Masmur 41
41
Sampi Lebuh Sakit#41.0 TAJUK DALAM HEBREW: Masmur David
1Beberekat meh orang ke nemu siru enggau orang ke seranta,
laban TUHAN deka nulung sida lebuh sida dituntung penusah.
2 TUHAN deka nyaga sida lalu ngidupka sida.
Iya deka ngasuh sida diau lantang senang di menua Israel.
Iya enggai nejuka sida pedis laban munsuh.
3 TUHAN deka nulung sida lebuh sida sakit
lalu deka ngeraika sida.
4Ku aku bejaku, “Aku udah bedosa ngelaban Nuan, O TUHAN.
Kasihka aku, lalu geraika aku.”
5Bala munsuh aku nyebut utai ti jai pasal aku.
Sida keran deka meda aku mati lalu enda dikingatka agi.
6Orang ke datai ngabas aku, ukai datai mai ati ti lurus.
Sida ngeluluka berita ti jai pasal aku,
lalu udah nya bejalai lalu besiburka berita nya di semua endur.
7Semua orang ke begedika aku, betelai enggau pangan diri pasal aku,
berundingka utai ti pemadu jai pasal#41.7 berundingka utai ti pemadu jai pasal; Tauka: ngaga pelan ti jai kena ngemediska aku.
8Ku sida, “Iya sakit lalu nyau deka mati.
Iya enda ulih angkat agi.”
9 #
Mat 26.23; Mrk 14.18; Luk 22.21; Jhn 13.18. Indah pangan rapat aku, iya ke pemadu dikarapka aku,
ke saum empa saum suap enggau aku,
deh udah nguing ngelaban aku.
10Kasihka aku, O TUHAN, lalu asuh aku gerai baru,
lalu aku deka malas munsuh aku.
11Sida enda ulih menang ngelaban aku,
lalu aku deka nemu Nuan gaga ati ke aku.
12Nuan deka nulung aku, laban aku ngereja utai ti ngena.
Nuan deka mai aku seruran begulai enggau Nuan belama iya.
13 #
Mas 106.48. Puji meh TUHAN Allah Taala ke disembah orang Israel!
Puji meh Iya diatu enggau belama iya!
Amin! Amin!
Currently Selected:
Masmur 41: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
