OTURAN 18
18
Pidudunan di Pogoduhan
1Om suhuo' nod Tuhan i Musa 2do popoboros dot id tulun dot Israil diti boros do poingkaa, “Iyoho' no o Tuhan, i Kinorohingan dokoyu. 3Kada' kou omit di kowoyo-woyoon di tulun do Masir, i hilo'd pinomogunan dokoyu di gulu po, om kada' kou omit do kowoyo-woyoon di tulun do hilo'd pomogunan do Kanaan, i paatadan ku dokoyu. 4Mumboyo' kou nod oturan ku om tonudon no dokoyu i ponuhuan ku. Tu' iyoho' no o Tuhan, i Kinorohingan dokoyu. 5Tonudon#Noh. 9.29, Ykl. 18.9, 20.11-13, Luk. 10.28, Rum. 10.5, Gal. 3.12 ngai' no dokoyu it oturan om i ponuhuan ku di pinatahak ku dot id dokoyu. Tu' ondung owonsoi dokoyu o miagal diri om apasi kou no. Iyoho' no o Tuhan, i Kinorohingan dokoyu,” ka dau.
6Om iti ngai' no ot oturan do pinatahak do Tuhan, “Kada' kou ongoi dudun dot isai nopo di koobpinayan dokoyu. 7Kada' dokoyu ngoyo' duduno' o tina' dokoyu, om a' i' ointingayam o tapa' om tina' dokoyu. 8Kada'#Otu. 20.11, Pnu. 22.30, 27.20 dokoyu intingayamo' o tapa' dokoyu, dot i mongoi kou dudun di sawo dau'd suwai o pongintingayam. 9Kada'#Otu. 20.17, Pnu. 27.22 dokoyu duduno' i tobpinai dokoyu'd tondu' di toput dokoyu'd pusod ko' iri po tobpinai dokoyu'd tondu' di tanak mantad di tapa' dokoyu ko' i tanak mantad di tina' dokoyu, dot i poinsugku' dokoyu'd guminayo ko' it amu'. 10Kada' dokoyu duduno' i manangaki dokoyu; tu' iri no moti' o mongintingayam dokoyu. 11Kada' dokoyu duduno' i tobpinai dokoyu'd tondu' di tanak mantad di tapa' dokoyu ko' tanak mantad di tina' dokoyu; tu' iyau nga' tobpinai i' dokoyu. 12-13Kada'#Otu. 20.19-20 dokoyu duduno' i tinanon dokoyu, do tobpinai tuu iyau di tapa' dokoyu, ko' tobpinai po di tina' dokoyu. 14Kada' dokoyu duduno' o sawo di tamanon dokoyu; tu' iyau nga' tinanon i' dokoyu. 15Kada'#Otu. 20.12 dokoyu duduno' i tondu' do monongiwan dokoyu 16ko'#Otu. 20.21 iri po sawo di tobpinai dokoyu. 17Kada'#Otu. 20.14, Pnu. 27.23 dokoyu duduno' i tanak ko' i monongodu' di tondu' di noumbalan dokoyu'd momodudun do gulu; tu' a' i' oila-ilaan nga' iso-iso' po doti' o raha' dokoyu, om kotolibamban i' dot oturan o miagal diri. 18Kada' dokoyu kowino' i tobpinai di sawo dokoyu, do poimpasi po i sawo dokoyu.
19Kada'#Otu. 20.18 kou ongoi dudun do tondu' di maso'd haro o pomulanan, tu' tondu' nopoddi om sosomu' i' dot id pagantangan do tugama'. 20Kada'#Otu. 20.10 kou ongoi dudun do sawo'd tulun do suwai; tu' iri no o kososomu' dokoyu. 21Kada'#Otu. 20.1-5 kou papatahak dot ongoiso' piya do tanak dokoyu do maan pakayo' do tumuku' dot id Molok, i ponokokinorohingan diri. Tu' iri nopo wonsoyon do miagal diri om mongindaraat i' do ngaran do Kinorohingan, i Tuhan. 22A'#Otu. 20.13 no kopio koino-ino do miampahu' o kusai om kusai; tu' iri nopo om katagadan i' do Kinorohingan. 23A'#Ksn. 22.19, Otu. 20.15-16, Pnu. 27.21 no kopio koino-ino do mongoi pagampahu' do nintorusan ot isai nopo o kusai ko' tondu'; tu' iri nopo wonsoyon do miagal diri om araat i' om sosomu' kopio.
24Kada' dokoyu sosomuo' o tinan dokoyu do wowonsoyon do miagal diri, tu' iyo noddi i tulun do kapir do minonosomu' do tinan diyolo', i tulun do kapir di poingiyon mantad no do hilo'd pomogunan do Kanaan dot id gulu ko' iyokoyu, om iri noddi o koponguyungan do Tuhan diyolo', om koiyon kou i' iyokoyu'd hilo'. 25-27Om iri no i kowoyo-woyoon diyolo' dit araat kopio o minonosomu' di tana'ddi. Om hukumai noddi iyolo'd Tuhan, om a' noddi iyolo' pologoson do mundorong do hilo'. Nga' iyokoyu nopo, om kada' kou nogi' kopio pomonsoi do wowonsoyon do miagal diri. Iyokoyu ngai' nopo om koinsanai di bansa'd suwai di poirolot dokoyu, om mositi' nod mumboyo' dit oturan om i ponuhuan do Tuhan. 28Om a' kou indo ohukuman do Tuhan om a' ouyung do mantad id tana'ddi do miagal di nosiliu dot id tulun do kapir di poingiyon do hilo' dit id gulu ko' iyokoyu. 29Om koilo ngai' kou i' dot isai nopo i momonsoi'd kowoyo-woyoon do miagal diri karaat om a' no kohompit do tulun di songonuon do Kinorohingan,” ka dau.
30Om boros kad Tuhan, “Tonudon no dokoyu i boros ku om kada' kou tanud di kowoyo-woyoon di tulun di poingiyon do hilo'd pomogunan do Kanaan dit id gulu ko' iyokoyu. Kada' dokoyu sosomuo' o tinan dokoyu do mingwonsoi'd miagal diri o ponosomu'. Tu' iyoho' no o Tuhan, i Kinorohingan dokoyu,” ka dau.
Currently Selected:
OTURAN 18: BDK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia
