Masmur 52
52
Ukum Enggau Pengasih Allah Taala#52.0 TAJUK DALAM HEBREW: Puisi David, udah bekau Doek, orang Edom ke mansang ngagai Saul, lalu madahka pasal David ti udah mupuk ngagai rumah Abimelek
1Nama kebuah nuan temegah bejakuka penyai diri, nuan ke kering?
Penetap ati Allah Taala endang meruan belama iya.
2Nuan ngaga pelan kena ngerusak orang bukai.
Dilah nuan tajam baka lungga.
Nuan endang seruran nempa pemula.
3Nuan rinduka penyai lebih agi ari pemanah,
lalu rinduka pemula lebih agi ari pemendar.
4Nuan rindu ngemediska orang ngena jaku nuan, nuan ke pemula!
5Nya alai Allah Taala deka ngerusak nuan belama iya.
Iya deka nangkap nuan, lalu nabanka nuan ari rumah nuan.
Iya deka muai nuan ari dunya orang ke idup.
6Orang ke lurus deka meda nya, lalu takut.
Udah nya sida deka ketawaka nuan, lalu bejaku,
7“Peda: tu siku orang ke enda minta diri dilindung Allah Taala,
tang bekering ba pengaya
lalu belindung ba pemayuh pemisi iya.”
8Tang aku tu baka kayu kana ti tumbuh dalam rumah Allah Taala.
Aku manggaika diri ba pengerindu Iya ti meruan belama iya.
9Aku deka seruran meri terima kasih ngagai Nuan, O Allah Taala, ketegal utai ti udah dikereja Nuan.
Di mua bala nembiak Nuan,
aku deka madahka pemadas Nuan.
Currently Selected:
Masmur 52: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
