PONGINTABAN 12
12
Hinukuman i Miriam
1I Musa nopo nga' minanansawo do tondu' do bansa'd Kus,#12.1 Kus (Antangan o Hab. 3.7); ko': Midian; ko': Etiopia. om iri noddi o kopongindaraatan di Miriam om i Harun di Musa. 2Boros ka diyolo', “I Musa no tuu o pawayaan#12.2 pawayaan; ko': posunudan. do Tuhan do boros dau? Okon toi ko' iyato nga' pawayaan#12.2 pawayaan; ko': posunudan. i' dau'd boros dau?” ka diyolo'. Om norongou id Tuhan i boros diyolo'. 3(I Musa nopo nga' tulun dit osiriba' kopio o ginawo it osiriba' no kopio o ginawo ko' mantad dot isai nopo o tulun di poimpasi do hiti'd pomogunan.)
4Om sigog nopoddi do boro-boros o Tuhan dot id di Harun om id di Miriam do poingkaa, “Pokionuon ku iyokoyu'd tolu do mongoi do hilo'd Kiim ku,” ka dau. Om ongoi no iyolo', 5om lintuhun no o Tuhan dot id rolot do haun di poinaru do miagal do torigi. Om ingkakat noddi o Tuhan do hiri'd wawayaan di Kiim, om pomolohou nod, “Harun! Miriam!” ka. Om laang goduwo no iyolo' do minamanau. 6Om boros kad Tuhan, “Pokinongou kou no diti poboroson ku! Soira' nopod haro o nabi dot id pogialatan dokoyu#12.6 Piro-piro solinan di gulu po: Soira' nopod…dokoyu; Amu' atarang no komoyon di solinan dot Ibrani. om mintalang oku dot id diyolo' dot id suang do pinointalang om moro-boros oku diyolo' dot id suang do nipi. 7Nga'#Ibr. 3.2 a' i' iyo'ddi do tontok do moro-boros oku di Musa, i susuhuon ku, tu' noonuan ku no iyau'd karaja' do momoyo' do koinsanai diti tulun dot Israil,#12.7 noonuan ku no iyau'd karaja'…Israil; ko': milo ku i' iyau'd sondihon do mongilo-ilo do koinsanai'd di buruon ku. i tulun ku. 8Om timbabaon ku nopo iyau do tontok do moro-boros oku, om poinsondot o pomomoros ku, om okon no ko' posiriban-ribanon ku. Tinan ku piya nga' nokokito i' iyau! Om nokuro tu' katama' kou po daa kopio do sumaap dau?” ka dau.
9Om kotogod no o Tuhan diyolo' goduwo; om tontok di tuminongkiad o Tuhan, 10om di minidu' i haun do mantad hiri'd Kiim do Tuhan, om sigog id koontok i Miriam do toruol do kusta. Om miagal poddi do gapas kopurak o kulit dau. Om soira' di kuminoili i Harun di Miriam om kokito dau do noontok i Miriam do toruol do miagal diri. 11Om boro-boros no iyau di Musa, “Tulungo' iyahai oi Tuan, kada' iyahai pologoso' dot oinggorit dot obungou di dusa do nowonsoi dahai do gama' di kababasug dahai. 12Kada' i Miriam pologoso' do miagal di tanak do napatai mantad do nosusu, om i nopiintanga' nod napasa' o tonsi,” ka dau.
13Om pomolohou no i Musa do Tuhan, “Oi Kinorohingan, lingasai no iyau!” ka.
14Om#Png. 5.2-3 boros kad Tuhan do suminimbar, “Ondung dinulaan daa iyau di tapa' dau, om turu' no tadau do boboon dau o kointingayaman dau. Iyo nopoddi om poinsoduwon no iyau diti kokiiman do solinaid do turu' o tadau, om atalib pondo iri om koino-ino nogi' iyau do sumuang kawagu,” ka dau. 15Om posoliwano' noddi i Miriam di kokiiman do solinaid do turu' o tadau. Om solinaid nopo dit a' po iyau nokoguli', om a' po minundaliu i bansa'ddi do mantad id kinoiyonon diri. 16Om tongkiad nogiddi iyolo' do mantad hilo'd Hasirot om powonsoyo' no diyolo' o kiim diyolo' do hilo'd tana' do kowotuan do Paran.
Currently Selected:
PONGINTABAN 12: BDK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia
