Masmur 149
149
Pantun Puji
1Puji TUHAN!
Belagu ngena lagu ti baru ke TUHAN.
Puji Iya lebuh bala nembiak Iya begempuru!
2Awakka ati kita gaga, Israel, laban Iya udah ngaga kita.
Rami gaga ati meh kita orang Sion, ke Raja kita!
3Betanda muji nama Iya meh kita,
belagu muji Iya ngena dedumbak enggau belikan.
4Laban TUHAN gaga ati ke nembiak Iya;
Iya meri pemenang ngagai orang ke baruh ati.
5Awakka bala nembiak Allah Taala rami gaga ke pemenang sida,
lalu belagu gaga ati lebuh sida gali ba kerusi-panjai sida.
6 # [2]
2 Ma 15.27. Awakka sida manjung muji Allah Taala,
nyandang pedang ti bemata dua,
7kena sida ngalahka semua bansa
lalu ngukum semua mensia,
8nanchang bala raja sida ngena rantai,
nanchang bala tuai sida ngena rantai besi,
9kena ngukum semua bansa nitihka jaku Allah Taala.
Tu meh pemenang ti diberi Allah Taala ngagai bala nembiak Iya.
Puji TUHAN!
Currently Selected:
Masmur 149: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
