 39-40Aˇ jeuˬ aˬ yawꞈ jeuˬ yawꞈ-ahˇ tsawˇ myahˇ yuˇ doe ngeh, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ, nyiˬ heˇ koꞈ yaˇ smˬ tseˇ gʼaˬ byah-eu meh. 41Geˬlaˬshoˬ aˇ jeuˬ laꞈ kʼoeˇ, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ-eu tsawˇ haˬ dawˬ tawˆ luꞈ kʼoeˇ myaˆ gʼaˬ byah-eu meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ hawˇ-eu Aˬloˬ aˬ nyaꞈ aˬ yawꞈ maꞈ-euˬ tsawˇ myahˇ yuˇ-euˬ meh.
42Meˬlaˬliˇ tsawˇ haˬ deuˬ-ahˇ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh. 43-44Aˇ jeuˬ aˬ yawꞈ jeuˬ yawꞈ-ahˇ tsawˇ myahˇ yuˇ doe ngeh, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ smˬ heˇ nyiˬ yaˇ gʼaˬ byah-eu meh. 45Meˬlaˬliˇ tsawˇ haˬ dawˬ tawˆ luꞈ heu myaˆ gʼaˬ byah-eu meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ hawˇ-eu Aˬloˬ aˬ nyaꞈ aˬ yawꞈ maꞈ-euˬ tsawˇ myahˇ yuˇ-euˬ meh.
46Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ Leˬbiˇ tsawˇ jeuˬ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh. 47-48Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-awˇ, Sehˬ gʼawˆ baꞈ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ yehꞈ heˇ ngaˬ yaˇ yehꞈ tseˇ gʼaˬ byah-eu meh. 49Sahˬpaˬ Miˬyehˇ neh Moˇseˬ-ahˇ dawˬ biꞈ nehˬ-eu loꞈ-ehˇ, tsawˇ haˬ yawˬ gʼaˬ na luꞈ-euˬ tsawˇ myahˇ yuˇ-awˇ, Sahˬpaˬ Miˬyehˇ neh Moˇseˬ-ahˇ dawˬ biꞈ nehˬ-euˬ loꞈ-ehˇ, tsawˇ haˬ yawˬ gʼaˬ na luꞈ-ahˇ yawˬ ha ya baꞈ ya pi-eu gaˇ biꞈ nehˬ-euˬ meh.
Currently Selected:
Bawˇtsahˬ 4: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Bawˇtsahˬ 4
4
Leˬbiˇ tsawˇ haˬ Kawˇhaˆ aˇ jeuˬ ya mˇ-eu gaˇ deuˬ
1Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 2“Leˬbiˇ tsawˇ haˬ Kawˇhaˆ aˇ jeuˬ deuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-awˬ. 3Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ -euˬ tsawˇ myahˇ yuˇ-awˬ. 4Muiˬ dui shawˇ dui dui-eu gaˇ deuˬ-ahˇ aˬ yawꞈ maꞈ ya mˇ meh.”
5Moˇseˬ-ahˇ Sahˬpaˬ Miˬyehˇ heu loꞈ-ehˇ mehˬ nehˬ tsoˆ nehˬ-euˬ meh. Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ Sehˬ gʼawˆ laꞈ kʼoeˇ uˇ leˇ-awˇ, Dawˬ ma saˇ jaˇ Bahˬ keuˆ mehˬ shi taw taˬ-euˬ saˬ paˇ ya yuˇ ka-awˇ, Dawˬ ma saˇ jaˇ Bahˬ keuˆ-ahˇ saˬ paˇ kʼoeˇ yuˇ-awˇ ya dehˬ kaˬ meh. 6Kʼoeˇ-euˬ kʼoeˇ taˆ shawˇ jehˆ ni gʼeh-eu shaˬ kʼoˆ paˇ dehˬ kaˬ-awˇ, nyoeˇ leuˬ leuˬ-eu saˬ paˇ ya sheu kaˬ meh. Kʼoeˇ naˇ, kʼaˆ baꞈ kawˬ deuˬ ya cawˬ ahˇ meh.
7Sahˬpaˬ Miˬyehˇ-ahˇ kaˬ muˇ damˬ nehˬ duˬ hawˬ jeh kʼoeˇ taˆ, nyoeˇ leuˬ leuˬ-eu saˬ paˇ aˬ yawꞈ maꞈ kʼawˬ-awˇ, kʼmˬ maˬ, yaw saw jeˬ dawˆ ahˇ-eu naˬ bo, damˬ nehˬ ngeh zmˬ-eu iˇ cuꞈ naˬ bo, aˬ gaꞈ dzaˇ uiˇ damˬ ngeh geuꞈ-eu mui deuˇ oeˬ lahˬ, heu deuˬ-ahˇ hawˬ jeh kʼoeˇ taˆ ya ciˬ daˆ meh. Hawˬ jeh kʼoeˇ taˆ kaˬ muˇ aˬ myah luꞈ ya bi jaˆ meh. 8Kʼoeˇ deuˬ dawˬ tawˆ luꞈ kʼoeˇ taˆ saˬ paˇ paˇ neˇ dehˬ kaˬ-awˇ, shawˇ jehˆ ni gʼeh-eu shaˬ kʼoˆ paˇ ya dehˬ kaˬ meh. Kʼoeˇ naˇ, kʼaˆ baꞈ kawˬ deuˬ ya cawˬ ahˇ taˬ meh.
9Tsiˇ kʼmˬ doꞈ taˬ duˬ, tsiˇ kʼmˬ, ciˆ nyawˆ, kʼaˬ lehˇ tawˆ ahˇ duˬ hawˇ-eu saˬ loˬ tsiˇ dawˆ ahˇ-eu mui deuˇ oeˬ lahˬ heu deuˬ kʼoeˇ taˆ, nyoeˇ leuˬ leuˬ-eu saˬ paˇ tiˬ dzeh yuˇ-awˇ ya dehˬ kaˬ meh. 10Kʼoeˇ naˇ, tsiˇ kʼmˬ doꞈ taˬ duˬ hawˇ-eu kʼoeˇ-euˬ keu ka dawˬ tawˆ luꞈ-ahˇ, shawˇ jehˆ ni gʼeh-eu shaˬ kʼoˆ neh lahˇ cuꞈ-awˇ, baꞈ kawˬ kʼoeˇ taˆ ya bi jaˆ meh.
11Shuiˇ neh jahˇ taˬ-euˬ lawˇ duˬ kʼoeˇ taˆ, nyoeˇ leuˬ leuˬ-eu saˬ paˇ kʼawˬ-awˇ, shawˇ jehˆ ni gʼeh-eu shaˬ kʼoˆ dehˬ kaˬ-awˇ, baꞈ kawˬ ya cawˬ ahˇ taˬ meh. 12Muiˬ-eu shawˇ-eu jawˇ duˬ laꞈ kʼoeˇ zmˬ-eu keu ka dawˬ tawˆ luꞈ aˬ yawꞈ maꞈ yuˇ-awˇ, nyoeˇ leuˬ leuˬ-eu saˬ paˇ neh lahˇ cuꞈ-awˇ, shawˇ jehˆ ni gʼeh-eu shaˬ kʼoˆ dehˬ kaˬ-awˇ, baꞈ kawˬ kʼoeˇ taˆ ya bi jaˆ meh.
13Guiˬ shuiˇ neh jahˇ taˬ-euˬ lawˇ duˬ kʼoeˇ taˆ jaˆ-eu tsiˇ lehꞈ-eu kʼaˬ lehˇ aˬ yawꞈ maꞈ ya tawˆ dzeh-awˇ, lawˇ duˬ kʼoeˇ-euˬ kʼoeˇ taˆ neˇ naˆ naˆ-eu saˬ paˇ ya kʼawˬ meh. 14Lawˇ duˬ-ahˇ kʼaˇ taꞈ leˇ-eu keu ka pyeuꞈ-eu miˬ dzaˬ kʼmˬ maˬ, kuˆ seuˬ, kuˬ tseuˆ hawˇ-eu sehˇ byehˇ heu deuˬ dawˬ tawˆ luꞈ-ahˇ lawˇ duˬ kʼoeˇ taˆ ya yuˇ taˬ meh. Kʼoeˇ naˇ, shawˇ jehˆ ni gʼeh-eu shaˬ kʼoˆ neh dehˬ kaˬ-awˇ, kʼaˆ baꞈ kawˬ ya cawˬ ahˇ taˬ meh. 15Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu mˇ myawˬ keu ka dawˬ tawˆ luꞈ-ahˇ dehˬ kaˬ gʼaˬ miˇ tsa, Kawˇhaˆ tsawˇ jeuˬ deuˬ kʼoeˇ deuˬ-ahˇ baꞈ-eu gʼaˇ duˬ ya laˇ meh. Kawˇhaˆ tsawˇ haˬ deuˬ muiˬ-eu shawˇ-eu keu ka kʼoeˇ deuˬ-ahˇ maˬ ya toeˬ ciˆ-a. Toeˬ ciˆ naˇ ya shiˇ meh.
Heu-aˬ, mehˬ hu paw doˆ-iˇ-eu aˇ yamˬ kʼaˇ keuˆ le ngeh, Kawˇhaˆ tsawˇ haˬ deuˬ ya mˇ-eu gaˇ meh.
16Piˇ ma Aˬloˬ-euˬ aˬ li Eˇlaˬzaˬ-aˬ, tsiˇ kʼmˬ doꞈ-eu tsiˇ, tsiˇ yaw saw jeˬ, dzaˬ la gʼo cehˇ lawˇ-eu jeˬ hawˇ-eu, tseˇ doˆ-euˬ deuˬ-ahˇ lehꞈ-eu tsiˇ heu deuˬ-ahˇ ya haw ya pyaˆ meh. Sehˬ gʼawˆ gʼawˆ lah ni hawˇ-eu, Sehˬ gʼawˆ laꞈ kʼoeˇ kʼaˇ jaˆ-eu Sahˬpaˬ Miˬyehˇ-ahˇ a nehˬ taˬ-euˬ jeˬ dawˬ tawˆ luꞈ-ahˇ ya haw ya pyaˆ meh.
17Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 18“Kawˇhaˆ aˇ jeuˬ-ahˇ, Leˬbiˇ tsawˇ jeuˬ laꞈ kʼoeˇ neh paˬ dzeh maˬ ya dzeh ni yaw kʼaˆ-ehˇ yahˇ-awˬ. 19Yaw zawˇ-ehˇ muiˬ-eu shawˇ-eu jeˬ dawˬ peh aˬ yawꞈ maꞈ laˇ ngeh, maˬ ya shiˇ-eu gʼaˇ duˬ heu loꞈ-ehˇ jahˇ-awˬ. Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu jawˇ duˬ-ahˇ uˇ leˇ-awˇ, aˬ yawꞈ maꞈ tiˬ gʼaˬ saˇ-iˬ tiˬ gʼaˬ-ahˇ aˬ jeˬ ya mˇ-awˇ aˬ jeˬ ya baꞈ-eu gaˇ kawˆ bi mehˬ nehˬ-awˬ. 20Ehˇ kʼawꞈ, muiˬ-eu shawˇ-eu keu ka deuˬ-ahˇ haw leˇ-eu gʼaˇ duˬ, Kawˇhaˆ tsawˇ haˬ deuˬ Sehˬ gʼawˆ laꞈ kʼoeˇ tiˬ kʼehˇ laˇ kʼehˬ tehꞈ-ehˇ kʼawꞈ maˬ ya uˇ leˇ-a. Kʼoeˇ loꞈ-ehˇ uˇ leˇ naˇ ya shiˇ tehꞈ-a.”
Leˬbiˇ tsawˇ haˬ Geˬlaˬshoˬ aˇ jeuˬ ya mˇ-eu gaˇ deuˬ
21Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 22“Leˬbiˇ tsawˇ haˬ Geˬleˬshoˬ aˇ jeuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-awˬ. 23Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu, smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ-euˬ tsawˇ myahˇ yuˇ-awˬ. 24Aˬ yawꞈ maꞈ-euˬ gaˇ-aˬ, heu loꞈ-ehˇ meh. 25Sehˬ gʼawˆ hawˇ-eu, Sehˬ gʼawˆ-ahˇ laꞈ kʼoeˇ tiˆ dehˬ kaˬ-eu saˬ paˇ, laꞈ nyiˇ tiˆ dehˬ kaˬ-eu saˬ paˇ, kʼoeˇ taˆ taˆ saˬ tiˆ-ahˇ dehˬ kaˬ-eu shawˇ jehˆ ni gʼeh-eu shaˬ kʼoˆ, gʼoˆ kʼehˬ-ahˇ taw taˬ-eu saˬ paˇ, 26Sehˬ gʼawˆ hawˇ-eu lawˇ duˬ-ahˇ yaˇ kmˇ mˇ jawˬ gaˇ taw-eu saˬ paˇ hawˇ-eu aˇ caˆ deuˬ, yaˇ kmˇ gʼoˆ kʼehˬ-ahˇ taw-eu saˬ paˇ hawˇ-eu kʼoeˇ deuˬ tsoˆ ngeh zmˬ-eu keu ka deuˬ aˬ yawꞈ maꞈ ya baꞈ meh. Keu ka heu deuˬ-ahˇ taꞈ leˇ-awˇ mˇ paˬ-ehˇ gʼeh-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh. 27Aˬloˬ hawˇ-eu aˬ yawꞈ-euˬ aˬ li deuˬ neh bi mˇ-euˬ gaˇ deuˬ-ahˇ Geˬlaˬshoˬ tsawˇ haˬ deuˬ mˇ gaˇ, Moˇseˬ hawˇ-eu Aˬloˬ naw nyaꞈ nmˇ ya haw meh. 28Heu-aˬ, Geˬlaˬshoˬ tsawˇ jeuˬ Sehˬ gʼawˆ laꞈ kʼoeˇ ya mˇ-eu gaˇ deuˬ meh. Piˇ ma Aˬloˬ-euˬ aˬ li Iˇdaˬmaˬ neh mehˬ nehˬ tsoˆ nehˬ-euˬ loꞈ-ehˇ, gaˇ kʼoeˇ deuˬ-ahˇ aˬ yawꞈ maꞈ ya mˇ meh.”
Leˬbiˇ tsawˇ haˬ Meˬlaˬliˇ aˇ jeuˬ ya mˇ-eu gaˇ deuˬ
29Moˇseˬ-ahˇ Sahˬpaˬ Miˬyehˇ ehˇ nehˬ-eu, “Leˬbiˇ tsawˇ haˬ Meˬlaˬliˇ aˇ jeuˬ deuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-awˬ. 30Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ-euˬ tsawˇ myahˇ yuˇ-awˬ. 31Aˬ yawꞈ maꞈ-euˬ gaˇ-aˬ, Sehˬ gʼawˆ teˇ byaꞈ, laꞈ law, kʼawˇ zeuˇ, zeuˇ dahˇ, 32Sehˬ gʼawˆ jawˬ jawˬ-ehˇ yaˇ kmˇ mˇ lahˇ gaˇ geuꞈ-eu kʼawˇ zeuˇ, zeuˇ dahˇ, taꞈ cmˬ, aˇ caˆ hawˇ-eu, kʼoeˇ deuˬ gʼoˆ tsoꞈ ngeh zmˬ-eu keu ka dawˬ tawˆ luꞈ-ahˇ ya baꞈ-eu gaˇ pyeuꞈ-eu meh. 33Heu-aˬ, Sehˬ gʼawˆ laꞈ kʼoeˇ Meˬlaˬliˇ tsawˇ haˬ deuˬ ya mˇ-eu gaˇ pyeuꞈ-eu meh. Piˇ ma Aˬloˬ-euˬ aˬ li Iˇdaˬmaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ loꞈ-ehˇ, kʼoeˇ deuˬ-ahˇ aˬ yawꞈ maꞈ ya baꞈ meh.”
Leˬbiˇ tsawˇ jeuˬ-euˬ tsawˇ myahˇ yuˇ-euˬ
34Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ deuˬ kʼoeˇ taˆ aˬ yuiꞈ aˬ tsu geuꞈ-eu deuˬ neh, Kawˇlaˆ aˇ jeuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh. 35-36Aˇ jeuˬ aˬ yawꞈ jeuˬ yawꞈ-ahˇ tsawˇ myahˇ yuˇ doe ngeh, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu, smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ nyiˬ heˇ shiꞈ yaˇ ngaˬ tseˇ gʼaˬ byah-eu meh. 37Kawˇhaˆ aˇ jeuˬ laꞈ kʼoeˇ, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu tsawˇ haˬ dawˬ tawˆ luꞈ kʼoeˇ myaˆ gʼaˬ byah-eu meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ hawˇ-eu Aˬloˬ aˬ nyaꞈ aˬ yawꞈ maꞈ-euˬ tsawˇ myahˇ yuˇ-euˬ meh.
38Geˬlaˬshoˬ aˇ jeuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh. 39-40Aˇ jeuˬ aˬ yawꞈ jeuˬ yawꞈ-ahˇ tsawˇ myahˇ yuˇ doe ngeh, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ, nyiˬ heˇ koꞈ yaˇ smˬ tseˇ gʼaˬ byah-eu meh. 41Geˬlaˬshoˬ aˇ jeuˬ laꞈ kʼoeˇ, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ-eu tsawˇ haˬ dawˬ tawˆ luꞈ kʼoeˇ myaˆ gʼaˬ byah-eu meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ hawˇ-eu Aˬloˬ aˬ nyaꞈ aˬ yawꞈ maꞈ-euˬ tsawˇ myahˇ yuˇ-euˬ meh.
42Meˬlaˬliˇ tsawˇ haˬ deuˬ-ahˇ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh. 43-44Aˇ jeuˬ aˬ yawꞈ jeuˬ yawꞈ-ahˇ tsawˇ myahˇ yuˇ doe ngeh, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ smˬ heˇ nyiˬ yaˇ gʼaˬ byah-eu meh. 45Meˬlaˬliˇ tsawˇ haˬ dawˬ tawˆ luꞈ heu myaˆ gʼaˬ byah-eu meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ hawˇ-eu Aˬloˬ aˬ nyaꞈ aˬ yawꞈ maꞈ-euˬ tsawˇ myahˇ yuˇ-euˬ meh.
46Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ Leˬbiˇ tsawˇ jeuˬ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh. 47-48Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-awˇ, Sehˬ gʼawˆ baꞈ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ yehꞈ heˇ ngaˬ yaˇ yehꞈ tseˇ gʼaˬ byah-eu meh. 49Sahˬpaˬ Miˬyehˇ neh Moˇseˬ-ahˇ dawˬ biꞈ nehˬ-eu loꞈ-ehˇ, tsawˇ haˬ yawˬ gʼaˬ na luꞈ-euˬ tsawˇ myahˇ yuˇ-awˇ, Sahˬpaˬ Miˬyehˇ neh Moˇseˬ-ahˇ dawˬ biꞈ nehˬ-euˬ loꞈ-ehˇ, tsawˇ haˬ yawˬ gʼaˬ na luꞈ-ahˇ yawˬ ha ya baꞈ ya pi-eu gaˇ biꞈ nehˬ-euˬ meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.