Masmur 94
94
Allah Taala Ngakim Semua
1O TUHAN, Nuan Allah Taala ti ngukum,
pandangka pengeringat Nuan!
2Nuan nyadi Hakim ke kami semua.
Angkat meh Nuan lalu ukum orang ke sumbung
ketegal utai ti udah dikereja sida!
3Ni pengelama orang ke jai agi majak gaga ati?
Ni pengelama agi, TUHAN?
4Ni pengelama orang ke ngereja penyalah agi majak sumbung
lalu temegah bejakuka penyai ti dikereja sida?
5Sida nginsarka bala nembiak Nuan, O TUHAN.
Sida nekanka pengidup orang ke diempu Nuan.
6Sida munuh indu ke balu enggau anak ti nadai apai indai,
lalu munuh orang kampar ti diau di menua kami.
7Ku sida, “Nadai TUHAN ulih meda kitai.
Allah Taala ke disembah orang Israel enda ulih meda kitai.”
8Nembiak aku, nama kebuah kita beli baka nya?
Kemaya kita ulih mereti?
9Indah pending kitai deh digaga Allah Taala - kati Iya enda ulih ninga?
Lalu mata kitai ditempa Iya - kati Iya enda ulih meda?
10Semua bansa diukum Iya magang - kati Iya enggai ngukum sida?#94.10 sida; Tauka: bala tuai kitai ti jai
Iya nyadi pengajar ke semua kitai - kati Iya nadai penemu?
11 #
1 Kor 3.20. TUHAN nemu runding kitai.
Iya nemu pemeli runding kitai.
12O TUHAN, beberekat meh orang ke diajar Nuan,
orang ke diajar Nuan adat Nuan!
13Nuan ngasuh sida belelak ari hari ti penuh laban penusah
nyentuk ngagai maya lubang kebung ditumbak ke orang ke jai.
14 TUHAN enggai ninggalka bala nembiak Iya.
Iya enggai ngelengkaka sida ke endang pesaka Iya.
15Atur ti lurus deka ditemu baru dalam kot,
lalu semua orang ke lurus deka nyukung nya.
16Sapa orang ke udah ngarika aku ngelaban orang ke jai?
Sapa orang ke udah setanah enggau aku ngelaban orang ke ngereja penyai?
17Enti TUHAN enda nulung aku,
aku tentu udah jampat lenyau ngagai dunya pemati.#94.17 dunya pemati; peda 6.5
18Ku aku, “Aku labuh!”
Tang pengerindu Nuan ti meruan belama iya, O TUHAN, ngasuh aku ulih bediri tegap.
19Lebuh ati aku mayuh pengirau,
Nuan merindang aku, lalu ngasuh ati aku gaga.
20Nuan nadai kaul enggau bala hakim ti jai,
ke ngaga atur ti jai lalu ngumbai atur nya betul,
21ke bepekat ngelaban orang ke lurus
lalu meri ukum bunuh ngagai orang ke nadai penyalah.
22Tang TUHAN ngeringka aku.
Allah Taala aku nyaga aku.
23Iya deka ngukum sida ketegal penyai sida
lalu ngerusak sida ketegal dosa sida.
TUHAN Allah Taala kitai deka ngerusak sida.
Currently Selected:
Masmur 94: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
