Masmur 63
63
# 63 Tajuk:
1 Sam 23.14. Lelengauka Allah Taala#63.0 TAJUK DALAM HEBREW: Masmur David, lebuh iya di menua puang menua Judea
1O Allah Taala, Nuan endang Allah Taala aku,
lalu aku lelengauka Nuan.
Aku aus ke Nuan.
Semengat aku aus ke Nuan
baka menua ti rangkai, kusi, ransi nadai ai.
2Awakka aku meda Nuan dalam Endur Nuan Ti Kudus.
Awakka aku meda kuasa enggau mulia Nuan.
3Pengerindu Nuan ti meruan belama iya, endang manah agi ari pengidup.
Nya alai aku deka muji Nuan.
4Aku deka muji Nuan seagi aku idup.
Aku deka ngangkatka jari besampi ngagai Nuan.
5Semengat aku deka diberi makai besai lalu kenyang,
lalu aku deka belagu pantun gaga ati muji Nuan.
6Lebuh aku gali, aku ngingatka Nuan.
Semalam-malam aku berundingka Nuan,
7laban Nuan endang seruran nulung aku.
Aku belagu gaga ati belindung di baruh sayap Nuan.
8Aku empakap ba Nuan,
lalu jari nuan meri aku pengelikun.
9Orang ke nguji munuh aku
deka nurun ngagai dunya pemati.
10Sida deka mati beperang,
lalu bangkai sida deka diempa ukui kampung.
11Raja deka rami gaga
laban Allah Taala meri iya pemenang.
Orang ke ngaga semaya dalam nama Allah Taala, deka muji Iya,
tang mulut orang ke bula, deka ditutup.
Currently Selected:
Masmur 63: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
