Bawˇtsahˬ 3
3
Aˬloˬ-euˬ aˬ li deuˬ
1Heu-aˬ, Siˇnaˆ gawˬ jawˬ kʼoeˇ taˆ Moˇseˬ-ahˇ Sahˬpaˬ Miˬyehˇ dawˬ ngehˬ cawˬ ngeh yamˬ-ahˇ jawˇ luꞈ-eu Moˇseˬ hawˇ-eu Aˬloˬ-euˬ nymˇ kʼahˬ zaˬ deuˬ pyeuꞈ-eu meh. 2Aˬloˬ-euˬ aˬ li oeˬ li jawˇ-eu meh. Kʼoeˇ deuˬ-aˬ, Naˬdehˇ, Aˬbiˇhuˬ, Eˇlaˬzaˬ hawˇ-eu, Iˇdaˬmaˬ meh. 3Aˬ yawꞈ maꞈ-aˬ, piˇ ma geuꞈ-eu gʼaˇ duˬ, tsiˇ lehꞈ nehˬ-awˇ aˇ yaˬ biꞈ taˬ-euˬ tsawˇ haˬ deuˬ pyeuꞈ-eu meh. 4Ehˇ kʼawꞈ, Naˬdehˇ hawˇ-eu Aˬbiˇhuˬ-aˬ, Siˇnaˆ bawˇ tsahˬ bawˇ dahˇ laꞈ kʼoeˇ, Sahˬpaˬ Miˬyehˇ-ahˇ maˬ muiˬ maˬ shawˇ-eu miˬ dzaˬ lawˇ nehˬ ngeh, sehꞈ gaˇ ya daˬ-euˬ meh. Aˬ yawꞈ nyaꞈ zaˬ maˬ jawˇ-a. Kʼoeˇ miˇ neh, Aˬloˬ yaw dehꞈ dehꞈ luꞈ ngeh, Eˇlaˬzaˬ hawˇ-eu Iˇdaˬmaˬ aˬ nyaꞈ nmˇ piˇ ma geuꞈ-euˬ meh.
Leˬbiˇ tsawˇ haˬ deuˬ-ahˇ piˇ ma-ahˇ caw ba-eu tsawˇ haˬ bi geuꞈ-euˬ
5Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 6“Leˬbiˇ tsawˇ jeuˬ-ahˇ mehˬ hu paw kuˇ doˆ-awˇ, Aˬloˬ-ahˇ caw ba-eu tsawˇ haˬ deuˬ bi geuꞈ-awˬ. 7Ngaˇ jawˇ-eu Sehˬ gʼawˆ laꞈ kʼoeˇ jaˆ-eu gaˇ deuˬ aˬ yawꞈ maꞈ mˇ-awˇ, piˇ ma deuˬ gʼaˇ duˬ maˬ ehˇ, tsawˇ haˬ aˇ maꞈ aˇ muˇ dawˬ tawˆ luꞈ gʼaˇ duˬ maˬ ehˇ, aˬ yawꞈ maꞈ gaˇ ya mˇ meh. 8Sehˬ gʼawˆ laꞈ kʼoeˇ jaˆ-eu keu ka dawˬ tawˆ luꞈ-ahˇ aˬ yawꞈ maꞈ ya haw ya pyaˆ-awˇ, Iˇsaˬleˬlaˆ tsawˇ haˬ deuˬ gʼaˇ duˬ mˇ paˬ-ehˇ gʼeh-eu jeˬ ya mˇ meh. 9Leˬbiˇ tsawˇ haˬ deuˬ-euˬ gaˇ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ caw ba-eu gaˇ kʼoeˇ tiˬ jeˬ tehꞈ meh. 10Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ gaˇ deuˬ nawˇ bi mˇ-awˬ. Gaˇ kʼoeˇ deuˬ mˇ-eu lehˇ kʼaˇ leh jeh-eu tsawˇ haˬ nui gʼaˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.”
11Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 12“Iˇsaˬleˬlaˆ tsawˇ haˬ zaˬ miˬ zaˬ aˬ yawꞈ gʼaˬ yawꞈ-euˬ dehꞈ beh beh le-euˬ aˬ li aˬ yuiꞈ yuiꞈ saˬ gʼaˬ-euˬ dah zaˇ, Iˇsaˬleˬlaˆ tsawˇ haˬ laꞈ kʼoeˇ Leˬbiˇ tsawˇ jeuˬ-ahˇ ngaˇ tseˇ doˆ taˬ-euˬ ma. Leˬbiˇ tsawˇ haˬ deuˬ-aˬ, ngaˬ-euˬ pyeuꞈ-eu ma. 13Aˬ jeˬ miˇ neh ehˇ naˇ, dehꞈ beh beh le-euˬ dawˬ tawˆ luꞈ ngaˬ-euˬ pyeuꞈ-eu ma. Iˇjiˇtuˆ tsawˇ haˬ deuˬ laꞈ kʼoeˇ, dehꞈ beh beh le-euˬ deuˬ-ahˇ ngaˇ sehꞈ dzeh ngeh, Iˇsaˬleˬlaˆ nymˇ jiˇ aˬ yawꞈ jiˇ yawꞈ laꞈ kʼoeˇ, dehꞈ beh beh le-euˬ aˬ li deuˬ hawˇ-eu dehꞈ beh beh le-euˬ jeˬ zaˬ yawˬ mawˇ na luꞈ-ahˇ, ngaˬ-euˬ gʼaˇ duˬ ngaˇ tseˇ paˆ doˆ taˬ-euˬ ma. Nymˬ-mˇ, Iˇsaˬleˬlaˆ-euˬ dehꞈ beh beh le-euˬ aˬ li deuˬ-ahˇ ngaˇ geuꞈ-eu dah zaˇ, Leˬbiˇ tsawˇ haˬ deuˬ ngaˇ geuꞈ ma. Aˬ yawꞈ maꞈ-aˬ, ngaˬ-euˬ pyeuꞈ-eu ma. Ngaˇ-aˬ, Sahˬpaˬ Miˬyehˇ ma.”
Leˬbiˇ tsawˇ jeuˬ-euˬ tsawˇ myahˇ yuˇ-euˬ
14Siˇnaˆ bawˇ tsahˬ bawˇ dahˇ laꞈ kʼoeˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh. 15Leˬbiˇ tsawˇ haˬ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ laꞈ kʼoeˇ, ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ kʼaˬ dzeˇ zaˬ aˬ yawꞈ gʼaˬ yawꞈ-euˬ tsawˇ myahˇ yuˇ-awˬ lehˇ ehˇ nehˬ-euˬ meh. 16Kʼoeˇ ngeh, Sahˬpaˬ Miˬyehˇ neh dawˬ biꞈ-euˬ loꞈ-ehˇ Moˇseˬ mˇ-euˬ meh.
17Leˬbiˇ-euˬ aˬ li deuˬ-euˬ tsawˇ myahˇ-aˬ, Geˬlaˬshoˬ, Kawˇhaˆ hawˇ-eu Meˬlaˬliˇ meh.
18Geˬlaˬshoˬ-euˬ aˬ li deuˬ-euˬ tsawˇ myahˇ-aˬ, Liˇbaˬniˇ hawˇ-eu Shiˇmiˇ meh.
19Kawˇhaˆ-euˬ aˬ li deuˬ-euˬ tsawˇ myahˇ-aˬ, Aˬmaˬlamˬ, Iˇzaˬhaˬ, Heˬbyoˬ hawˇ-eu Awˇzeˬlaˇ meh.
20Meˬlaˬliˇ-euˬ aˬ li deuˬ-euˬ tsawˇ myahˇ-aˬ, Maˬhaˬliˬ hawˇ-eu Muˇshiˬ meh.
Aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu nymˇ jiˇ deuˬ-euˬ aˬ da yaw dzahˇ meh.
21Liˇbaˬniˇ hawˇ-eu Shiˇmiˇ-euˬ nymˇ jiˇ deuˬ-aˬ, Geˬlaˬshoˬ aˇ jeuˬ pyeuꞈ-eu meh. 22Ba la tiˬ siˬ byah laˇ-euˬ zaˬ nahˬ-ahˇ neh laꞈ taˆ paw-euˬ, tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, shiꞈ heˇ ngaˬ yaˇ gʼaˬ byah-eu meh. 23Geˬlaˬshoˬ aˇ jeuˬ deuˬ-aˬ, Sehˬ gʼawˆ-euˬ naˇ kʼah, nahˇ ma ga kʼehˬ paw pyawˬ-ahˇ jawˇ duˬ ya yuˇ meh. 24Geˬlaˬshoˬ aˇ jeuˬ-euˬ nymˇ jiˇ deuˬ kʼoeˇ taˆ aˬ yuiꞈ geuꞈ-eu gʼaˬ-aˬ, Leˬlaˇ-euˬ aˬ li Eˇlaˬsaˆ meh. 25Aˬ yawꞈ-euˬ gaˇ-aˬ, Sehˬ gʼawˆ hawˇ-eu, Sehˬ gʼawˆ-ahˇ laꞈ kʼoeˇ tiˆ dehˬ kaˬ-eu saˬ paˇ, laꞈ nyiˇ tiˆ dehˬ kaˬ-eu saˬ paˇ, gʼoˆ kʼehˬ-ahˇ taw-eu saˬ paˇ, 26Sehˬ gʼawˆ jawˬ jawˬ-ehˇ yaˇ kmˇ mˇ gaˇ taw-eu saˬ paˇ hawˇ-eu lawˇ duˬ, Sehˬ gʼawˆ yaˇ kmˇ gʼoˆ kʼehˬ-ahˇ taw-eu saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ aˬ yawꞈ maꞈ ya mˇ meh.
27Aˬmaˬlamˬ, Iˇzaˬhaˬ, Heˬbyoˬ, Awˇzeˬlaˇ, heu deuˬ-euˬ nymˇ jiˇ dawˬ tawˆ luꞈ, Kawˇhaˆ aˇ jeuˬ meh. 28Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, yehꞈ heˇ koꞈ yaˇ gʼaˬ byah-eu meh. 29Kawˇhaˆ aˇ jeuˬ deuˬ Sehˬ gʼawˆ laꞈ oˆ paw pyawˬ-ahˇ jawˇ duˬ ya yuˇ meh. 30Kawˇhaˆ aˇ jeuˬ-euˬ nymˇ jiˇ deuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Awˇzeˬlaˇ-euˬ aˬ li Eˇliˇzaˬpaˬ pyeuꞈ-eu meh. 31Aˬ yawꞈ maꞈ-euˬ gaˇ-aˬ, Dawˬ ma saˇ jaˇ Bahˬ keuˆ, hawˬ jeh, tsiˇ kʼmˬ doꞈ taˬ duˬ, lawˇ duˬ deuˬ, muiˬ-euˬ shawˇ-eu jawˇ duˬ laꞈ kʼoeˇ piˇ ma deuˬ zmˬ-eu keu ka deuˬ, muiˬ dui shawˇ dui dui-eu jawˇ duˬ-ahˇ uˇ leˇ-eu gʼoˆ kʼehˬ-ahˇ taw taˬ-euˬ saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.
32Leˬbiˇ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, piˇ ma Aˬloˬ-euˬ aˬ li Eˇlaˬzaˬ meh. Muiˬ-eu shawˇ-eu jawˇ duˬ laꞈ kʼoeˇ gaˇ mˇ-eu tsawˇ haˬ deuˬ-ahˇ aˬ yawꞈ ya haw ya pyaˆ-eu meh.
33Maˬhaˬliˬ hawˇ-eu Muˇshiˬ-euˬ nymˇ jiˇ deuˬ-aˬ, Meˬlaˬliˇ aˇ jeuˬ meh. 34Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, koꞈ heˇ nyiˬ yaˇ gʼaˬ byah-eu meh. 35Meˬlaˬliˇ aˇ jeuˬ-euˬ nymˇ jiˇ deuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬbiˇheˬlaˇ-euˬ aˬ li Zuˇliˇlaˆ meh. Sehˬ gʼawˆ-euˬ laꞈ taˆ paw pyawˬ-ahˇ aˬ yawꞈ maꞈ jawˇ duˬ ya yuˇ meh. 36Aˬ yawꞈ maꞈ-euˬ gaˇ-aˬ, Sehˬ gʼawˆ teˇ byaꞈ, laꞈ law, kʼawˇ zeuˇ, zeuˇ dahˇ hawˇ-eu kʼoeˇ gaˇ taꞈ-eu keu ka deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh. 37Laꞈ nyiˇ paw yaˇ kmˇ mˇ gaˇ zmˬ-eu keu ka pyeuꞈ-eu kʼawˇ zeuˇ, zeuˇ dahˇ, taꞈ cmˬ hawˇ-eu aˇ caˆ deuˬ-ahˇ kʼawꞈ, aˬ yawꞈ maˬ ya haw ya pyaˆ meh.
38Moˇseˬ, Aˬloˬ hawˇ-eu Aˬloˬ-euˬ aˬ li deuˬ-aˬ, Sehˬ gʼawˆ mehˬ shi nahˇ ma doˆ kʼehˬ paw pyawˬ-ahˇ jawˇ duˬ ya yuˇ meh. Iˇsaˬleˬlaˆ tsawˇ haˬ deuˬ gʼaˇ duˬ, muiˬ-eu shawˇ-eu jawˇ duˬ laꞈ kʼoeˇ mˇ-eu gaˇ deuˬ-aˬ, aˬ yawꞈ maꞈ-euˬ gaˇ pyeuꞈ-eu meh. Kʼoeˇ loꞈ-ehˇ mˇ-eu lehˇ leh jeh-eu tsawˇ haˬ nui deuˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a. 39Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ Leˬbiˇ tsawˇ haˬ kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ-ahˇ kʼaˇ taꞈ-eu loꞈ-ehˇ Moˇseˬ tsawˇ myahˇ yuˇ ngeh, tsawˇ myahˇ dawˆ-euˬ tsawˇ haˬ dawˬ tawˆ luꞈ nyiˬ muiˇ nyiˬ heˇ gʼaˬ byah-eu meh.
Leˬbiˇ tsawˇ haˬ deuˬ dehꞈ beh beh le-euˬ aˬ li deuˬ-euˬ dah zaˇ dah-euˬ
40Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ deuˬ dehꞈ beh beh le-euˬ Iˇsaˬleˬlaˆ tsawˇ haˬ kʼaˬ dzeˇ zaˬ deuˬ-ahˇ gui haw-awˇ, aˬ yawꞈ maꞈ-euˬ tsawˇ myahˇ yuˇ-awˬ. 41Ngaˬ-euˬ gʼaˇ duˬ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ dah zaˇ Leˬbiˇ tsawˇ haˬ deuˬ bi dah-awˇ,Leˬbiˇ tsawˇ haˬ deuˬ-euˬ jeˬ zaˬ deuˬ-ahˇ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ jeˬ zaˬ dah zaˇ bi dah-awˬ. Ngaˇ-aˬ, Sahˬpaˬ Miˬyehˇ ma.” 42Kʼoeˇ naˇ, Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ laꞈ kʼoeˇ, dehꞈ beh beh le-euˬ deuˬ-ahˇ Moˇseˬ gui haw-euˬ meh. 43Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ dehꞈ beh beh le-euˬ kʼaˬ dzeˇ zaˬ deuˬ-euˬ tsawˇ myahˇ yuˇ haw ngeh, dawˬ tawˆ luꞈ nyiˬ muiˇ nyiˬ heˇ nyiˬ yaˇ shiꞈ tseˇ smˇ gʼaˬ byah-eu meh.
44Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ paˇ ehˇ nehˬ-euˬ meh. 45“Dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ dah zaˇ,Leˬbiˇ tsawˇ haˬ deuˬ-ahˇ ngaˬ-ahˇ a nehˬ-awˇ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ jeˬ zaˬ deuˬ dah zaˇ, Leˬbiˇ tsawˇ haˬ deuˬ-euˬ jeˬ zaˬ deuˬ ngaˬ-ahˇ a nehˬ-awˬ. 46Dehꞈ beh beh le-euˬ Iˇsaˬleˬlaˆ tsawˇ haˬ deuˬ-aˬ, Leˬbiˇ tsawˇ haˬ deuˬ myaˆ maˬ tseˇ nyiˬ yaˇ shiꞈ tseˇ smˇ gʼaˬ myaˬ dzehˬ-eu miˇ neh, dzehˬ laˇ-euˬ aˬ li kʼoeˇ deuˬ-ahˇ naw maꞈ ya zeuˇ kʼoꞈ geuꞈ meh. 47Aˬ yawꞈ gʼaˬ yawꞈ gʼaˇ duˬ, kaˇ-ahˇ tsaˬ-eu pyuˇ maˇ byaˆ ngaˬ yaˇ byaˆ ya biꞈ meh. 48Dzehˬ laˇ-euˬ Iˇsaˬleˬlaˆ tsawˇ haˬ kʼoeˇ deuˬ-ahˇ zeuˇ kʼoꞈ-eu gʼaˇ duˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ pyuˇ kʼoeˇ deuˬ biꞈ-awˬ.”
49Kʼoeˇ naˇ, Leˬbiˇ tsawˇ haˬ deuˬ neh bi zeuˇ kʼoꞈ-euˬ dzehˬ laˇ-euˬ tsawˇ haˬ kʼoeˇ deuˬ-ahˇ zeuˇ kʼoꞈ poeˬ pyuˇ kʼoeˇ, Moˇseˬ taꞈ uiˬ-euˬ meh. 50Dehꞈ beh beh le-euˬ Iˇsaˬleˬlaˆ tsawˇ haˬ deuˬ jawˇ gaˇ, kaˇ-ahˇ tsaˬ-eu pyuˇ maˇ byaˆ tiˬ heˇ smˬ yaˇ koꞈ tseˇ ngaˬ byaˆ taꞈ za-euˬ meh. 51Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ zeuˇ kʼoꞈ poeˬ pyuˇ kʼoeˇ deuˬ, Moˇseˬ neh Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ-euˬ meh.
Currently Selected:
Bawˇtsahˬ 3: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Bawˇtsahˬ 3
3
Aˬloˬ-euˬ aˬ li deuˬ
1Heu-aˬ, Siˇnaˆ gawˬ jawˬ kʼoeˇ taˆ Moˇseˬ-ahˇ Sahˬpaˬ Miˬyehˇ dawˬ ngehˬ cawˬ ngeh yamˬ-ahˇ jawˇ luꞈ-eu Moˇseˬ hawˇ-eu Aˬloˬ-euˬ nymˇ kʼahˬ zaˬ deuˬ pyeuꞈ-eu meh. 2Aˬloˬ-euˬ aˬ li oeˬ li jawˇ-eu meh. Kʼoeˇ deuˬ-aˬ, Naˬdehˇ, Aˬbiˇhuˬ, Eˇlaˬzaˬ hawˇ-eu, Iˇdaˬmaˬ meh. 3Aˬ yawꞈ maꞈ-aˬ, piˇ ma geuꞈ-eu gʼaˇ duˬ, tsiˇ lehꞈ nehˬ-awˇ aˇ yaˬ biꞈ taˬ-euˬ tsawˇ haˬ deuˬ pyeuꞈ-eu meh. 4Ehˇ kʼawꞈ, Naˬdehˇ hawˇ-eu Aˬbiˇhuˬ-aˬ, Siˇnaˆ bawˇ tsahˬ bawˇ dahˇ laꞈ kʼoeˇ, Sahˬpaˬ Miˬyehˇ-ahˇ maˬ muiˬ maˬ shawˇ-eu miˬ dzaˬ lawˇ nehˬ ngeh, sehꞈ gaˇ ya daˬ-euˬ meh. Aˬ yawꞈ nyaꞈ zaˬ maˬ jawˇ-a. Kʼoeˇ miˇ neh, Aˬloˬ yaw dehꞈ dehꞈ luꞈ ngeh, Eˇlaˬzaˬ hawˇ-eu Iˇdaˬmaˬ aˬ nyaꞈ nmˇ piˇ ma geuꞈ-euˬ meh.
Leˬbiˇ tsawˇ haˬ deuˬ-ahˇ piˇ ma-ahˇ caw ba-eu tsawˇ haˬ bi geuꞈ-euˬ
5Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 6“Leˬbiˇ tsawˇ jeuˬ-ahˇ mehˬ hu paw kuˇ doˆ-awˇ, Aˬloˬ-ahˇ caw ba-eu tsawˇ haˬ deuˬ bi geuꞈ-awˬ. 7Ngaˇ jawˇ-eu Sehˬ gʼawˆ laꞈ kʼoeˇ jaˆ-eu gaˇ deuˬ aˬ yawꞈ maꞈ mˇ-awˇ, piˇ ma deuˬ gʼaˇ duˬ maˬ ehˇ, tsawˇ haˬ aˇ maꞈ aˇ muˇ dawˬ tawˆ luꞈ gʼaˇ duˬ maˬ ehˇ, aˬ yawꞈ maꞈ gaˇ ya mˇ meh. 8Sehˬ gʼawˆ laꞈ kʼoeˇ jaˆ-eu keu ka dawˬ tawˆ luꞈ-ahˇ aˬ yawꞈ maꞈ ya haw ya pyaˆ-awˇ, Iˇsaˬleˬlaˆ tsawˇ haˬ deuˬ gʼaˇ duˬ mˇ paˬ-ehˇ gʼeh-eu jeˬ ya mˇ meh. 9Leˬbiˇ tsawˇ haˬ deuˬ-euˬ gaˇ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ caw ba-eu gaˇ kʼoeˇ tiˬ jeˬ tehꞈ meh. 10Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ gaˇ deuˬ nawˇ bi mˇ-awˬ. Gaˇ kʼoeˇ deuˬ mˇ-eu lehˇ kʼaˇ leh jeh-eu tsawˇ haˬ nui gʼaˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.”
11Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 12“Iˇsaˬleˬlaˆ tsawˇ haˬ zaˬ miˬ zaˬ aˬ yawꞈ gʼaˬ yawꞈ-euˬ dehꞈ beh beh le-euˬ aˬ li aˬ yuiꞈ yuiꞈ saˬ gʼaˬ-euˬ dah zaˇ, Iˇsaˬleˬlaˆ tsawˇ haˬ laꞈ kʼoeˇ Leˬbiˇ tsawˇ jeuˬ-ahˇ ngaˇ tseˇ doˆ taˬ-euˬ ma. Leˬbiˇ tsawˇ haˬ deuˬ-aˬ, ngaˬ-euˬ pyeuꞈ-eu ma. 13Aˬ jeˬ miˇ neh ehˇ naˇ, dehꞈ beh beh le-euˬ dawˬ tawˆ luꞈ ngaˬ-euˬ pyeuꞈ-eu ma. Iˇjiˇtuˆ tsawˇ haˬ deuˬ laꞈ kʼoeˇ, dehꞈ beh beh le-euˬ deuˬ-ahˇ ngaˇ sehꞈ dzeh ngeh, Iˇsaˬleˬlaˆ nymˇ jiˇ aˬ yawꞈ jiˇ yawꞈ laꞈ kʼoeˇ, dehꞈ beh beh le-euˬ aˬ li deuˬ hawˇ-eu dehꞈ beh beh le-euˬ jeˬ zaˬ yawˬ mawˇ na luꞈ-ahˇ, ngaˬ-euˬ gʼaˇ duˬ ngaˇ tseˇ paˆ doˆ taˬ-euˬ ma. Nymˬ-mˇ, Iˇsaˬleˬlaˆ-euˬ dehꞈ beh beh le-euˬ aˬ li deuˬ-ahˇ ngaˇ geuꞈ-eu dah zaˇ, Leˬbiˇ tsawˇ haˬ deuˬ ngaˇ geuꞈ ma. Aˬ yawꞈ maꞈ-aˬ, ngaˬ-euˬ pyeuꞈ-eu ma. Ngaˇ-aˬ, Sahˬpaˬ Miˬyehˇ ma.”
Leˬbiˇ tsawˇ jeuˬ-euˬ tsawˇ myahˇ yuˇ-euˬ
14Siˇnaˆ bawˇ tsahˬ bawˇ dahˇ laꞈ kʼoeˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh. 15Leˬbiˇ tsawˇ haˬ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ laꞈ kʼoeˇ, ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ kʼaˬ dzeˇ zaˬ aˬ yawꞈ gʼaˬ yawꞈ-euˬ tsawˇ myahˇ yuˇ-awˬ lehˇ ehˇ nehˬ-euˬ meh. 16Kʼoeˇ ngeh, Sahˬpaˬ Miˬyehˇ neh dawˬ biꞈ-euˬ loꞈ-ehˇ Moˇseˬ mˇ-euˬ meh.
17Leˬbiˇ-euˬ aˬ li deuˬ-euˬ tsawˇ myahˇ-aˬ, Geˬlaˬshoˬ, Kawˇhaˆ hawˇ-eu Meˬlaˬliˇ meh.
18Geˬlaˬshoˬ-euˬ aˬ li deuˬ-euˬ tsawˇ myahˇ-aˬ, Liˇbaˬniˇ hawˇ-eu Shiˇmiˇ meh.
19Kawˇhaˆ-euˬ aˬ li deuˬ-euˬ tsawˇ myahˇ-aˬ, Aˬmaˬlamˬ, Iˇzaˬhaˬ, Heˬbyoˬ hawˇ-eu Awˇzeˬlaˇ meh.
20Meˬlaˬliˇ-euˬ aˬ li deuˬ-euˬ tsawˇ myahˇ-aˬ, Maˬhaˬliˬ hawˇ-eu Muˇshiˬ meh.
Aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu nymˇ jiˇ deuˬ-euˬ aˬ da yaw dzahˇ meh.
21Liˇbaˬniˇ hawˇ-eu Shiˇmiˇ-euˬ nymˇ jiˇ deuˬ-aˬ, Geˬlaˬshoˬ aˇ jeuˬ pyeuꞈ-eu meh. 22Ba la tiˬ siˬ byah laˇ-euˬ zaˬ nahˬ-ahˇ neh laꞈ taˆ paw-euˬ, tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, shiꞈ heˇ ngaˬ yaˇ gʼaˬ byah-eu meh. 23Geˬlaˬshoˬ aˇ jeuˬ deuˬ-aˬ, Sehˬ gʼawˆ-euˬ naˇ kʼah, nahˇ ma ga kʼehˬ paw pyawˬ-ahˇ jawˇ duˬ ya yuˇ meh. 24Geˬlaˬshoˬ aˇ jeuˬ-euˬ nymˇ jiˇ deuˬ kʼoeˇ taˆ aˬ yuiꞈ geuꞈ-eu gʼaˬ-aˬ, Leˬlaˇ-euˬ aˬ li Eˇlaˬsaˆ meh. 25Aˬ yawꞈ-euˬ gaˇ-aˬ, Sehˬ gʼawˆ hawˇ-eu, Sehˬ gʼawˆ-ahˇ laꞈ kʼoeˇ tiˆ dehˬ kaˬ-eu saˬ paˇ, laꞈ nyiˇ tiˆ dehˬ kaˬ-eu saˬ paˇ, gʼoˆ kʼehˬ-ahˇ taw-eu saˬ paˇ, 26Sehˬ gʼawˆ jawˬ jawˬ-ehˇ yaˇ kmˇ mˇ gaˇ taw-eu saˬ paˇ hawˇ-eu lawˇ duˬ, Sehˬ gʼawˆ yaˇ kmˇ gʼoˆ kʼehˬ-ahˇ taw-eu saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ aˬ yawꞈ maꞈ ya mˇ meh.
27Aˬmaˬlamˬ, Iˇzaˬhaˬ, Heˬbyoˬ, Awˇzeˬlaˇ, heu deuˬ-euˬ nymˇ jiˇ dawˬ tawˆ luꞈ, Kawˇhaˆ aˇ jeuˬ meh. 28Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, yehꞈ heˇ koꞈ yaˇ gʼaˬ byah-eu meh. 29Kawˇhaˆ aˇ jeuˬ deuˬ Sehˬ gʼawˆ laꞈ oˆ paw pyawˬ-ahˇ jawˇ duˬ ya yuˇ meh. 30Kawˇhaˆ aˇ jeuˬ-euˬ nymˇ jiˇ deuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Awˇzeˬlaˇ-euˬ aˬ li Eˇliˇzaˬpaˬ pyeuꞈ-eu meh. 31Aˬ yawꞈ maꞈ-euˬ gaˇ-aˬ, Dawˬ ma saˇ jaˇ Bahˬ keuˆ, hawˬ jeh, tsiˇ kʼmˬ doꞈ taˬ duˬ, lawˇ duˬ deuˬ, muiˬ-euˬ shawˇ-eu jawˇ duˬ laꞈ kʼoeˇ piˇ ma deuˬ zmˬ-eu keu ka deuˬ, muiˬ dui shawˇ dui dui-eu jawˇ duˬ-ahˇ uˇ leˇ-eu gʼoˆ kʼehˬ-ahˇ taw taˬ-euˬ saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.
32Leˬbiˇ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, piˇ ma Aˬloˬ-euˬ aˬ li Eˇlaˬzaˬ meh. Muiˬ-eu shawˇ-eu jawˇ duˬ laꞈ kʼoeˇ gaˇ mˇ-eu tsawˇ haˬ deuˬ-ahˇ aˬ yawꞈ ya haw ya pyaˆ-eu meh.
33Maˬhaˬliˬ hawˇ-eu Muˇshiˬ-euˬ nymˇ jiˇ deuˬ-aˬ, Meˬlaˬliˇ aˇ jeuˬ meh. 34Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, koꞈ heˇ nyiˬ yaˇ gʼaˬ byah-eu meh. 35Meˬlaˬliˇ aˇ jeuˬ-euˬ nymˇ jiˇ deuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬbiˇheˬlaˇ-euˬ aˬ li Zuˇliˇlaˆ meh. Sehˬ gʼawˆ-euˬ laꞈ taˆ paw pyawˬ-ahˇ aˬ yawꞈ maꞈ jawˇ duˬ ya yuˇ meh. 36Aˬ yawꞈ maꞈ-euˬ gaˇ-aˬ, Sehˬ gʼawˆ teˇ byaꞈ, laꞈ law, kʼawˇ zeuˇ, zeuˇ dahˇ hawˇ-eu kʼoeˇ gaˇ taꞈ-eu keu ka deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh. 37Laꞈ nyiˇ paw yaˇ kmˇ mˇ gaˇ zmˬ-eu keu ka pyeuꞈ-eu kʼawˇ zeuˇ, zeuˇ dahˇ, taꞈ cmˬ hawˇ-eu aˇ caˆ deuˬ-ahˇ kʼawꞈ, aˬ yawꞈ maˬ ya haw ya pyaˆ meh.
38Moˇseˬ, Aˬloˬ hawˇ-eu Aˬloˬ-euˬ aˬ li deuˬ-aˬ, Sehˬ gʼawˆ mehˬ shi nahˇ ma doˆ kʼehˬ paw pyawˬ-ahˇ jawˇ duˬ ya yuˇ meh. Iˇsaˬleˬlaˆ tsawˇ haˬ deuˬ gʼaˇ duˬ, muiˬ-eu shawˇ-eu jawˇ duˬ laꞈ kʼoeˇ mˇ-eu gaˇ deuˬ-aˬ, aˬ yawꞈ maꞈ-euˬ gaˇ pyeuꞈ-eu meh. Kʼoeˇ loꞈ-ehˇ mˇ-eu lehˇ leh jeh-eu tsawˇ haˬ nui deuˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a. 39Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ Leˬbiˇ tsawˇ haˬ kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ-ahˇ kʼaˇ taꞈ-eu loꞈ-ehˇ Moˇseˬ tsawˇ myahˇ yuˇ ngeh, tsawˇ myahˇ dawˆ-euˬ tsawˇ haˬ dawˬ tawˆ luꞈ nyiˬ muiˇ nyiˬ heˇ gʼaˬ byah-eu meh.
Leˬbiˇ tsawˇ haˬ deuˬ dehꞈ beh beh le-euˬ aˬ li deuˬ-euˬ dah zaˇ dah-euˬ
40Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ deuˬ dehꞈ beh beh le-euˬ Iˇsaˬleˬlaˆ tsawˇ haˬ kʼaˬ dzeˇ zaˬ deuˬ-ahˇ gui haw-awˇ, aˬ yawꞈ maꞈ-euˬ tsawˇ myahˇ yuˇ-awˬ. 41Ngaˬ-euˬ gʼaˇ duˬ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ dah zaˇ Leˬbiˇ tsawˇ haˬ deuˬ bi dah-awˇ,Leˬbiˇ tsawˇ haˬ deuˬ-euˬ jeˬ zaˬ deuˬ-ahˇ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ jeˬ zaˬ dah zaˇ bi dah-awˬ. Ngaˇ-aˬ, Sahˬpaˬ Miˬyehˇ ma.” 42Kʼoeˇ naˇ, Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ laꞈ kʼoeˇ, dehꞈ beh beh le-euˬ deuˬ-ahˇ Moˇseˬ gui haw-euˬ meh. 43Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ dehꞈ beh beh le-euˬ kʼaˬ dzeˇ zaˬ deuˬ-euˬ tsawˇ myahˇ yuˇ haw ngeh, dawˬ tawˆ luꞈ nyiˬ muiˇ nyiˬ heˇ nyiˬ yaˇ shiꞈ tseˇ smˇ gʼaˬ byah-eu meh.
44Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ paˇ ehˇ nehˬ-euˬ meh. 45“Dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ dah zaˇ,Leˬbiˇ tsawˇ haˬ deuˬ-ahˇ ngaˬ-ahˇ a nehˬ-awˇ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ jeˬ zaˬ deuˬ dah zaˇ, Leˬbiˇ tsawˇ haˬ deuˬ-euˬ jeˬ zaˬ deuˬ ngaˬ-ahˇ a nehˬ-awˬ. 46Dehꞈ beh beh le-euˬ Iˇsaˬleˬlaˆ tsawˇ haˬ deuˬ-aˬ, Leˬbiˇ tsawˇ haˬ deuˬ myaˆ maˬ tseˇ nyiˬ yaˇ shiꞈ tseˇ smˇ gʼaˬ myaˬ dzehˬ-eu miˇ neh, dzehˬ laˇ-euˬ aˬ li kʼoeˇ deuˬ-ahˇ naw maꞈ ya zeuˇ kʼoꞈ geuꞈ meh. 47Aˬ yawꞈ gʼaˬ yawꞈ gʼaˇ duˬ, kaˇ-ahˇ tsaˬ-eu pyuˇ maˇ byaˆ ngaˬ yaˇ byaˆ ya biꞈ meh. 48Dzehˬ laˇ-euˬ Iˇsaˬleˬlaˆ tsawˇ haˬ kʼoeˇ deuˬ-ahˇ zeuˇ kʼoꞈ-eu gʼaˇ duˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ pyuˇ kʼoeˇ deuˬ biꞈ-awˬ.”
49Kʼoeˇ naˇ, Leˬbiˇ tsawˇ haˬ deuˬ neh bi zeuˇ kʼoꞈ-euˬ dzehˬ laˇ-euˬ tsawˇ haˬ kʼoeˇ deuˬ-ahˇ zeuˇ kʼoꞈ poeˬ pyuˇ kʼoeˇ, Moˇseˬ taꞈ uiˬ-euˬ meh. 50Dehꞈ beh beh le-euˬ Iˇsaˬleˬlaˆ tsawˇ haˬ deuˬ jawˇ gaˇ, kaˇ-ahˇ tsaˬ-eu pyuˇ maˇ byaˆ tiˬ heˇ smˬ yaˇ koꞈ tseˇ ngaˬ byaˆ taꞈ za-euˬ meh. 51Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ zeuˇ kʼoꞈ poeˬ pyuˇ kʼoeˇ deuˬ, Moˇseˬ neh Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ-euˬ meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.