भजनसंग्रह 111
111
परमप्रभुको प्रशंसा
1परमप्रभुको प्रशंसा गर!
उहाँका मानिसहरूको सभामा म आफ्नो पूरा हृदयले
परमप्रभुलाई धन्यवाद चढाउनेछु।
2परमप्रभुले गर्नुभएका कामहरू कति उदेकका छन्!
तीसँग प्रसन्न हुनेहरू सबैले ती बुझ्न चाहन्छन्।
3उहाँले जे गर्नुहुन्छ, आदर र गौरवले भरिएका हुन्छन्,
उहाँको धार्मिकता अनन्त छ।
4परमप्रभुले हामीलाई उहाँका उदेकका कामहरू भुल्न दिनुहुन्न,
उहाँ दयालु हुनुहुन्छ र हामीलाई अनुग्रह गर्नुहुन्छ।
5उहाँको आदर गर्नेहरूलाई उहाँले भोजन जुटाउनुहुन्छ,
आफ्नो करार उहाँले कहिल्यै भुल्नुहुन्न।
6विदेशीहरूका जमिन आफ्ना प्रजालाई दिनुभएर
उहाँले आफ्नो शक्ति तिनीहरूलाई देखाउनुभएको छ।
7आफूले गर्नुभएको काममा उहाँ विश्वासयोग्य र धर्मी हुनुहुन्छ,
उहाँका सबै आज्ञाहरूमा भर पर्न सकिन्छ।
8ती आज्ञाहरू सत्यता र धार्मिकतामा
सदाकालको निम्ति दिइएका हुन्।
9उहाँले आफ्ना प्रजालाई छुटकारा दिनुभयो
र तिनीहरूसँग एउटा अनन्त करार बाँध्नुभएको छ।
उहाँ पवित्र र सामर्थी हुनुहुन्छ!
10 #
अय्यूब 28:28; हितोपदेश 1:7; 9:10 परमप्रभुलाई आदर दिनु बुद्धिको बाटो लिनु हो।
उहाँले आफ्ना आज्ञा मान्नेहरूलाई ठीक समझशक्ति दिनुहुन्छ।
उहाँको प्रशंसा सधैँभरि हुनुपर्छ।
Currently Selected:
भजनसंग्रह 111: सरल नेपाली
Highlight
Share
Copy
Want to have your highlights saved across all your devices? Sign up or sign in
Simple Nepali Holy Bible © Nepal Bible Society, 2008.
