Daˬyeˬlaˇ 12
12
Aˇ saˬ saˬ-eu aˇ nah aˇ yamˬ
1Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a. 2Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a. 3Zaˬ siˬ tsawˇ gahˇ byah-euˬ aˬ yuiꞈ aˬ tsu deuˬ mˬ loꞈ-ehˇ yaw shehꞈ bya-awˇ, tsawˇ haˬ gʼawˬ mya ni-ahˇ yaw tsaˬ yaw dawˇ jeˬ mˇ ni mehˬ nehˬ-euˬ deuˬ-aˬ, mˬ maˬ maˬ byaˆ zaˇ ziˇ aˬ guiˇ loꞈ-ehˇ yaw shehꞈ bya tehꞈ-a.”
4Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ poˆ jawˇ-aˬ, sahˬ boꞈ piˬ tehˬ-awˇ, miˇ tsaˬ heu aˇ saˬ saˬ ngeh keuˆ ni jmˬ diˬ-awˇ bi jaˆ-awˬ. Aˇ yamˬ heu tiˬ kʼehˬ laꞈ kʼoeˇ, aˬ joˆ-ehˇ pyeuꞈ laˇ luꞈ-eu gaˇ kawˆ siˬ duˬ mawꞈ-eu tsawˇ haˬ deuˬ, kʼoeˇ paw heu paw coeˬ coeˬ-ehˇ shaˬ tehꞈ-a.”
5Kʼoeˇ naˇ, tsawˇ haˬ nyiˬ gʼaˬ lawˇ baˬ kʼoeˇ baˬ heu baˬ-ehˇ yawꞈ luꞈ gaˇ ngaˇ ya mawˇ-euˬ ma. 6“Zahˬ leˇ paˬ-ehˇ gʼeh-eu gaˇ kawˆ heu deuˬ aˇ saˬ saˬ-eu aˇ yamˬ aˇ myah ni jaˆ ta” lehˇ, lawˇ baˬ gawˆ mehˇ paw ui cuiˆ gaˇ mahˇ kaˬ gaˇ yawꞈ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ, aˬ yawꞈ nyaꞈ tiˬ gʼaˬ naˇ haˬ-euˬ meh.
7Mˬ taˆ gʼaˬ kʼehˇ kʼoeˇ gʼaˬ aˬ laꞈ nyiˬ laꞈ luꞈ mˬ paw baꞈ diˇ-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ tsawˇ myahˇ uˬ moˆ heu loꞈ-ehˇ saˇ jaˇ dawˬ ngehˬ-euˬ meh. “Miˬyehˇ-euˬ tsawˇ haˬ deuˬ-ahˇ kʼehˬ neh kʼaˆ nehˬ-eu aˇ saˬ saˬ-awˇ, pyeuꞈ luꞈ-eu gaˇ kawˆ heu deuˬ dzeuˇ jiˇ-eu gʼaˇ duˬ, aˇ yamˬ smˇ kʼoꞈ uˬ taꞈ tiˬ paˆ jaˆ-a siˬ.”
8Aˬ yawꞈ ehˇ gaˇ ngaˇ gaˬ-euˬ kʼawꞈ, maˬ gʼoˆ shaw nya-eu miˇ neh, “Gaˇ kawˆ heu deuˬ aˬ joˆ-ehˇ jahˇ-awˇ aˇ saˬ saˬ le nmˇ” lehˇ naˇ haˬ-euˬ ma.
9Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ nawˇ heu gaˇ neh doˆ iˇ-awˬ. Aˬ jeˬ miˇ neh ehˇ naˇ, aˇ saˬ saˬ-eu aˇ yamˬ maˬ keuˆ laˇ kʼoeˇ keuˆ ni, gaˇ kawˆ heu ya zaꞈ taˬ meh. 10Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.
11“Aˬ yawꞈ nah yawꞈ mˇ luꞈ-eu lawˇ-eu shehˇ-eu jeˬ maˬ bi mˇ ni laˆ tsoeˬ-awˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ bi jaˆ laˇ-euˬ nah-ahˇ neh, tiˬ heˇ gʼoeˬ yaˇ nyiˬ tseˇ nah jaˆ tehꞈ-a. 12Tiˬ heˇ smˬ yaˇ smˬ tseˇ ngaˬ nah dzeuˇ-iˇ ngeh keuˆ ni saˇ jaˇ ziꞈ-eu deuˬ laˬ kʼaˬ ya cehˇ tehꞈ-a.
13“Daˬyeˬlaˇ-oˇ, aˇ saˬ saˬ ngeh keuˆ ni saˇ jaˇ ziꞈ-awˬ. Nawˇ shiˇ kʼawꞈ, aˇ saˬ saˬ-eu aˇ yamˬ keuˆ laˇ ngeh paˇ gʼoꞈ dehꞈ laˇ-awˇ, nawˬ-ahˇ oꞈ-eu laꞈ sawˬ za tehꞈ-a.”
Currently Selected:
Daˬyeˬlaˇ 12: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Daˬyeˬlaˇ 12
12
Aˇ saˬ saˬ-eu aˇ nah aˇ yamˬ
1Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a. 2Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a. 3Zaˬ siˬ tsawˇ gahˇ byah-euˬ aˬ yuiꞈ aˬ tsu deuˬ mˬ loꞈ-ehˇ yaw shehꞈ bya-awˇ, tsawˇ haˬ gʼawˬ mya ni-ahˇ yaw tsaˬ yaw dawˇ jeˬ mˇ ni mehˬ nehˬ-euˬ deuˬ-aˬ, mˬ maˬ maˬ byaˆ zaˇ ziˇ aˬ guiˇ loꞈ-ehˇ yaw shehꞈ bya tehꞈ-a.”
4Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ poˆ jawˇ-aˬ, sahˬ boꞈ piˬ tehˬ-awˇ, miˇ tsaˬ heu aˇ saˬ saˬ ngeh keuˆ ni jmˬ diˬ-awˇ bi jaˆ-awˬ. Aˇ yamˬ heu tiˬ kʼehˬ laꞈ kʼoeˇ, aˬ joˆ-ehˇ pyeuꞈ laˇ luꞈ-eu gaˇ kawˆ siˬ duˬ mawꞈ-eu tsawˇ haˬ deuˬ, kʼoeˇ paw heu paw coeˬ coeˬ-ehˇ shaˬ tehꞈ-a.”
5Kʼoeˇ naˇ, tsawˇ haˬ nyiˬ gʼaˬ lawˇ baˬ kʼoeˇ baˬ heu baˬ-ehˇ yawꞈ luꞈ gaˇ ngaˇ ya mawˇ-euˬ ma. 6“Zahˬ leˇ paˬ-ehˇ gʼeh-eu gaˇ kawˆ heu deuˬ aˇ saˬ saˬ-eu aˇ yamˬ aˇ myah ni jaˆ ta” lehˇ, lawˇ baˬ gawˆ mehˇ paw ui cuiˆ gaˇ mahˇ kaˬ gaˇ yawꞈ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ, aˬ yawꞈ nyaꞈ tiˬ gʼaˬ naˇ haˬ-euˬ meh.
7Mˬ taˆ gʼaˬ kʼehˇ kʼoeˇ gʼaˬ aˬ laꞈ nyiˬ laꞈ luꞈ mˬ paw baꞈ diˇ-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ tsawˇ myahˇ uˬ moˆ heu loꞈ-ehˇ saˇ jaˇ dawˬ ngehˬ-euˬ meh. “Miˬyehˇ-euˬ tsawˇ haˬ deuˬ-ahˇ kʼehˬ neh kʼaˆ nehˬ-eu aˇ saˬ saˬ-awˇ, pyeuꞈ luꞈ-eu gaˇ kawˆ heu deuˬ dzeuˇ jiˇ-eu gʼaˇ duˬ, aˇ yamˬ smˇ kʼoꞈ uˬ taꞈ tiˬ paˆ jaˆ-a siˬ.”
8Aˬ yawꞈ ehˇ gaˇ ngaˇ gaˬ-euˬ kʼawꞈ, maˬ gʼoˆ shaw nya-eu miˇ neh, “Gaˇ kawˆ heu deuˬ aˬ joˆ-ehˇ jahˇ-awˇ aˇ saˬ saˬ le nmˇ” lehˇ naˇ haˬ-euˬ ma.
9Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ nawˇ heu gaˇ neh doˆ iˇ-awˬ. Aˬ jeˬ miˇ neh ehˇ naˇ, aˇ saˬ saˬ-eu aˇ yamˬ maˬ keuˆ laˇ kʼoeˇ keuˆ ni, gaˇ kawˆ heu ya zaꞈ taˬ meh. 10Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.
11“Aˬ yawꞈ nah yawꞈ mˇ luꞈ-eu lawˇ-eu shehˇ-eu jeˬ maˬ bi mˇ ni laˆ tsoeˬ-awˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ bi jaˆ laˇ-euˬ nah-ahˇ neh, tiˬ heˇ gʼoeˬ yaˇ nyiˬ tseˇ nah jaˆ tehꞈ-a. 12Tiˬ heˇ smˬ yaˇ smˬ tseˇ ngaˬ nah dzeuˇ-iˇ ngeh keuˆ ni saˇ jaˇ ziꞈ-eu deuˬ laˬ kʼaˬ ya cehˇ tehꞈ-a.
13“Daˬyeˬlaˇ-oˇ, aˇ saˬ saˬ ngeh keuˆ ni saˇ jaˇ ziꞈ-awˬ. Nawˇ shiˇ kʼawꞈ, aˇ saˬ saˬ-eu aˇ yamˬ keuˆ laˇ ngeh paˇ gʼoꞈ dehꞈ laˇ-awˇ, nawˬ-ahˇ oꞈ-eu laꞈ sawˬ za tehꞈ-a.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.