Masmur 99
99
Allah Taala Raja Atas Semua
1 #
P-sut 25.22. TUHAN endang Raja
lalu orang mayuh begetar magang.
Iya duduk ba kerusi diraja Iya ari atas melikat cherub ti besayap,
lalu tanah berenyang.
2 TUHAN bekuasa di Sion.
Iya bekuasa atas semua bansa.
3Semua orang deka muji pemesai mulia nama Iya.
Kudus meh Iya!
4Raja Ti Bekuasa,#99.4 Raja Ti Bekuasa; Hebrew: Kuasa Raja Nuan rinduka utai ti ngena.
Nuan udah numbuhka atur ti lurus di menua Israel.
Nuan udah mai pengelurus enggau atur ti betul.
5Puji meh TUHAN Allah Taala kitai.
Sembah meh Iya di mua kerusi diraja Iya!
Kudus meh Iya!
6Moses seduai Aron udah nyadi imam Iya,
lalu Samuel udah besampi ngagai Iya.
Sida ngangauka TUHAN, lalu Iya nyaut sida.
7 #
P-sut 33.9. Iya bejaku ngagai sida ari gentilang remang.
Sida ngasika adat enggau jaku ti diberi Iya ngagai sida.
8O TUHAN Allah Taala kami, Nuan udah nyaut bala nembiak Nuan.
Nuan udah nunjukka Diri Allah Taala ti ngampun,
taja pen Nuan ngukum sida ketegal dosa sida.
9Puji meh TUHAN Allah Taala kitai,
lalu sembah meh Iya ba bukit Iya ti kudus!#99.9 bukit Iya ti kudus; Peda 2.6
TUHAN Allah Taala kitai endang kudus!
Currently Selected:
Masmur 99: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
