رومیلار 7
7
شِریغاتدان آزادلیق
1اِی عزیزلِر، سیزه شِریغاتی بیلیَن آداملار حُکمونده آیدیارین. اُندا سیز بو شِریغاتینگ دینگه دیری آداما اُز حُکومینی یُرِدیَندیگینی بیلمِیَنگیزمی نَمه؟ 2میثال اوچین، اَرلی آیالی ناظار آلینگ. اُل اَری دیریکَه، بو شِریغاتینا گُرَه اُنگا باغلیدیر. اِمّا اَری اُلسه، اُل نیکاح شِریغاتیندان آزاددیر. 3اِگِر آیال اَری دیریکَه باشغا بیر اَره بارسا، بو زیناکَرلیکدیر. اِمّا اَری اُلسه، اُل شِریغاتدان آزاددیر، باشغا اَره بارسا هِم زیناکَر حاساپلانمایاندیر. 4اِی عزیزلِریم، سیز باباتدا هِم شِیلِدیر. سیز عیسی مسیحینگ اُلومینینگ اوستو بیلِن شِریغات اوچین اُلوسینگیز. خودایا یاخشی ایشلِرینگیزینگ حاصیلینی گِتیرِر یالی، سیز ایندی باشغا بیرینه، یَعنی اُلومدِن دیرِلِن عیسی مسیحه باغلیسینگیز. 5بیز اینسان طِبیغاتیمیزا گُرَه یاشایارقاق، بو شِریغات بیزینگ بِدِن اعضالاریمیزدا گونَه‌لی هُوِسلِری توروزیاردی. بو هُوِسلِر بیزی گونَه‌لی ایشلِری قاوی گُرکِزدیریپ، اُلوم حاصیلی گِتیریَردی. 6اِمّا بیز اُزومیزی دانگیلماقدا ساقلان شِریغات باباتدا اُلوپ، اُندان آزاد اِدیلدیک. بیز ایندی شِریغاتا موطیع بُلان کُهنه یُل‍لارا گُرَه دَل-ده، شِیله بُلسا مُقادِّس روحونگ ایزینا دوشوپ تَزه یُل‍لارا گُرَه خودایا خیدمات اِدیپ بیلِریس.
گونَه بیلِن چِکِلِشمِک
7ایندی نَمه آیدایلینگ؟ شِریغات گونَه زاتمی نَمه؟ اِلبِتّه، یُق! یُنه بو شِریغات بُلمادیق بُلسا، مِن گونَه‌نینگ نَمِدیگینی-ده بیلمِزدیم. شِریغات: «باشغانینگ زادینا گُز تیکمه» دییّپ آیدمادیق بُلسا، مِن مونونگ گونَه‌دیگینی هِم بیلمِزدیم.#چیقیش ۲۰:۱۷؛ قایتادان ۵:۲۱ 8گونَه بُلسا بو حُکومدِن اُز پِیداسینی آغتاریپ، مِنی هِر هیلی آچگُزلیگی قاوی گُرکِزدیردی. چونکی شِریغاتینگ بُلمادیق یِرینده گونَه اُلودیر. 9مِن شِریغات بِریلمَنکَه دیریدیم. اِمّا شِریغات بِرلِندِن سُنگ گونَه دیرِلدی و مِن اُلدوم. 10هاووا، مانگا یاشاییش بِرمِلی شِریغات مِنینگ اُلمِگیمه سِبَپ بُلدی. 11سِبَبی گونَه شِریغاتینگ حُکومینی باهانا اِدینیپ، آلداوا سالدی-دا، اُنونگ اوستو بیلِن مِنی اُلدوردی. 12شِیلِلیک بیلِن شِریغات مُقادِّسدیر. اُنونگ هِر بیر حُکومی هِم مُقادِّس، عادالاتلی و قاویدیر.
13اُندا قاوی زات مِنینگ اُلمِگیمه سِبَپ بُلایدیمی نَمه؟ اِلبِتّه، یُق! گونَه قاوی زادینگ اوستو بیلِن مِنده اُلوم دُرِتدی و گونَه‌نینگ حاقیقی طِبیغاتی اِدیل شِیله آیان بُلمالیدی. شِیدیپ، گونَه‌نینگ نَدِرِجِده تِلِکه‌دیگی شِریغاتینگ حُکوملِرینینگ اوستو بیلِن اَشکَر بُلدی. 14بیز شِریغاتینگ روحانیدیغینی بیلیَریس. یُنه مِن نِفسانی بُلوپ گونَه‌نینگ قولی حُکمونده ساتیلاندیرین. 15مِن اُز اِدیَنلِریمه اُزوم دوشونِمُق، سِبَبی حالایان زادیمی اِتمَن، ییگرِنیَن زادیمی اِدیَرین. 16اِگِر مِن ییگرِنیَن زادیمی اِدیَن بُلسام، اُندا بو شِریغاتینگ قاویدیغینی تاصدیق اِدیَرین. 17اِگِر شِیله بُلسا، اُندا اِدیَنلِریمی مِن دَل-ده، مِنده مِسکِن توتان گونَه اِدیَندیر. 18مِنده، هاووا، اینسان طِبیغاتیمدا قاوی زادینگ یُقدوغینی آچیق بیلیَرین. سِبَبی قاوی ایشلِری اِتمِگَه ایسلِگیم بُلسا-دا، اُلاری عِمِل اِتمِگی باشارمایارین. 19مِن ایسلِیَن قاوی ایشلِریمی اِتمَن، تِرسینه، ییگرِنیَن تِلِکه ایشلِریمی اِدیَرین. 20اِگِر ایسلِمِیَنیمی اِدیَن بُلسام، اُندا اُنی ایندی مِن دَل-ده، ایچیمده مِسکِن توتان گونَه اِدیَندیر.
21شِیلِلیکده، مِن دورموشدا شِیله قانونینگ باردیغینی بیلدیم: قاوی ایشی اِتمِکچی بُلان واقتیمدا، مِنده یامانلیق حَضیر بُلیار. 22تامام قالبیم بیلِن خودایینگ شِریغاتیندان لِذِّت آلسام-دا، 23بِدِنیمینگ اعضالاری شُل قانونا ماییل بُلیاندیغینی گُریَرین. بو قانون مِنینگ دوشونجَمدَکی قانونا قارشی اوروشیپ، بِدِنیمدَکی اعضالاری گونَه قانونسینا مِنی اِسیر اِدیَر. 24واخ، مِن باختیقارانی دییسِنه! اُلومه اِلتیَن بو بِدِنیمدِن مِنی کیم آزاد اِدِر؟ 25خودایا شوکور! اُل بیزی تانگریمیز عیسی مسیحینگ اوستو بیلِن آزاد اِدِر! شونلوقدا، دوشونجَم بیلِن خودایینگ شِریغاتینا قولّوق اِتسِم-ده، اینسان طِبیغاتیما گُرَه گونَه قانونینینگ قولودیرین.
Currently Selected:
رومیلار 7: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth
