Rome 2

Pengelurus Ukum Allah Taala

1 # Mat 7.1; Luk 6.37. Nya alai, enda milih sapa-sapa kita nya, kita nadai kebuah ngakim pangan diri, laban lebuh kita ngakim orang, kita ngukum diri empu, laban kita ke ngakim orang, mega ngereja utai ti dikereja sida. 2Ku kita, “Kitai endang nemu, ukum ti diberi Allah Taala ngagai orang ke ngereja utai nya, endang beduduk ba pemendar.” 3Enda milih sapa-sapa kita nya, kati kita ngumbai diri ulih nyeliahka ukum Allah Taala ketegal kita ngakim orang ke ngereja utai nya, tang kita empu ngereja utai nya baka sida? 4#Eps 1.7; Plp 4.19; Kol 1.27; [2] P-dlm 11.23. Tauka kita ngeleseka pemesai penelap Allah Taala, pengetan enggau pengeliat ati Iya? Kati kita enda nemu, Iya nelap enggau kita laban Iya dekaka kita nesal ati ke dosa kita? 5Tang laban kita kieh lalu enggai nesal ati, kita nugungka ukum ke diri empu lebuh Hari Pechara, lebuh pengelurus ukum Allah Taala dipandangka. 6#Mas 62.12; J-lam 24.12. Laban Iya deka ngupah orang nitihka utai ti dikereja sida siku-siku. 7Orang ke liat ati ngereja pemadas, lalu ngiga mulia, basa enggau pengidup ti meruan, deka diberi Iya pengidup ti meruan belama iya. 8Tang orang ke semina berundingka diri empu aja, lalu enda ngasika pemendar, tang ngasika penyai, deka natka pengeringat enggau pemedis ati Allah Taala. 9Pemerinsa enggau penusah deka ditatka semua orang ke ngereja penyai, keterubah orang Judah, lalu mega orang bansa bukai, 10tang mulia, basa enggau pemaik deka diberi ngagai genap iku orang ke ngereja pemadas, keterubah orang Judah, lalu mega orang bansa bukai. 11#U-dat 10.17; 2 Ban 19.7; Gal 2.6; Eps 6.9; Kol 3.25; 1 Pet 1.17. Laban Allah Taala enda bepilih mata.

12 # Rom 3.19; 1 Kor 9.21. Semua orang ke bedosa ari luar Adat,#2.12 Adat; Reti nya: Adat Moses deka mati ari luar Adat, lalu semua orang ke bedosa di baruh Adat, deka diakim Adat. 13#Jas 1.22-23, 25. Laban ukai orang ke mendingka Adat ke dikumbai Allah Taala lurus, tang orang ke ngasika Adat. 14Orang bansa bukai nadai ngembuan Adat; tang tiap kali sida ngereja utai ti diletak Adat, nya nyadika adat sida, taja pen sida nadai ngembuan Adat. 15Pendiau sida nunjukka utai ti disebut Adat bisi ditulis dalam ati sida. Lalu ati sida ti beresi mega madahka nya; lalu sida charut runding, kadang-kadang ngumbai diri udah ngereja penyalah, lalu kadang-kadang ngumbai diri nadai udah ngereja penyalah 16#P-jar 12.14; Rom 16.25; 1 Kor 4.5. lebuh hari nya datai, nitihka Berita Manah ti ditusui aku, lebuh Allah Taala, ulih Jesus Kristus, ngakim resia runding semua mensia.

Orang Judah Enggau Adat Moses

17Tang enti kita ngumbai diri orang Judah, lalu manggaika diri ba Adat, lalu temegahka kaul kita enggau Allah Taala 18lalu nemu peneka Iya, lalu nemu ngira utai ti manah laban kita diajar pasal Adat, 19lalu enti kita nemu diri nyadi malin ke orang ke buta, nyadi penampak ke orang ke diau dalam pemetang, 20#Rom 6.17; 2 Tim 1.13. nyadi pengajar ke orang ke beli, enggau nyadi pengajar ke orang ke mit, laban Adat kita ngembuan semua penemu enggau pemendar, 21#Mat 23.3-4. lalu udah nya kita ngajar orang bukai, kati kita enda ngajar diri empu? Kita ngajar orang, enda nyagi orang ngenchuri, kati kita ngenchuri? 22Kita ke enda nyagi orang butang, kati kita butang? Kita ke begedika engkeramba, kati kita ngerumpak rumah sembiang engkeramba? 23Kita ke temegahka Adat, kati kita ngelanggar Adat lalu ngeleseka Allah Taala? 24#Isa 52.5 (Septuagint). Laban endang udah ditulis, “Nama Allah Taala dikeleseka orang bansa bukai laban kita.”

25 # Jer 9.25. Betutus endang bisi reti ba kita enti kita ngasika Adat, tang enti kita ngelanggar Adat, tutus nya nadai guna. 26#1 Kor 7.19; SKR 10.35. Nya alai, enti orang bansa bukai ke enda ditutus, ngasika Adat, enda ka Allah Taala deka ngira iya sebaka enggau orang ke udah ditutus? 27#Mat 12.41. Nya alai orang bansa bukai ke ngasika Adat deka ngumbai kita orang Judah, ke bisi Adat sereta udah ditutus, salah laban kita ngelanggar Adat. 28#Mat 3.9; Jhn 8.39; Rom 9.6-7; Gal 6.15. Laban sapa orang Judah ke bendar, ke amat udah ditutus? Orang Judah ke bendar nya ukai orang ke semina ditutus ba batang tubuh. 29#U-dat 30.6; 2 Kor 3.6; Plp 3.3; Kol 2.11; 1 Pet 3.4. Orang Judah ke bendar nya orang ke ngaku diri orang Judah dalam ati iya. Lalu tutus ti bendar nya tutus dalam ati ukai ba batang tubuh. Tu pekara roh, ukai pekara tubuh. Orang ke baka nya ukai nerima puji ari mensia, tang ari Allah Taala.

Currently Selected:

Rome 2: BK

Highlight

Compare

Copy