भजनसंग्रह 142
142
सहायताको लागि प्रार्थना
1म परमप्रभुलाई सहायताको निम्ति पुकार्दछु,
म उहाँसँग अन्तरबिन्ती गर्दछु।
2मेरा सबै उजुरहरू म उहाँकहाँ ल्याउँदछु,
मेरा सबै कष्टहरू म उहाँलाई सुनाउँदछु।
3म शिथिल भएको अवस्थामा मैले के गर्नुपर्छ, उहाँले जान्नुहुन्छ।
म हिँड्ने बाटोमा मेरा शत्रुहरूले मलाई एउटा पासो थापेका छन्।
4मैले छेउमा हेर्दा मलाई सहायता गर्ने कसैलाई देख्दिनँ,
मेरो रक्षा गर्ने कसैलाई पाउँदिनँ,
मलाई कसैले वास्ता गर्दैनन्।
5हे परमप्रभु, म सहायताको लागि तपाईंलाई पुकार्दछु,
परमप्रभु, तपाईं मेरो रक्षक हुनुहुन्छ,
यो जीवनमा म तपाईंलाई मात्र चाहन्छु।
6सहायताको निम्ति मेरो पुकार सुन्नुहोस्
किनभने म मनको पीडामा डुबेको छु,
मेरा शत्रुहरूदेखि मलाई बचाउनुहोस्,
तिनीहरू मेरा लागि साह्रै बलिया भए।
7मलाई मेरो दु:खबाट छुटकारा दिनुहोस्,
तब तपाईंका प्रजा भेला भएको सभामा म तपाईंको प्रशंसा गर्नेछु
किनभने तपाईंले मेरो भलाइ गर्नुभएको छ।
Currently Selected:
भजनसंग्रह 142: सरल नेपाली
Highlight
Share
Copy
Want to have your highlights saved across all your devices? Sign up or sign in
Simple Nepali Holy Bible © Nepal Bible Society, 2008.
