MATIUS 4

Pinogumbalan i Yesus

(Mar. 1.12-13, Luk. 4.1-13)

1Om#Ibr. 2.18, 4.15 angatai noddi i Yesus di Rusod do Kinorohingan do kuminaa do hiri'd tana' do kowotuan, om opogumbalan i' iyau do Rogon. 2Om a' i Yesus minakan#4.2 a' i Yesus minakan: Misumonu-monu' dot amu' makan i tulun do Yohudi (i roitan nogi' do “puasa”) do pointalang do kosianan diyolo' do Kinorohingan toi ko' pointalang po do katangaban do gama' di dusa diyolo'. do solinaid dot apat nohopod o tadau om apat nohopod o totuong. Om louson tomod diri iyau. 3Om rikot noddi i Rogon om boro-boros no di Yesus, “Okon toi ko' Tanak ko'd Kinorohingan? Suhuo' pogi' ilo watu do sumiliu'd roti,” ka dau.

4Nga'#Pnu. 8.3 boros kad i Yesus, “Nokotulis no dot id Buuk do Kinorohingan o poingkaa: Okon i' ko' roti noo o kapasi'd tulun, suwai ko' iri nogi' i pointikid-tikid do boros di poboroson do Kinorohingan,” ka dau.

5Om igitai po di Rogon i Yesus do minongoi do hilo'd Yorusalim, i bandar dot olidang. Om hirio' no di Rogon i Yesus id timpak di Walai'd Sasambayangan dot Agayo. 6Om#Sin. 91.11-12 boros kaddi di Rogon dot id di Yesus, “Okon toi ko' Tanak ko'd Kinorohingan? Tuhun pogi', tu' haro i' o nokotulis dot id Buuk do Kinorohingan do poingkaa,

‘Suhuon indo do Kinorohingan i moloikat dau do mongintirung diya',

om kahangan ko indo diyolo'

om a' i' kootung do watu o gakod nu,’ ka,” ka dau.

7Om#Pnu. 6.16 boros ka di Yesus, “Nga' haro i' o nokotulis dot id Buuk do Kinorohingan do poingkaa, ‘Kada' pogumbal do Tuhan i Kinorohingan nu,’ ka,” ka dau.

8Om igitai po kawagu di Rogon i Yesus do minongoi dot id iso' o nuluhon dit akawas kopio. Om potuduko' no di Rogon dot id dau o koinsanai'd pomorintaan do hiti'd pomogunan om koinsanai di kakayaan do hiri. 9Om boros ka di Rogon dot id di Yesus, “Patahakon ngai' ku nopo daa iti dot id diya', ondung motud ko no do tumuku' doho',” ka dau.

10Om#Pnu. 6.13 boros ka di Yesus, “Poggidu' no oi Gampamalid! Nokotulis no dot id Buuk do Kinorohingan o poingkaa, ‘Tuku' no dot id Tuhan, i Kinorohingan nu, om iyau noo pogobi-obian!’ ka,” ka dau.

11Om tongkiad noddi di Yesus i Rogon. Om rikot no piro-piro moloikat do minongoi ponguhup di Yesus.

Tuminimpuun i Yesus do Kumaraja'

(Mar. 1.14-15, Luk. 4.14-15)

12Om#Mat. 14.3, Mar. 6.17, Luk. 3.19-20 korongou poddi i Yesus do nokogiil i Yohanis, om pakayaai no dau do hilo'd Galilia. 13Om#Yoh. 2.12 undaliu no iyau do mantad hilo'd Nasarit om ongoi no iyau iyon do hiri'd bandar do Kapornaum, i tid disan di Tasik Galilia, id watas do Sibulon om Naptali.#4.13 Sibulon om Naptali: Tontok di Tumpongo do Laid om iti nopo duwo payat diti om poingiyon do hiri'd utara do Pilistina, om tontok no di Tumpongo do Wagu om ogumu' o tulun dit okon ko' Yohudi do poingiyon do hiri'd nokoiyonon di duwo o payat diri di gulu po. 14Om kabayaai noddi i pinoboros di Nabi Yosaya, di nowonsoi di Yesus o miagal diri. Poingkaa o pinoboros di Nabi Yosaya,

15“Iri#Yos. 9.1-2 nopo tana' do Sibulon om tana' do Naptali,

i ralan do kumaa hilo'd tasik,

i tid soborong do Bawang do Yordan,

iri no i pomogunan do Galilia,

i tana' do tulun dot okon ko' Yohudi!

16Kokito indo do tanawau di kosorong kopio

i tulun di poingiyon dot id totuong!

Oulinahan indo do tanawau di kosorong kopio

i tulun di poingiyon do hiri'd dasahawan do kapatayon!” ka.

17Om#Mat. 3.2 mantad poddi om popinsusui no i Yesus do poingkaa, “Korologo kou nod momonsoi'd dusa, tu' a' no alaid om korikot no Pomorintaan do surga!” ka dau.

Minomolohou i Yesus dot Apat o Tulun di Monginginsada'

(Mar. 1.16-20, Luk. 5.1-11)

18Om tontok di manau-panau i Yesus do hiri'd tisan di Tasik Galilia, om kokito no dau o duwo tulun do monginginsada' di miobpinai. Iyolo' nopo om i Simun (i pinungaranan dot i Pitrus) om i Andarias, i tadi' dau. Om tontok nopoddi nga' maso diyolo' do mirrambot do hiri'd tasik.

19Om boros ka di Yesus dot id diyolo', “Tanud kou pogi' doho', om tudukan ku i' iyokoyu do mamarambot do tulun,” ka dau. 20Om olomus nopoddi iyolo' do tuminongkiad di rambot om tanud no di Yesus.

21Om lombus po kawagu i Yesus do minamanau, om kokito no dau o duwo kawagu tulun do miobpinai. Iyolo' nopo nga' i Yakub om i Yohanis, i tangaanak di Sabidi. Om maso diyolo' om i tapa' diyolo' do monombir di rambot do hiri'd parau'. Om iyolo' nga' linohou i' di Yesus. 22Om diiri i' om diiri do tinongkiadan diyolo' i parau' om i tapa' diyolo', om tanud no iyolo' di Yesus.

Minonuduk, om Minonusui do Boros do Kinorohingan, om Minomolingos do Tulun i Yesus

(Luk. 6.17-19)

23Om#Mat. 9.35, Mar. 1.39 tongkop no i Yesus di pomogunan do Galilia. Om minonuduk iyau do hiri'd walai'd sasambayangan om pinopopinsusui iyau di Habar dot Osonong do Pomorintaan do Kinorohingan. Om ogumu' o tulun do liningasan dau do mantad id mogisuwayan o toruol. 24Om nokotongkop o habar di Yesus dot id do pomogunan do Siria, gisom dot ogumu' tomod diri o tulun do ruminikot dot id dau. Om pootodo' no diyolo' dot id dau o koinsanai'd tulun di mogisuayan o toruol om kosusaan. I tulun di norusadan do rusod dot araat, om i kakaran,#4.24 kakaran: Di nopo gulu po om tulun nopo di kakaran nga' sorohon do mulau-ulau. om it a' koundaliu nga' liningasan ngai' nopo di Yesus. 25Iri nopo tulun di minoyo' di Yesus do maso'ddi nga' ogumu' kopio. Haro mantad hilo'd Galilia, om haro mantad hilo'd Hopod o Bandar, om haro mantad hilo'd Yorusalim, Yudia, om haro po mantad id pomogunan dit id soborong do Yordan.

Currently Selected:

MATIUS 4: BDK

Highlight

Copy

Compare