PONUGUTAN 25
25
1Ondung haro o duwo o tulun dot Israil do mongoi dot id kut do mongoi pisalasai do hal, om oilaan nondo dot iri nopo tiso' om aiso' o sala' om iri no tiso' om kisala'. 2Ondung loposon o pomohukum di tulun di kisala', om mositi' no do suhuon di gompomutus i tulun diri do tuminggoub om loposon nogindo. Om songkuro nopo o kawagato' do kasalaan do nowonsoi dau, om irad noddi o kosoruo' do pamalapos. 3Nga'#2Ko. 11.24 a' i' koino-ino dot lobi' ko' ingapat nohopod loposo'. Tu' asaru' nopo ko' iri, om iyo pod intingayamon kopio o tulun diri dot id toguang do tulun dot ogumu'.
4Kada'#1Ko. 9.9, 1Tim. 5.18 dokoyu kakangai o kabang do sapi' di maso do mongulok do gandum do potobilang di tua' do mantad id rawo,” ka dau.
Tonggungan dot id Tobpinai di Napatai
5Om#Mat. 22.24, Mar. 12.19, Luk. 20.28 boros ka kawagu di Musa, “Ondung haro o duwo o kusai do miobpinai do poingiyon dot id iso' o kinoiyonon, om apatai nondo ot iso' diyolo'. Om aiso' po o tanak dau'd kusai, om iri nopondo sawo dau om a' i' koino-ino do kowinon do tulun dit okon ko' id suang do sompiiyon di sawo mantad dau. Apatut nopo do mangawin di tondu'ddi om i tobpinai di sawo di tondu'. 6Om iri nopondo tanak diyolo' do kusai dit id gulu kosusu om sorohon i' do tanak di tulun di napatai, om haro i' o sinakagon do tulun diri dot id pogialatan do tulun dot Israil. 7Nga'#Rut. 4.7-8 ondung a' i' tulun diri mangawin di sawo daa di tobpinai dau di napatai, om mositi' no do mongoi i tondu' solowot di tongoboyoon do bandar om moro-boros nondo do poingkaa, ‘A' i tobpinai di sawo ku momonsoi di tonggungan dau do manahak do sinakagon di tobpinai dau dot id pogialatan do tulun dot Israil,’ ka. 8Om mositi' nod lohowon di tongoboyoon do bandar i kusai'ddi om moro-boros iyolo' dot id dau. Ondung mada' kasai' i kusai'ddi do momonsoi di tonggungan dau, 9om mositi' no do ngoyon di sawo di tobpinai dau insamakai i kusai'ddi dot id toguang di tongoboyoon di bandar, om ngoyon dau iduwo' o kasut di kusai, om dulaan nogindo o rabas di kusai, om moro-boros do poingkaa, ‘Iyo nodti o wonsoyon dot id tulun dit a' manahak do sinakagon dot id tobpinai dau,’ ka. 10Om sompiiyon nopondo di kusai'ddi om roitan do ‘sompiiyon do tulun di nongoi iduwo' o kasut’ do hilo'd Israil,” ka dau.
Piro-piro o Toturan do Suwai
11Om boros ka kawagu di Musa, “Ondung haro o duwo kusai do miumang, om mumbal nondo i sawo di tiso' do kusai'ddi do mongoi ponguhup di sawo dau tu' ngoyon dau songgolo' o wayaan do sobu di ponokiumang di sawo dau, 12om potodon nopo o longon di tondu'ddi, om kada' no iyau insianai.
13-14Kada'#Otu. 19.35-36 ponipu', do mamakai do ponimbang om pagadang dit a' koontok o ralan do monipu'. 15Mamakai no di ponimbang om pagadang di koontok om otogui kou i' do poingiyon do hiri'd pomogunan di patahakon do Tuhan i Kinorohingan dokoyu dot id dokoyu. 16Araatan i' kopio o Tuhan i Kinorohingan dokoyu, do tulun di monipu',” ka dau.
Monuhu' do Mamatai di Tulun dot Amalik
17Om#Ksn. 17.8-14, 1So. 15.2-9 boros ka kawagu di Musa, “Sorohon no dokoyu i winonsoi do tulun dot Amalik do tontok di hilo' kou id tanga'd ralan di kososoliwan dokoyu do mantad hilo'd Masir. 18A' i' iyolo' oronok do Kinorohingan, om hiri iyolo'd tohuri do minongoi panangod dokoyu do tontok dit ohuyan kou no om a' kou no kogoos. Om patayo' ngai' noddi diyolo' i tulun dokoyu di hiri'd tohuri, i tulun dit a' no angkapanau. 19Iyo nopoddi, om katahak nopondo do Tuhan, i Kinorohingan dokoyu, o pomogunan diri dot id dokoyu, om aiso' o ligogon dokoyu do mantad id pisangod di poingiyon dot id posorili' dokoyu, om mositi' no do patayon ngai' dokoyu i tulun dot Amalik om gisom dot a' nondo iyolo' ahandaman. Soro-sorohon no kopio dokoyu iti!” ka dau.
Currently Selected:
PONUGUTAN 25: BDK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia
