Hawˇseˬ 1
1
1Heu-aˬ, Awˇzeˬ, Yoˇdaˬ, Aˬgaˆ, Heˬsaˬgiˇ aˬ ha maꞈ Yuˇdaˆ miˇ kʼahˬ-euˬ sahˬ paˬ geuꞈ-awˇ, Yeˬhawˇshaˆ-euˬ aˬ li Yeˬyawˇbaoˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ luꞈ ngeh, Beˬliˇ-euˬ aˬ li Hawˇseˬ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.
Hawˇseˬ-euˬ miˬ zaˬ hawˇ-eu zaˬ deuˬ
2Hawˇseˬ-ahˇ gʼoe-awˇ Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ dawˬ ngehˬ cawˬ dahˬ beh ngeh, Hawˇseˬ-ahˇ heu loꞈ-ehˇ ehˇ nehˬ-euˬ meh. “Iˇ-awˇ miˬ zaˬ sheuˬ-iˇ-awˬ. Nawˬ-euˬ miˬ zaˬ kʼoeˇ gʼaˬ nawˬ-ahˇ saˇ jaˇ maˬ ziꞈ-aˇ. Nawˬ-euˬ zaˬ deuˬ kʼawꞈ, aˬ yawꞈ loꞈ-ehˇ saˇ jaˇ maˬ ziꞈ-aˇ. Kʼoeˇ gaˇ duˇ ni, ngaˬ-euˬ tsawˇ haˬ deuˬ ngaˬ-ahˇ byehˇ dzeh-awˇ saˇ jaˇ maˬ ziꞈ ni pyeuꞈ-iˇ-euˬ meh.”
3Kʼoeˇ naˇ, Diˇbaˬleˬ-euˬ aˬ buˇ pyeuꞈ-eu Gawˬmaˬ lehˇ myahˇ-euˬ zaˬ miˬ zaˬ tiˬ gʼaˬ-ahˇ Hawˇseˬ sheuˬ dahˬ dzaˬ-awˇ, aˬ li tiˬ li jawˇ le-euˬ meh. 4Aˬ li kʼoeˇ li dehꞈ le gʼaˬ ngeh, Hawˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬ li teu li-ahˇ Yeˬzaˬleˬlaˇ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ sahˬ paˬ-euˬ aˬ poeˬ pyeuꞈ-eu Yeˬhuˇ neh Yeˬzaˬleˬlaˇ#1.4 a ‘Yeˬzaˬleˬlaˇ’ lehˇ myahˇ-euˬ meuˬ kʼoeˇ meuˬ-ahˇ, Iˇsaˬleˬlaˆ sahˬ paˬ hawˇ-eu sahˬ paˬ-euˬ aˇ jeuˬ aˇ ca dawˬ tawˆ luꞈ-ahˇ, Yeˬhuˇ neh sehꞈ jiˇ-awˇ, dzoeˬ dzaˬ yaw shuiꞈ-euˬ sahˬ paˬ yaw beh gʼaˬ pyeuꞈ laˇ-euˬ meh. (2 Sahˬpaˬ 9-10) meuˬ-ahˇ tsawˇ haˬ sehꞈ-euˬ baˬ da neh, Iˇsaˬleˬlaˆ sahˬ paˬ-ahˇ ngaˇ kʼehˬ nehˬ kʼaˆ nehˬ-eu aˇ yamˬ gʼawˬ myahˇ ni maˬ paˇ ca meh. Yeˬhuˇ-euˬ dzoeˬ dzaˬ#1.4 b ‘Yeˬhuˇ-euˬ dzoeˬ dzaˬ’ lehˇ ehˇ-eu-aˬ, Iˇsaˬleˬlaˆ miˇ kʼahˬ-ahˇ ehˇ mawꞈ-eu meh. tsehˆ-iˇ ni ngaˇ jahˇ ma. 5Kʼoeˇ ngeh nah, Iˇsaˬleˬlaˆ miˇ kʼahˬ-euˬ guiˇ deuˆ-eu baoˬ-ahˇ, Yeˬzaˬleˬlaˇ deh kʼawꞈ laꞈ kʼoeˇ ngaˇ laˆ cawˆ nehˬ ma.
6Gawˬmaˬ aˬ nyiˇ paˇ pi leˇ-awˇ, aˬ buˇ tiˬ buˇ paˇ ciˬ-euˬ meh. Kʼoeˇ ngeh, Hawˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬ buˇ teu buˇ-ahˇ ‘Maˬ gaˬ-eu tsawˇ haˬ’ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ miˇ kʼahˬ-ahˇ ngaˬ-euˬ nui gaˬ maˬ paˇ bi mawˇ-eu uˬ taꞈ, iˬ baˇ maˬ paˇ pyehˬ nehˬ ma. 7Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”
8Maˬ gaˬ-eu gʼaˬ lehˇ myahˇ-euˬ aˬ buˇ kʼoeˇ aˬ coeˇ gʼehˆ laˇ ngeh, Gawˬmaˬ aˬ nyiˇ paˇ pi leˇ-awˇ, aˬ li tiˬ li paˇ ciˬ-euˬ meh. 9Kʼoeˇ ngeh, Sahˬpaˬ Miˬyehˇ ehˇ-eu, “Aˬ li teu li-ahˇ ‘ngaˬ-euˬ tsawˇ haˬ maˬ ngeuˇ’ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ ngaˬ-euˬ tsawˇ haˬ maˬ paˇ ngeuˇ-ehˇ, ngaˇ kʼawꞈ aˬ yawꞈ maꞈ-euˬ Miˬyehˇ maˬ paˇ ngeuˇ ma.”
Iˇsaˬleˬlaˆ miˇ kʼahˬ paˇ dehꞈ dzaˬ laˇ tehꞈ-a
10Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a. 11Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ paˇ tsaˬ paˇ dzoeˇ leˇ-awˇ, nyiˬ muˇ luꞈ-ahˇ uˆ lahˇ-eu aˬ yuiꞈ aˬ tsu tiˬ gʼaˬ tehꞈ-ehˇ paˇ tseˇ doˆ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ tiˬ poˆ paˇ dehꞈ doˆ dzaˬ laˇ-awˇ, baw le za le tehꞈ-a. Yeˬzaˬleˬlaˇ-euˬ#1.11 ‘Yeˬzaˬleˬlaˇ’ lehˇ ehˇ-eu Heˬbyehˇ tsawˇ myahˇ heu myahˇ-euˬ dawˬ tsuiꞈ-aˬ, ‘Miˬyehˇ siˬ yoeˬ sehˬ-eu’ lehˇ ehˇ mawꞈ-awˇ, huiˬ laˇ mahˇ laˇ-awˇ baw le za le-eu gaˇ kawˆ-ahˇ ehˇ mawꞈ-eu meh. aˇ nah kʼoeˇ nah-aˬ, huiˬ dui dui-eu aˇ nah pyeuꞈ tehꞈ-a.
Currently Selected:
Hawˇseˬ 1: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Hawˇseˬ 1
1
1Heu-aˬ, Awˇzeˬ, Yoˇdaˬ, Aˬgaˆ, Heˬsaˬgiˇ aˬ ha maꞈ Yuˇdaˆ miˇ kʼahˬ-euˬ sahˬ paˬ geuꞈ-awˇ, Yeˬhawˇshaˆ-euˬ aˬ li Yeˬyawˇbaoˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ luꞈ ngeh, Beˬliˇ-euˬ aˬ li Hawˇseˬ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.
Hawˇseˬ-euˬ miˬ zaˬ hawˇ-eu zaˬ deuˬ
2Hawˇseˬ-ahˇ gʼoe-awˇ Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ dawˬ ngehˬ cawˬ dahˬ beh ngeh, Hawˇseˬ-ahˇ heu loꞈ-ehˇ ehˇ nehˬ-euˬ meh. “Iˇ-awˇ miˬ zaˬ sheuˬ-iˇ-awˬ. Nawˬ-euˬ miˬ zaˬ kʼoeˇ gʼaˬ nawˬ-ahˇ saˇ jaˇ maˬ ziꞈ-aˇ. Nawˬ-euˬ zaˬ deuˬ kʼawꞈ, aˬ yawꞈ loꞈ-ehˇ saˇ jaˇ maˬ ziꞈ-aˇ. Kʼoeˇ gaˇ duˇ ni, ngaˬ-euˬ tsawˇ haˬ deuˬ ngaˬ-ahˇ byehˇ dzeh-awˇ saˇ jaˇ maˬ ziꞈ ni pyeuꞈ-iˇ-euˬ meh.”
3Kʼoeˇ naˇ, Diˇbaˬleˬ-euˬ aˬ buˇ pyeuꞈ-eu Gawˬmaˬ lehˇ myahˇ-euˬ zaˬ miˬ zaˬ tiˬ gʼaˬ-ahˇ Hawˇseˬ sheuˬ dahˬ dzaˬ-awˇ, aˬ li tiˬ li jawˇ le-euˬ meh. 4Aˬ li kʼoeˇ li dehꞈ le gʼaˬ ngeh, Hawˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬ li teu li-ahˇ Yeˬzaˬleˬlaˇ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ sahˬ paˬ-euˬ aˬ poeˬ pyeuꞈ-eu Yeˬhuˇ neh Yeˬzaˬleˬlaˇ#1.4 a ‘Yeˬzaˬleˬlaˇ’ lehˇ myahˇ-euˬ meuˬ kʼoeˇ meuˬ-ahˇ, Iˇsaˬleˬlaˆ sahˬ paˬ hawˇ-eu sahˬ paˬ-euˬ aˇ jeuˬ aˇ ca dawˬ tawˆ luꞈ-ahˇ, Yeˬhuˇ neh sehꞈ jiˇ-awˇ, dzoeˬ dzaˬ yaw shuiꞈ-euˬ sahˬ paˬ yaw beh gʼaˬ pyeuꞈ laˇ-euˬ meh. (2 Sahˬpaˬ 9-10) meuˬ-ahˇ tsawˇ haˬ sehꞈ-euˬ baˬ da neh, Iˇsaˬleˬlaˆ sahˬ paˬ-ahˇ ngaˇ kʼehˬ nehˬ kʼaˆ nehˬ-eu aˇ yamˬ gʼawˬ myahˇ ni maˬ paˇ ca meh. Yeˬhuˇ-euˬ dzoeˬ dzaˬ#1.4 b ‘Yeˬhuˇ-euˬ dzoeˬ dzaˬ’ lehˇ ehˇ-eu-aˬ, Iˇsaˬleˬlaˆ miˇ kʼahˬ-ahˇ ehˇ mawꞈ-eu meh. tsehˆ-iˇ ni ngaˇ jahˇ ma. 5Kʼoeˇ ngeh nah, Iˇsaˬleˬlaˆ miˇ kʼahˬ-euˬ guiˇ deuˆ-eu baoˬ-ahˇ, Yeˬzaˬleˬlaˇ deh kʼawꞈ laꞈ kʼoeˇ ngaˇ laˆ cawˆ nehˬ ma.
6Gawˬmaˬ aˬ nyiˇ paˇ pi leˇ-awˇ, aˬ buˇ tiˬ buˇ paˇ ciˬ-euˬ meh. Kʼoeˇ ngeh, Hawˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬ buˇ teu buˇ-ahˇ ‘Maˬ gaˬ-eu tsawˇ haˬ’ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ miˇ kʼahˬ-ahˇ ngaˬ-euˬ nui gaˬ maˬ paˇ bi mawˇ-eu uˬ taꞈ, iˬ baˇ maˬ paˇ pyehˬ nehˬ ma. 7Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”
8Maˬ gaˬ-eu gʼaˬ lehˇ myahˇ-euˬ aˬ buˇ kʼoeˇ aˬ coeˇ gʼehˆ laˇ ngeh, Gawˬmaˬ aˬ nyiˇ paˇ pi leˇ-awˇ, aˬ li tiˬ li paˇ ciˬ-euˬ meh. 9Kʼoeˇ ngeh, Sahˬpaˬ Miˬyehˇ ehˇ-eu, “Aˬ li teu li-ahˇ ‘ngaˬ-euˬ tsawˇ haˬ maˬ ngeuˇ’ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ ngaˬ-euˬ tsawˇ haˬ maˬ paˇ ngeuˇ-ehˇ, ngaˇ kʼawꞈ aˬ yawꞈ maꞈ-euˬ Miˬyehˇ maˬ paˇ ngeuˇ ma.”
Iˇsaˬleˬlaˆ miˇ kʼahˬ paˇ dehꞈ dzaˬ laˇ tehꞈ-a
10Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a. 11Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ paˇ tsaˬ paˇ dzoeˇ leˇ-awˇ, nyiˬ muˇ luꞈ-ahˇ uˆ lahˇ-eu aˬ yuiꞈ aˬ tsu tiˬ gʼaˬ tehꞈ-ehˇ paˇ tseˇ doˆ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ tiˬ poˆ paˇ dehꞈ doˆ dzaˬ laˇ-awˇ, baw le za le tehꞈ-a. Yeˬzaˬleˬlaˇ-euˬ#1.11 ‘Yeˬzaˬleˬlaˇ’ lehˇ ehˇ-eu Heˬbyehˇ tsawˇ myahˇ heu myahˇ-euˬ dawˬ tsuiꞈ-aˬ, ‘Miˬyehˇ siˬ yoeˬ sehˬ-eu’ lehˇ ehˇ mawꞈ-awˇ, huiˬ laˇ mahˇ laˇ-awˇ baw le za le-eu gaˇ kawˆ-ahˇ ehˇ mawꞈ-eu meh. aˇ nah kʼoeˇ nah-aˬ, huiˬ dui dui-eu aˇ nah pyeuꞈ tehꞈ-a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.