۲ تِسالونیکیلِر 2
2
شِراراتلی آدام
1ایندی بُلسا، اِی عزیزلِر، تانگریمیز عیسی مسیحینگ گِلمِگی و اُنونگ یانینا اویشمِگیمیز باباتدا شولاری آچیقلاشدیرماقچی: 2«تانگری عیسانینگ گِلجِک گونی شو واقت گِلیپ یِتدی» دییّپ آیدیان خابار هایسیدیر، نبوّتلیق یا-دا نامه بیزدِن یالی بُلوپ گُرونسه-ده، شُلار سِبَپلی باسیم آلدیرامانگ یا-دا تیترِمِگه دوشمَنگ. 3اُزونگیزی هیچ کیمه هیچ یُل بیلِن آلداتمانگ. چونکی کَن آداملار خودایا قارشی باش قالدیرار و یُق اِدیلمِلی شِراراتلی آدام اَوَّل گُرونِر. یُنه بو زاتلار یِرینه یِتیَنچَه، مسیحینگ گونی گِلمِز. 4بو آدام خودای دییّپ آدلاندیریلیان یا سِجده اِدیلیَن زاتلارینگ بارینا قارشی چیقیپ، اُزونی اُلاردان یُقاری توتار. اُل حتّیٰ خودایینگ عیباداتخاناسیندا اُتوریپ، اُزونی خودای دییّپ اِعلان اِدِر. 5مِن هِنیز یانینگیزداقام بولاری سیزه آیدانیم یادینگیزا دوشمِیَرمی؟ 6اُل اُز میناسیپ واقتیندا اَشکَر بُلار یالی، شِیله هِم شونی نَمه زاد ساقلایانینی اُزونگیز هِم شو واقت بیلیَنسینگیز. 7چونکی شِراراتلیق سیری شو واقت هِم حِرِکِتده، یُنه اُنی ساقلایان آرادان آیریلیانچا اُز ایشینی دُوام اِتدیرِر. 8شُندا شُل شِراراتلی آدام گُرونِر. تانگری عیسی اُنی آغزینینگ دِمی بیلِن، اُز گِلشینینگ قودراتی و هایباتی بیلِن اُنی هِلَک و یُق اِدِر. 9شِراراتلی آدام گِلِنده شِیطانینگ گویجی بیلِن هِر هیلی یالان مُعجِزه‌لِری، عالاماتلاری و قودراتلاری گُرکِزِر. 10اُل هِر هیلی یامانلیقلار بیلِن هِلَکچیلیک یُلونا دوشِنلِری آلداوا سالار. چونکی اُلار حاقیقاتی سُیمِگی و شُنونگ اوستو بیلِن نِجات تاپماغی رِد اِتدیلِر. 11شُنونگ اوچین-ده خودای اُلاری گویچلی آلداوا تابشیریار. اُلار-دا بو آلداوا اینانیارلار. 12اُل مونی حاقیقاتا اینانمان و یامانلیقدان کِیپ آلانلارینگ بارینی مَحکوم اِتمِک اوچین اِدیَر.
ایماندا قاییم دورونگ!
13اِی تانگری عیسی طارافیندان سُیولیَن عزیزلِر! سیز نِجات تاپیپ بیلِرینگیز یالی، خودای سیزی اُزالدان سایلادی. سیز مُقادِّس روحونگ اوستو بیلِن پَکلِنیپ، حاقیقاتا بُلان ایمانینگیز سِبَبی نِجات تاپدینگیز. شُنگا گُرَه-ده، بیز هِمیشه سیزینگ اوچین خودایا شوکور اِتمِلیدیریس. 14اُل تانگریمیز عیسی مسیحینگ بِییکلیگینَه اُرتاق بُلوپ بیلِرینگیز یالی، واغیظ اِدیَن خوش خاباریمیزینگ اوستو بیلِن سیزی بولارا چاغیردی. 15شُنگا گُرَه-ده، اِی عزیزلِر، ایندی ایماندا قاییم دورونگ! بیزدِن سُز یا نامه‌نینگ اوستو بیلِن اُورِنِن تَعلیماتینگیزا قاییم یاپیشینگ.
16-17آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی. قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.
© Turkmen Truth