PONUGUTAN 27
27
Pinotulis dot id Watu it Oturan do Kinorohingan
1Om polombuso' noddi di Musa om i piro-piro o boyoon dot Israil dot id bansa'ddi o boros do poingkaa, “Tonudon no dokoyu o koinsanai diti ponuhuan di pinoboros ku di tadau baino'. 2Tontok#Ysu. 8.30-32 nopondo do tadau di sumoborong kou di Bawang do Yordan do rumikot do hilo'd pomogunan di patahakon do Tuhan, i Kinorohingan dokoyu, dot id dokoyu, om poudong kou no do piro-piro o watu dit angagayo om saaton nori dot opurak. 3Om potulison no dot id watu'ddi o pointikid-tikid di boros dot oturan diri.
Om korikot kou nopondo do hilo'd pomogunan di kaya' om it oluhub o tana', i pinabatos do Tuhan, i Kinorohingan di tukuon di taki-aki dokoyu, 4om di kosoborong kou di Bawang do Yordan, om mositi' nod mongoi kou do hiri'd Nuluhon dot Ibal. Om id timpak nod nuluhon diri o poudangan dokoyu di watu, om panaatan di watu'ddi do miagal di pinonuhuan ku dokoyu di tadau baino'. 5Om#Ksn. 20.25 hiri nod kinoiyonon diri o pamansayan dokoyu dot iso' o pananaraban do porsombahan, do wonsoyon nopo om i watu dit a' i' noumbalan do mamabak do pakakas do basi' o pinamabak. 6Tu' pointikid-tikid do pananaraban do porsombahan di wonsoyon do maan do don Tuhan, i Kinorohingan dokoyu, om mositi' nod watu dit a' binabak o maan do wonsoyon. Om id sakai no di pananaraban do porsombahan diri o patahakan dokoyu di porsombahan do sorobon. 7Om patahakon nogi' i porsombahan do piuludan om makan kou no dot id kinoiyonon diri om kumotood kou no dot id toguang do Tuhan, i Kinorohingan dokoyu. 8Om tarangon no dokoyu o ponunulis do pointikid-tikid di boros dot oturan do Kinorohingan do hiri'd piro-piro o watu di sinaat dot opurak diri,” kad i Musa.
9Om boros kaddi di Musa om i piro-piro ot imam do mantad id payat do Liwi dot id koinsanai di tulun dot Israil, “Kada' kou kohiyo, oi tulun dot Israil, pokinongou kou no kopio! Tadau nod baino' do nosiliu kou do tulun do songonuon do Tuhan, i Kinorohingan dokoyu. 10Iyo nopoddi om umboyo' kou nod boros do Tuhan om tonudon no o koinsanai dit oturan dau, i pinoboros ku dot id dokoyu di tadau baino',” ka diyolo'.
Kousungan do Tulun dit Amu' Mumboyo'
11Om boros kaddi di Musa dot id bansa' dot Israil, 12“Kosoborong#Pnu. 11.29, Ysu. 8.33-35 kou nopondo di Bawang do Yordan, om mositi' no do mingkakat ot id timpak di Nuluhon do Gorisim i payat di Simion, om Liwi, om Yohuda, om Isakar, Yusup, om Binyamin, do tontok do poboroson i boros do pamarakat do bansa' diti. 13Om tontok nopondo do poboroson i boros do pomopol om mositi' no do mingkakat do hilo'd timpak do Nuluhon dot Ibal i payat do Rubin, om Gad, om Asor, om Sibulon, om Naptali. 14Om poboroson nondo di tulun do Liwi dot opuhod o boros diti, om sumimbar nondo i tulun dot Israil dot, ‘Amin,’ ka.
15Poboroson#Ksn. 20.4, 34.17, Otu. 19.4, 26.1, Pnu. 4.15-18, 5.8 nopo di tulun do Liwi om poingkaa, ‘Ousung po i tulun di momonsoi do tininganak do watu, om kayu ko' basi o wonsoyon, om i momolisok-lisok do tumuku' dot id tininganak diri; tu' araatan i' kopio o Tuhan do tulun di tumuku' dot id tingolig!’ ka.
Om posimbaron nopo do koinsanai di tulun om, ‘Amin!’ ka.
16‘Ousung#Ksn. 20.12, Pnu. 5.16 po i tulun dit a' momusou do molohing dau om i popologos tomod diyolo'!’ ka.
‘Amin!’ ka.
17‘Ousung#Pnu. 19.14 po i tulun di popoundaliu do wolit di tana' do songkoduwo dau!’ ka.
‘Amin!’ ka.
18‘Ousung#Otu. 19.14 po i tulun di mamalid do tulun do bolou,’ ka.
‘Amin!’ ka.
19‘Ousung#Ksn. 22.21, 23.9, Otu. 19.33-34, Pnu. 24.17-18 po i tulun di magahau dit apatut dot aanu do tulun di bansa'd suwai, om i tangaanak dit aiso' o molohing om i tongoondu' di nopuadan,’ ka.
‘Amin!’ ka.
20‘Ousung#Otu. 18.8, 20.11, Pnu. 22.30 po i tulun di mongindaraat do tapa' dau tu' mongoi iyau dudun dot iso' di sawo di tapa dau,’ ka.
‘Amin!’ ka.
21‘Ousung#Ksn. 22.19, Otu. 18.23, 20.15 po i tulun di monokisabu do nintorusan,’ ka.
‘Amin!’ ka.
22‘Ousung#Otu. 18.9, 20.17 po i tulun di mongoi dudun di tobpinai dau'd tondu' di toput dau'd pusod, ko' iri tobpinai dau'd tondu' dit iso-iso' no tapa' ko' iso-iso' o tina',’ ka.
‘Amin!’ ka.
23‘Ousung#Otu. 18.17, 20.14 po i tulun di mongoi dudun di tiwanon dau'd tondu',’ ka.
‘Amin!’ ka.
24‘Ousung po i tulun di momolisok-lisok do mamatai'd tulun,’ ka.
‘Amin!’ ka.
25‘Ousung po i tulun di rumamit do tusin do ponisip do pamatai do tulun dit aiso' o sala',’ ka.
‘Amin!’ ka.
26‘Ousung#Gal. 3.10 po i tulun dit a' mumboyo' ngai' dit oturan om ponudukan do Kinorohingan,’ ka.
‘Amin!’ ka,” ka dau.
Currently Selected:
PONUGUTAN 27: BDK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia
