Masmur 101
101
Semaya Raja#101.0 TAJUK DALAM HEBREW: Masmur David
1Lagu aku ngenang pasal penaluk enggau atur ti lurus,
lalu aku nyanyi nya ke Nuan, O TUHAN.
2Aku nadai jai ulah.
Kemaya Nuan deka datai ngagai aku?
Aku deka idup tuchi dalam rumah aku
3lalu aku enggai meda penyai.
Aku begedika utai ti dikereja orang ke ninggalka Allah Taala.
Aku enggai bekaul enggau sida.
4Aku enggai enda betul ati#101.4 enggai enda betul ati; Tauka: deka nyeliahka orang ke enda betul ati
lalu aku enggai bekaul enggau penyai.#101.4 penyai; Tauka: orang ke jai
5Aku deka muru sebarang orang
ke betelai bejaku jai pasal orang bukai.
Aku enggai meda orang
ti sumbung enggau ti tinggi ati.
6Aku deka rinduka orang ke tetap ati ngagai Allah Taala
lalu deka ngemendarka sida diau dalam istana aku.
Orang ke endang amat betul ati
deka dikemendarka bekereja ke aku.
7Orang ke bula enda tau diau dalam istana aku.
Orang ke pura-pura ngapa enda tau diau di mua aku.
8Tiap hari aku deka ngerusak
orang ke jai di menua kitai.
Aku deka muai semua orang ke jai
ari nengeri TUHAN.
Currently Selected:
Masmur 101: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
