Matthew 20
20
Orang Ke Gawa Dalam Kebun Anggur
1 #
Mat 21.28, 33. “Laban Perintah serega nya baka orang siku ke mupuk tumu pagi ngiga orang ke tau digaji iya gawa ba kebun anggur iya. 2Lebuh iya udah besetuju deka meri gaji sesingkap duit pirak#20.2 sesingkap duit pirak; Gerika: satu denarius sehari ngagai siku-siku sida, iya lalu ngasuh sida bekereja ba kebun anggur iya. 3Iya mupuk baru ke pasar ba urung pukul semilan, lalu tepedaka sekeda orang ke lelaki beketegir ngapa enda gawa. 4Iya lalu bejaku ngagai sida, ‘Alai kita gawa ba kebun anggur. Aku deka meri kita gaji ti patut.’ Sida lalu mupuk. 5Iya ngereja baka nya baru ba urung pukul dua belas, enggau ba urung pukul tiga. 6Ba urung pukul lima, iya bejalai ke pasar, lalu tepedaka sekeda lelaki ti bukai mengkang beketegir enda gawa. Lalu ku iya bejaku ngagai sida, ‘Nama kebuah kita masau jam sehari-hari tu enda gawa?’ 7Sida lalu nyaut, ‘Laban orang nadai ngasuh kami gawa.’ Ku iya bejaku ngagai sida, ‘Alai kita gawa ba kebun anggur.’
8 #
Lew 19.13; U-dat 24.15. “Lebuh hari nyau lemai, orang ke bempu kebun nya lalu madah ngagai mandur, ‘Kangauka bala orang gaji lalu bayar gaji sida, belabuh ari sida ke pemadu dudi, nyentuk ngagai sida ke pemadu dulu.’ 9Lebuh orang gaji ke berengkah gawa ari pukul lima datai, sida lalu dibayar sesingkap duit pirak siku. 10Lebuh orang ke pemadu dulu gawa datai, sida ngumbai diri deka nerima gaji ti besai agi. Tang sida mega diberi sesingkap duit pirak siku. 11Lebuh sida nerima gaji nya, sida lalu mut-mut ngagai orang ke ngaji sida. 12Ku sida, ‘Orang ke pemadu dudi semina bekereja sejam aja, lalu nuan udah ngaga gaji sida sebaka enggau gaji kami ke udah bekereja sehari-hari tu natka diri laban panas.’ 13#Mat 22.12; 26.50. Tang ku iya nyaut sida, ‘Unggal, nadai aku ngakal nuan. Ukai enda nuan empu ke besetujuka gaji sesingap duit pirak?#20.13 sesingkap duit pirak; Gerika: satu denarius 14Ambi gaji nuan, lalu pulai. Aku empu ke meri gaji ngagai orang ke pemadu dudi tu ngenyampau ti diberi aku ngagai nuan. 15#Mat 6.23; Mrk 7.22; U-dat 15.9. Kati aku enda tau ngena duit aku sepeneka ati aku? Tauka nuan kepapas meda aku gerah mudah meri utai ngagai orang?’#20.15 nuan kepapas meda…meri utai ngagai orang; Gerika: Kati mata nuan jai laban Aku badas?
16 #
Mat 19.30; Mrk 10.31; Luk 13.30. Nya alai, orang ke dudi deka nyadi dulu, lalu orang ke dulu deka nyadi dudi.”
Jesus Bejaku Ketiga Kali Pasal Pemati Iya
17 #
Mrk 10.32-34; Luk 18.31-34; Mat 16.21; 17.12, 22-23; 26.2. Lebuh Jesus mansang ngagai Jerusalem, Iya mai murid ke dua belas iku ke tisi lebuh sida benung di rantau jalai, lalu bejaku ngagai sida, 18“Dinga kita, kitai deka mupuk ngagai Jerusalem, lalu Anak Mensia deka diserahka ngagai bala tuai imam, enggau ngagai bala pengajar Adat, lalu sida deka ngasuh Iya diukum bunuh. 19Sida deka nyerahka Iya ngagai orang bansa bukai, ti deka beduan Iya, nyipat Iya, lalu ngeregang Iya. Tang ba hari ti ketiga Iya deka diangkatka idup baru.”
Peminta Siku Indai
20 #
Mrk 10.35-41. #Mat 8.2; 9.18; 15.25; 18.26; Jhn 9.38. Udah nya bini Sebedi datai ngagai Jesus, mai anak lelaki iya ke dua iku. Iya besugang di mua Jesus, lalu minta Iya ngereja siti utai.
21 #
Mat 19.28. Jesus lalu nanya iya, “Nama utai dipinta nuan?”
Ku bini Sebedi nyaut, “Awakka anak aku dua iku tu duduk muak ari kanan enggau ari kiba Nuan dalam Perintah Nuan.”
22 #
Mat 26.39; Jhn 18.11. Tang ku Jesus nyaut iya, “Kita enda nemu utai ti dipinta kita. Kati seduai ulih ngirup ari mangkuk ti deka diirup Aku?”
Seduai iya lalu nyaut, “Ulih.”
23 #
SKR 12.2; Pem 1.9; Mat 13.11. Ku Jesus bejaku ngagai seduai iya, “Seduai deka ngirup ari mangkuk Aku, tang pasal duduk muak ari kanan enggau ari kiba Aku, Aku nadai kuasa ngeletak nya. Penuduk nya udah disediaka Apai Aku ke orang ke bempu kerusi nya.”
24Lebuh murid ke sepuluh iku ninga nya, sida lalu pedis ati ngagai seduai menyadi nya. 25#Mrk 10.42-45; Luk 22.25-26. Tang Jesus ngangauka sida, lalu bejaku, “Kita nemu, orang ke merintah orang bansa bukai, nekanka pengidup orang ke dipegai sida, lalu bala tuai sida merinsaka sida. 26#Mat 23.11; Mrk 9.35; Luk 22.26. “Tang ba kita utai nya enda baka nya. Barang sapa deka nyadi orang ke besai ba bala kita, enda tau enda nyadi kuli semua kita, 27lalu barang sapa deka nyadi dulu ba bala kita, enda tau enda nyadi ulun kita, 28#Mat 26.28; 1 Tim 2.5-6; Jhn 13.15-16; Tit 2.14; 1 Pet 1.18. baka Anak Mensia ke datai ukai minta Diri dibela, tang laban Iya deka mela, lalu nyerahka nyawa Diri kena nebus orang mayuh.”
Jesus Ngeraika Dua Iku Orang Buta
29 #
Mrk 10.46-52; Luk 18.35-43; Mat 9.27-31. Lebuh sida mupuk ari Jeriko, mayuh amat orang nitihka Iya. 30Nyadi ba endur nya bisi dua iku orang buta duduk ba tisi jalai. Lebuh seduai iya ninga Jesus mansa, seduai iya lalu ngangau, “Kasihka kami, Anak David!”#20.30 Sekeda salin: Tuhan, kasihka kami, Anak David!
31Bala orang mayuh lalu balat amat ngerara seduai iya, ngasuh seduai iya badu agi ragak. Tang seduai iya ngangau inggar agi, “Tuhan, Anak David, kasihka kami!”
32Jesus ngetu, lalu ngangauka seduai iya. Ku Iya, “Nama utai ti diasuh seduai kereja Aku ke seduai?”
33Ku seduai iya bejaku, “Tuhan, awakka kami duai ulih meda!”
34Jesus sinu ati ke seduai iya. Iya negu mata seduai iya, lalu tekala nya seduai iya ulih meda. Seduai iya lalu nitihka Jesus.
Currently Selected:
Matthew 20: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia