Matthew 23
23
Bejaga Ari Bala Pengajar Adat Enggau Bala Orang Parisi
(Mark 12.38-39; Luke 11.43, 46; 20.45-46)
1Udah nya Jesus lalu bejaku ngagai orang mayuh enggau ngagai sida murid Iya. 2“Sida pengajar Adat enggau orang Parisi udah diberi kuasa nerangka Adat Moses.#23.2 diberi kuasa nerangka Adat Moses; Sekeda salin: duduk ba penuduk Moses. 3Nya alai, kereja sebarang utai ti diajar sida ngagai kita, lalu titihka ajar nya, tang anang ngereja utai ti dikereja sida, laban sida enda ngereja utai ti diajar sida empu. 4#Luk 11.46; SKR 15.10. Sida nanchangka ma ti berat, ti mar dibai, ba bau orang bukai, tang sida empu enggai enchukirka tunjuk mai ma nya. 5#Mat 6.1; U-dat 6.8; P-pau 15.38. Sida minta diri dipeda orang mayuh lebuh sida ngereja semua pengawa sida. Sida ngaga papak kain ti besai alai sida nuliska jaku ari Bup Kudus, lalu dilekatka sida ba kening enggau ba lengan sida, lalu rambing puting gari sida panjai.#23.5 rambing puting gari sida panjai; Rambing tu dikena sida mandangka pengangkun sida ke Allah Taala (peda P-pau 15.37-41). 6#Mrk 12.38-39; Luk 20.46; 14.7-11; 11.43. Sida rindu duduk ba penuduk ti di atas lebuh pengerami makai besai, enggau duduk ba penuduk ti pemadu manah dalam balai gempuru, 7lalu sida rindu ditabi orang ba sebelah pasar, lalu rindu dikumbai orang ‘Pengajar.’ #23.7 Pengajar; Hebrew: Rabbi 8#Jas 3.1. Tang kita enda tau dikumbai Pengajar, laban kita semina bisi siku aja Pengajar, lalu semua kita tu diri menyadi magang. 9Lalu anang ngumbai orang di dunya tu Apai, laban kita semina bisi siku aja Apai, Iya ke di serega. 10Lalu kita pen enda mega tau dikumbai kepala, laban kita semina bisi siku aja kepala, iya nya Kristus.#23.10 Kristus; Tauka: Messiah 11#Mat 20.26-27; Mrk 9.35; 10.43-44; Luk 22.26. Orang ke pemadu besai ba bala kita deka nyadi kuli kita. 12#Luk 14.11; 18.14; Mat 18.4; 1 Pet 5.6. Semua orang ke ngeninggika diri, deka dikemaruhka, lalu semua orang ke ngemaruhka diri, deka ditinggika.
Jesus Ngakim Orang Ke Pura-pura
(Mark 12.40; Luke 11.39-42, 44, 52; 20.47)
13“Tulah meh kita pengajar Adat, kita orang Parisi, kita ke pura-pura ngapa!#23.13 ke pura-pura ngapa; Tauka: hipokrit! Kita nutup pintu Perintah serega di mua orang mayuh, tang kita empu enda tama, lalu kita nagang orang bukai tama! 14Tulah meh kita pengajar Adat enggau kita orang Parisi! Kita tu orang ke pura-pura ngapa!#23.14 orang ke pura-pura ngapa; Tauka: hipokrit Kita ngerampas rumah indu ke balu, lalu kita pura-pura ngayanka diri lama besampi! Nya alai kita deka diberi ukum ti pemadu berat!
15 #
SKR 2.10; 6.5; 13.43. “Tulah meh kita pengajar Adat enggau kita orang Parisi! Kita tu orang ke pura-pura ngapa!#23.15 Tauka: hipokrit Laban kita belayar meraka tasik, lalu ngelangkah mayuh bengkah menua, nguji mai siku orang ngagai agama kita, lalu kita ngaga orang nya nyadi peranak neraka#23.15 neraka; Gerika: Gehenna dua kali lipat jai agi ari kita empu!
16 #
Mat 5.33-37; 15.14. “Tulah meh kita malin ke buta, ke nyebut, ‘Enti orang besumpah atas nama Rumah Sembiang, utai nya nadai ngawa, tang enti iya besumpah ngena nama emas ti dalam Rumah Sembiang, iya kena tanchang sumpah nya.’ 17#P-sut 30.29. Kita tu buta sereta beli! Laban ni ti besai agi, emas tauka Rumah Sembiang ti ngasuh emas nya kudus? 18Lalu ku kita, ‘Enti orang besumpah atas nama alta, utai nya nadai ngawa, tang enti iya besumpah atas nama pemeri ti ba alta nya, iya kena tanchang sumpah nya.’ 19Kita tu buta! Laban ni ti besai agi, pemeri tauka alta ti ngasuh pemeri nya kudus? 20Nya alai orang ke besumpah atas nama alta, besumpah mega atas nama alta nya enggau atas nama semua pemeri ti ba alta nya, 21#1 Raj 8.13; Mas 26.8. lalu orang ke besumpah atas nama Rumah Sembiang, besumpah mega atas nama Rumah Sembiang nya enggau atas nama Allah Taala ti diau dalam Rumah Sembiang nya, 22#Isa 66.1; Mat 5.34. lalu orang ke besumpah atas nama serega, besumpah mega atas nama kerusi diraja Allah Taala enggau atas nama Iya ke duduk ba kerusi diraja nya.
23 #
Lew 27.30; Luk 11.42; Mik 6.8. “Tulah meh kita pengajar Adat, enggau kita orang Parisi! Kita tu orang ke pura-pura ngapa!#23.23 orang ke pura-pura ngapa; Tauka: hipokrit Laban kita meri sepuluh peratus ari rempah kita, baka telasih, adas manis, enggau jintan, tang kita enggai ngereja utai ti beguna agi dalam Adat, baka pengelurus, pengasih enggau pengarap. Semua utai nya patut dikereja kita, tang anang nejuka utai bukai nya enda dikereja. 24Kita tu malin ke buta! Kita muai lalat ari ai irup kita, tang kita nelan unta!
25 #
Luk 11.39-41; Mrk 7.4. “Tulah meh kita pengajar Adat, enggau kita orang Parisi! Kita tu orang ke pura-pura ngapa!#23.25 Tauka: hipokrit Laban kita nuchi mangkuk enggau chapak kita ari luar, tang dalam nyin sida penuh laban pengamu enggau ati ti semina berundingka diri empu aja. 26Kita orang Parisi endang amat buta! Tuchi dulu mangkuk enggau chapak kita ari dalam, ngambika sida mega tuchi ari luar!
27 #
Mas 5.9; Luk 11.44; SKR 23.3. “Tulah meh kita pengajar Adat, enggau kita orang Parisi! Kita tu orang ke pura-pura ngapa! Laban kita tu baka kubur ti udah dichat burak, ti manah gaya dipeda ari luar, tang dalam nyin kita penuh laban tulang enggau semua macham utai ti kamah. 28Nya alai, di luar gamal kita baka ke lurus, tang dalam nyin kita penuh laban ati ti pura-pura ngapa enggau penyai.
Jesus Madahka Ukum Sida
(Luke 11.47-51; Kereja Rasul 7.51-53)
29“Tulah meh kita pengajar Adat enggau kita orang Parisi! Kita tu orang ke pura-pura ngapa! Laban kita begagaka kubur ti manah ke sida nabi, lalu ngelagu tiang pengingat ke orang ke lurus, 30lalu ku kita, ‘Enti sema kami idup lebuh maya aki ini kami kelia, kami tentu enggai enggau sida munuh bala sida nabi!’ 31Nya meh jalai kita besaksi ngelaban diri empu, laban kita madahka diri peturun orang ke udah munuh sida nabi. 32Nya alai tembuka meh pengawa ti udah ditumbuhka bala aki ini kita! 33#Mat 3.7; Luk 3.7. Kita ular, kita anak ular! Baka ni ku kita ulih nagang diri dibuai ngagai neraka? #23.33 neraka; Gerika: Gehenna 34#Luk 11.49-51; 2 Ban 36.15-16; Mat 10.17, 23. Nya alai, Aku ngirumka ngagai kita bala sida nabi, enggau orang ke bepenemu-dalam, enggau sida pengajar Adat. Sekeda sida deka dibunuh kita, lalu diregang, sekeda disipat kita dalam balai gempuru kita, lalu diperinsaka kita ari nengeri sebuah ngagai nengeri sebuah, 35#P-kal 4.8; 2 Ban 24.20-21; Heb 11.4; Sek 1.1. ngambika kita ditinggang darah orang ke lurus ke udah dibunuh kita di dunya tu, belabuh ari darah Abel ke nadai penyalah, nyentuk ngagai darah Sekariah anak Berekiah ke dibunuh kita ba entara Endur ti Kudus enggau alta. 36#Mat 10.23; 16.28; 24.34. Enggau bendar Aku madah ngagai kita, semua utai nya deka ninggang rebak ti diatu!
Jesus Nyabak Ke Jerusalem
37 #
Luk 13.34-35. “O Jerusalem, Jerusalem! Nuan munuh sida nabi lalu nuku ngena batu bala seruan ke dikirumka Allah Taala ngagai nuan! Aku suah udah deka ngaul semua nembiak nuan, baka indu manuk ti ngempuruka anak di baruh sayap iya, tang nuan enggai nejuka Aku! 38#1 Raj 9.7; Jer 22.5. Nya alai rumah nuan deka ditinggalka puang nadai orang nguan. 39#Mat 21.9; Mas 118.26. Laban, Aku madah ngagai nuan, berengkah ari diatu, nuan nadai agi meda Aku nyentuk ngagai maya nuan nyebut, ‘Beberekat meh Iya ke datai dalam nama Tuhan.’ ”
Currently Selected:
Matthew 23: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia