Rome 9

Allah Taala Enggau Nembiak Iya

1Aku bejakuka pasal utai ti bendar dalam Kristus.#9.1 Sekeda salin: laban aku nembiak Kristus Aku enda bula. Ati aku ti beresi diiring Roh Kudus lebuh aku besaksi 2madahka penyinu enggau penusah ati aku. 3#P-sut 32.32. Laban manah agi aku kena sumpah lalu diseraraka ari Kristus, ketegal bansa aku empu, ketegal kaban belayan aku empu. 4#P-sut 4.22; Rom 3.2; 8.15. Sida nya orang Israel, ke diiru nyadi anak Allah Taala, ke bempu mulia, sempekat, ke diberi Adat, diberi hak nyembah Allah Taala, enggau diberi semaya. 5Sida nya peturun orang Hebrew ke tebilang nama, ke nyadi aki ini Kristus#9.5 Hebrew: Messiah lebuh Iya nyadi mensia, ke endang Allah Taala ti bekuasa atas semua. Awakka Allah Taala dipuji belama iya. Amin.

6 # Rom 2.28-29. Ukai reti nya semaya Allah Taala udah puntan. Laban ukai semua orang Israel nya orang Israel ti bendar. 7#P-kal 21.12; Heb 11.18. Lalu ukai semua peturun Abraham nya peturun Abraham ti bendar; tang “Semina peturun ari Isak aja deka dikumbai peturun nuan.” 8#Gal 3.29; 4.28. Reti nya, ukai anak ke diadaka mensia ke deka nyadi nembiak Allah Taala, tang anak ke datai ari semaya aja ke deka nyadi peturun Abraham ti bendar. 9#P-kal 18.10. Laban baka tu ku utai ti disebut semaya nya: “Ba urung maya tu Aku deka datai baru, lalu Sarah deka ngadaka anak lelaki siku.”

10 # P-kal 18.10. Lalu ukai semina nya aja. Utai ti sebaka enggau nya mega nyadi ba Rebekah, lebuh iya ngandungka anak iya ke besapit dua, ke aki kitai Isak. 11Taja pen seduai iya apin ada, tauka apin ngereja sebarang utai, nemuka utai ti badas tauka jai (ngambika juluk ati Allah Taala ti milih seduai iya, dikamatka, 12#P-kal 25.23. ukai nitihka pengawa ti dikereja mensia, tang nitihka kangau Allah Taala), Rebekah udah dipadahka munyi tu: “Iya ke tuai deka bekereja ke iya ti biak.” 13#Mal 1.2-3. Munyi ti ditulis,

“Aku rinduka Jakop,

tang Aku begedika Esau.”

14 # 2 Ban 19.7. Enti pia, baka ni ku jalai kitai bejaku? Kati Allah Taala enda lurus? Ukai! 15#P-sut 33.19. Laban ku Iya nyebut ngagai Moses,

“Aku deka kasihka orang ke dikasihka Aku,

lalu Aku deka sinu ati ke orang

ke dikesinuka Aku.”

16Nya alai, utai nya ukai bepanggai ba peneka tauka ba pengawa mensia, tang bepanggai ba pengasih Allah Taala. 17#P-sut 9.16 (Septuagint). Laban ku Bup Kudus nyebut ngagai raja menua Ejip, “Aku udah ngaga nuan nyadi raja kena Aku mandangka kuasa Aku, ngambika nama Aku dipadahka di serata dunya.” 18#Rom 11.7. Nya alai, Allah Taala kasihka sebarang orang ke dikedekaka Iya, lalu Iya ngasuh orang kieh ati, sebarang orang ti patut ku Iya.

Pengeringat Enggau Pengasih Allah Taala

19Kita nyangka deka nyebut ngagai aku, “Enti pia, nama kebuah Allah Taala agi begigaka penyalah kitai? Laban sapa ulih nyakal peneka Iya?” 20#Isa 29.16; 45.9; [2] P-dlm 12.12. Tang sapa nuan nya, ke semina mensia aja, ke berani bekelikuh ngelaban Allah Taala? Kati utai ti ditempa deka bejaku ngagai orang ke nempa iya, “Nama kebuah nuan ngaga aku baka tu?” 21#2 Tim 2.20; [2] P-dlm 15.7; Sir 33.13. Kati tukang periuk nadai kuasa atas tanah liat, lalu ngaga ari tanah liat nya sigi periuk ti dikena lebuh maya rami, lalu sigi dikena tiap hari?

22 # J-lam 16.4; [2] P-dlm 12.20-21. Kati enti Allah Taala, ke lama udah sabar enggau utai ti digaga Iya, deka mandangka pengeringat Iya lalu ngayanka kuasa Iya, ngagai utai ti nyungkak Iya ringat, ti deka dirusak Iya? 23#Rom 8.29. Lalu kati enti Iya ngereja nya kena Iya mandangka pemesai mulia Iya ngagai orang ke dikasihka Iya, ke udah disediaka Iya nerima mulia ari Iya, 24#Rom 3.29. nyengkaum kitai ke udah dikangauka Iya, ukai semina ari bansa orang Judah aja, tang mega ari orang bansa bukai? 25#Hos 2.23. Munyi ti disebut Iya dalam bup Hosea:

“Orang ke ukai nembiak Aku

deka dikumbai Aku ‘Nembiak Aku.’

Lalu orang ke enda dikerinduka Aku

deka dikumbai Aku ‘Orang ke dikerinduka Aku.’

26 # Hos 1.10. “Lalu ba endur alai orang dipadahka, ‘Kita ukai nembiak Aku,’

dia sida deka dikumbai ‘anak Allah Taala ti idup.’ ”

27 # Isa 10.22-23; P-kal 22.17; Hos 1.10; Rom 11.5; 2 Raj 19.4; Isa 11.11. (Septuagint). Lalu ku Isaiah bejaku enggau nyawa ti inggar pasal orang Israel: “Taja pen orang Israel ngemayuh pasir ti ba tebing tasik, semina teda sida aja#9.27 Tauka: mimit aja sida deka diselamatka, 28laban Tuhan deka lengkas ngukum dunya.” 29#Isa 1.9 (Septuagint). Munyi ti udah dipadahka Isaiah,

“Enti Tuhan ti Pemadu Bekuasa enda ngalau sekeda peturun ke kitai,

kitai tentu udah nyadi baka Sodom enggau Gomorah.”

Israel Enggau Berita Manah

30 # Rom 3.22; 10.6, 20; Gal 2.16; 3.24; Plp 3.9; Heb 11.7. Enti pia, baka ni ku jalai kitai bejaku? Orang bansa bukai ke enda begigaka pengelurus, udah bulih pengelurus ulih pengarap; 31#Isa 51.1; Rom 10.2-3; 11.7. tang orang Israel ke begigaka pengelurus beduduk ba Adat, enda ulih nitihka Adat nya. 32#1 Pet 2.8. Nama kebuah? Laban sida enda ngiga pengelurus beduduk ba pengarap, tang beduduk ba utai ti dikereja sida. Sida udah tesangkut ba “batu ti ngasuh tesangkut,” 33#Isa 28.16; Rom 10.11 (Septuagint). munyi ti udah ditulis,

“Peda kita, Aku ngengkahka sigi batu di Sion,

batu ti deka ngasuh orang tesangkut,

batu ti besai ti deka ngasuh sida rebah,

lalu barang sapa arapka Iya, enda malu.”

Currently Selected:

Rome 9: BK

Highlight

Compare

Copy