Matthew 24
24
Rumah Sembiang Ti Deka Dirusak
(Mark 13.1-31; Luke 21.1-33)
1Jesus pansut ari Rumah Sembiang, lalu lebuh Iya benung bejalai ninggalka rumah nya, sida murid Iya datai lalu nunjukka ngagai Iya semua rumah ti dalam Rumah Sembiang nya. 2#Mat 26.61; 27.39-40; Luk 19.44; Jhn 2.19. Tang ku Iya nyaut sida, “Kita meda semua utai tu. Tang enggau bendar Aku madah ngagai kita, nadai sigi batu nya deka mengkang betusun ditu, tang semua deka diruntuhka magang.”
Penusah Enggau Pemerinsa
(Mark 13.3-13; Luke 21.7-19)
3 #
Luk 17.20; Mat 13.39-40, 49; 28.20; 16.27; [2]
2 Esd 4.51—5.19. Lebuh Jesus duduk ba Bukit Kana, sida murid datai ngagai Iya kediri, lalu bejaku, “Padahka ngagai kami, kemaya semua utai tu deka nyadi, lalu nama tanda ti nunjukka Nuan deka datai baru, enggau pengujung dunya?”
4Disaut Jesus, “Bejaga kita, enggai ke orang nesatka kita. 5#Mat 24.11, 23-24; 1 Jhn 2.18. Laban mayuh orang deka datai dalam nama Aku, ku sida, ‘Aku tu Kristus!’ lalu sida deka nesatka mayuh orang. 6#Pem 6.3-8, 12-17; Isa 19.2. Lalu kita deka ninga munyi perang, enggau berita pasal perang. Tang anang takut, laban utai nya enda tau enda nyadi, tang pengujung apin datai. 7#[2] 2 Esd 13.31. Laban bansa siti deka beperang ngelaban bansa siti, lalu menua siti deka beperang ngelaban menua siti, lalu lapar pungkang enggau tanah berenyang deka nyadi ba mayuh bengkah endur. 8Semua utai tu deka nyadi baka indu ke radai deka beranak.
9 #
Mat 10.17-18, 22; Jhn 15.18; 16.2. “Udah nya sida deka nangkap kita, merinsaka kita, lalu munuh kita, lalu semua bansa deka begedika kita ketegal nama Aku. 10Udah nya mayuh orang deka ngelengkaka pengarap, lalu nyual pangan diri, sereta begedika pangan diri. 11Lalu mayuh nabi ti pelesu deka pegari, lalu nesatka mayuh orang. 12Lalu laban penyai deka nambah-menambah, mayuh orang enda agi rinduka pangan diri. 13#Mat 10.22; Pem 2.7. Tang orang ke tan datai ke ujung, deka diselamatka. 14#Mat 28.19; Rom 10.18. Lalu Berita Manah pasal Perintah Allah Taala deka ditusui di serata dunya, nyadika saksi ngagai semua bansa. Udah nya baru pengujung datai.
Utai Ti Pemadu Jai
(Mark 13.14-23; Luke 21.20-24)
15 #
Dan 9.27; 11.31; 12.11; [2]
1 Ma 1.54; 6.7. “Nya alai lebuh kita meda utai ti jai, ti balat ngenakutka, ti dikenang nabi Daniel, bediri ba endur ti kudus (awakka orang ke macha meretika utai tu), 16awakka orang ke diau di Judea rari ngagai bukit. 17#Luk 17.31. Awakka orang ke ba atas perabung enda nurun ngambi utai ari rumah iya, 18lalu awakka orang ke di umai, enda nikal lalu ngambi serayung iya. 19#Luk 23.29. Naka meh penusah indu ke ngandung enggau sida indai ke nusuka anak lebuh maya nya! 20Besampi kita, ngambika kita ukai rari lebuh musin chelap, tauka lebuh hari Sabat! 21#Dan 12.1; Jol 2.2; Pem 7.14. Laban lebuh maya nya ila penusah ti besai deka nyadi, baka ti nadai udah kala nyadi kenyau ari penumbuh dunya nyentuk ngagai sehari tu, tauka jemah ila. 22Lalu enti penyampau hari nya enda dikurangka, nadai mensia ulih diselamatka. Tang ketegal bala nembiak ke udah dipilih Allah Taala, penyampau hari nya deka dikurangka.
23“Udah nya, enti orang nyebut ngagai kita, ‘Peda kita! Nyin Kristus!’ tauka ‘Nyin Iya!’ anang arapka nya. 24Laban Kristus ti pelesu, enggau nabi ti pelesu endang deka pegari, lalu ngereja kereja ajih, enggau kereja ti nyelai, kena sida nesatka nembiak ti udah dipilih Allah Taala, enti ulih. 25Dinga kita! Aku udah madahka utai tu sebedau iya nyadi.
26 #
Luk 17.23-24; Pem 1.7. “Nya alai, enti orang madah ngagai kita, ‘Peda kita! Nyin Iya di menua puang din,’ anang kita kia. Tauka enti sida nyebut ngagai kita, ‘Peda kita! Iya bisi di bilik!’ anang kita arapka nya. 27Laban Anak Mensia deka datai baka kilat ti nyelar ari timur ngagai barat.
28 #
Luk 17.37; Jop 39.30. Dia alai bangkai, dia meh endur alai burung ti bepakaika bangkai deka begelumu.”
Penatai Anak Mensia
(Mark 13.24-27; Luke 21.25-28)
29 #
Isa 13.10; Jol 2.10, 31; 3.15; Pem 6.12; Esk 32.7. “Enda lama udah bekau penusah ti besai nya nyadi, mata hari deka piam, lalu bulan nadai agi manchar, lalu bintang deka labuh ari langit, lalu kuasa ti di langit deka begegar. 30#Dan 7.13; Sek 12.10-14; Mat 16.27; Pem 1.7. Udah nya tanda Anak Mensia deka pegari di langit, lalu semua mensia di dunya deka ngulit, lalu sida deka meda Anak Mensia datai ba atas remang ari serega, ngena kuasa enggau mulia ti besai. 31#1 Kor 15.52; 1 Tes 4.16; Isa 27.13; Sek 9.14. Terumpit ti besai deka disepu, lalu Anak Mensia deka ngasuh bala melikat Iya bejalai, lalu sida deka ngempuruka semua orang ke udah dipilih Allah Taala ari semua sukut dunya.
Pelajar Ari Kayu Ara
(Mark 13.28-31; Luke 21.29-33)
32“Pelajarka ari kayu ara. Lebuh dan iya nyau geduk, lalu belabuh bekantuk, kita nemu musin panas nyau semak. 33Baka nya mega lebuh kita meda semua utai tu, kita nemu Iya nyau semak, udah datai ba mua pintu. 34#Mat 16.28. Enggau bendar Aku madah ngagai kita, rebak ti diatu apin mati sebedau semua utai tu udah nyadi magang. 35#Mat 5.18; Luk 16.17. Langit enggau dunya deka lenyau, tang leka jaku Aku enda lenyau.
Nadai Orang Nemu Hari Tauka Maya
(Mark 13.32-37; Luke 17.26-30, 34-36)
36“Tang nadai orang nemu hari tauka jam utai tu deka nyadi. Melikat ke di serega enda nemu, lalu Anak Mensia pen enda mega nemu. #24.36 Anak Mensia pen enda mega nemu; Sekeda salin nadai: Anak Mensia pen enda mega nemu. Semina Apai aja nemu. 37#P-kal 6.5-8; 7.6-24; Luk 17.26-27. Baka lebuh maya Noah menya, baka nya meh gaya penatai Anak Mensia. 38Laban berapa hari sebedau bah besai nyadi, orang majak makai ngirup, jadi melaki-bini, nikah, nyentuk ngagai hari Noah tama ke dalam bandung, 39#P-kal 7.6-24. lalu sida nadai nemu utai, nyentuk ngagai maya ai bah datai lalu nabanka semua sida. Baka nya meh gaya penatai Anak Mensia. 40#Luk 17.34-35. Lebuh maya nya ila, dua iku orang deka gawa di umai: siku ditabanka, lalu siku ditinggalka. 41Dua iku indu deka ngisar: siku ditabanka, lalu siku ditinggalka. 42#Mrk 13.35; Luk 12.40; Mat 25.13. Nya alai, bejaga kita, laban kita enda nemu hari#24.42 hari; Sekeda salin: jam Tuhan kita deka datai. 43#Luk 12.39-46. #1 Tes 5.2; Pem 3.3; 16.15; 2 Pet 3.10. Tang kita enda tau enda nemu tu, enti orang ke bempu rumah nemu kemaya penchuri deka datai, iya tentu deka bejaga lalu enda nejuka rumah iya dirumpak. 44Nya alai kita enda tau enda sedia, laban Anak Mensia deka datai ba jam ti enda disangka kita.
Orang gaji Ke Tetap Ati Enggau Ke Enda Tetap Ati
(Luke 12.41-48)
45 #
Mat 25.21, 23. “Nya alai, sapa ulun ke tetap ati sereta bepenemu-dalam, ke udah diasuh tuan iya ngemataka semua ulun ti bukai, ngambika bisi meri sida pemakai ba maya ti patut. 46Beberekat meh ulun nya ke ditemu tuan iya ngereja pengawa nya, lebuh tuan iya datai! 47Enggau bendar Aku madah ngagai kita, tuan iya deka ngasuh ulun nya ngemataka semua reta tengkira iya. 48Tang enti ulun nya jai, iya deka bejaku dalam ati diri, ‘Tuan aku laun datai’ 49#21.34. lalu iya belabuh bepaluka ulun ti bukai, lalu makai ngirup enggau orang ke pemabuk. 50Lebuh tuan iya datai ba hari enggau jam ti enda disangka iya, tauka ditemu iya, 51#Mat 8.12; 13.42, 50; 22.13; 25.30; Luk 13.28. tuan iya deka mepat iya, lalu muai iya sama enggau orang ke pura-pura ngapa,#24.51 orang ke pura-pura ngapa; Tauka: orang ke hipokrit ngagai endur alai orang deka nyabak sereta begerit ngeli.
Currently Selected:
Matthew 24: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia