تیتوس 2
2
قاوی تَعلیمات حاقینداقی ناصیحاتلار
1سِن بُلسا دُغری تَعلیماتا لاییق گِلیَن زاتلاری اُورِت. 2قارّی آداملارا میلاییم، حُرماتا میناسیپ، اُز نِفسینی ساقلایان بُلسونلار و ایمان، سُیگی و صابیر-طاقات باباتدا قاوی بُلماقلارینی ناصیحاتلا.
3شُنونگ یالی، قارّی آیال‍لار هِم غیباتا، شِرابا یورِگینی بِرمَن، تِرسینه، خودایینگ خالقینا گِلیشیَن یُلدا یاشاپ، هِمّه‌لِره یاخشی زاتلاری اُورِتمِکلِرینی ناصیحاتلا. 4-5خودایینگ سُزونه دیل یِتیریلمِز یالی، قُی، بو قارّی آیال‍لار یاش گِلین-قیزلارا اُز اَرلِرینی و فِرزِنتلِرینی سُیمِگی، اُز نِفسیلِرینی ساقلاماغی، پَک آخلاقلی، اُیلِری باباتدا ایخلاصلی، مَهیرلی و اَرلِرینه موطیع بُلماغی اُورِتسینلِر.
6یاش ییگیتلِره هِم اُز نِفسیلِرینی ساقلاماغی ناصیحاتلا. 7یاخشی ایشلِرینگ بیلِن اُلارا هِمّه زاتدا نِمونه بُل. تَعلیماتی صاپ یورِکدِن اِدِبلیلیک بیلِن اُورِت، 8سُزلِرینگ عایپسیز و شِکسیز بُلسون. شُندا قارشی چیقیانلار بیزی یامانلاماغا کِپ تاپمان، اوتانجدا قالارلار.
9قول‍لارا اُز آقالارینا هِر زاتدا موطیع بُلماغی و اُلارینگ گُونونی آلماغینی ناصیحاتلا. اُلار آقالارا دیل قایتارماسینلار، 10اُلاردان زات اُغورلاماسینلار، قایتام هِر زاتدا خاص وِفالی بُلسونلار. شِیدیپ، اُلار نِجات بِریَنچیمیز خودایینگ تَعلیماتینینگ هِر طارافدان عجاییپدیغینی تاصدیقلارلار.
11چونکی خودایینگ هِمّه‌لِری نِجات بِریَن مِرحِمِتی اَشکَر بُلدی. 12بو مِرحِمِت بیزه خودایسیزلیغی و دونیِوی هُوِسلِری رِد اِتمِگی اُورِدیَر، بو زاماندا اُز نِفسینی ساقلاماغی، تاقوالیغی، خودایینگ یُلونینگ ایزینا دوشمِگی ناصیحاتلایار. 13بیز بو یُلونگ ایزینا دوشوپ، موبارِک اومیدیمیز بُلان بِییک خوداییمیز و نِجات بِریَنچیمیز عیسی مسیحینگ بِییکلیک ایچینده آسمانلاردان اینمِگینه قاراشیاریس. 14عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی. اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی. 15هاووا، بولارینگ بارینی اُورِت. هِمّه ایختییارلیق بیلِن گُوونلیک بِر و هِم کَیی. قُی، هیچ کیم سِنی اَسگِرمِزلیک اِتمِسین.
© Turkmen Truth