Matthew 17
17
Gamal Berubah
(Mark 9.2-13; Luke 9.28-36)
1 #
2 Pet 1.17-18; Mat 26.37; Mrk 5.37; 13.3. Enam hari udah bekau nya, Jesus mai enggau Iya Peter, James enggau menyadi James ke benama John, niki ngagai bukit sigi ti tinggi, kediri sida aja. 2Sida lalu meda gamal Iya berubah. Mua Iya manchar baka mata hari, lalu gari Iya bebali beperenching burak. 3Sida lalu tekala nya meda Moses seduai Elijah pegari lalu bejaku enggau Iya. 4Lalu ku Peter bejaku ngagai Jesus, “Tuhan, manah kitai diau ditu! Enti Nuan deka, awakka aku#17.4 Sekeda salin: kami ngaga tiga buah langkau kain ditu, sebuah ke Nuan, sebuah ke Moses, lalu sebuah ke Elijah.”
5 #
P-kal 22.2; Mas 2.7; Isa 42.1; Mat 3.17; 12.18; Mrk 1.11; Luk 3.22; Jhn 12.28; U-dat 18.15; 2 Pet 1.17-18. Lebuh Peter agi benung bejaku, siti remang ti terang ngayung sida, lalu nyawa bisi didinga bejaku ari dalam remang nya, “Tu Anak ke dikesayauka Aku. Aku rinduka Iya. Pendingka Iya!”
6Lebuh sida murid ninga nya, sida lalu nyungkurka diri ke tanah, laban sida kelalu balat takut. 7Tang Jesus datai lalu negu sida. Ku Iya, “Angkat. Anang takut!” 8Lebuh sida tiga engkadah, sida nadai meda orang bukai, semina Jesus aja.
9 #
Mat 8.4; 16.20; Mrk 3.12; 5.43; 7.36. Lebuh sida nurun ari bukit nya, Jesus nangkan sida tiga enggau jaku, ku Iya, “Anang madahka pasal genera nya ngagai orang, nyentuk ngagai maya Anak Mensia udah diangkatka idup baru ari mati.”
10 #
Mal 4.5; Mat 11.14; Mrk 9.11-13. Sida murid lalu nanya Iya, “Nama kebuah sida pengajar Adat madahka Elijah deka dulu datai?”
11 # [2]
Sir 48.10. Disaut Jesus, “Elijah endang amat dulu datai, lalu nyendiaka semua utai. 12#Mat 11.14; 16.21; 17.22; 20.17; 26.2; Luk 17.25. Tang, Aku madah ngagai kita, Elijah udah datai, lalu sida enda ngelala iya, tang merinsaka Iya sepeneka ati sida. Baka nya mega sida deka merinsaka Anak Mensia.”
13Nya baru sida murid nemu Iya bejaku ngagai sida pasal John Pemaptisa.
Jesus Ngeraika Nembiak Ke Dirasuk Antu
(Mark 9.14-29; Luke 9.37-43a)
14Lebuh sida datai ba bala mayuh, siku orang datai ngagai Jesus, besugang di mua Iya, lalu bejaku, 15“Tuhan, kasihka anak aku, laban iya sakit gila-babi, lalu balat amat merinsa. Iya suah udah rebah ngagai api, tauka ngagai ai. 16Aku udah mai iya ngagai sida murid Nuan, tang sida enda ulih ngeraika iya.”
17Jesus lalu nyaut, “Kita tu orang ke enda tetap ati sereta jai! Ni pengelama Aku enda tau enda begulai enggau kita? Ni pengelama Aku enda tau enda sabar enggau kita? Bai iya kitu ngagai Aku!” 18Jesus lalu ngerara antu nya, lalu antu nya pansut ari nembiak nya, lalu nembiak nya gerai tekala nya.
19 #
Mrk 9.28-29. Udah nya sida murid datai kediri ngagai Jesus, lalu bejaku, “Nama kebuah kami enda ulih muru antu nya?”
20 #
Mat 21.21; Mrk 11.23; 1 Kor 13.2. Disaut Iya, “Laban kita mit pengarap. Laban, enggau bendar Aku madah ngagai kita, enti kita bisi pengarap ngemesai igi ensabi, kita ulih bejaku ngagai bukit tu, ‘Mindah ari tu ngagai nyin!’ lalu bukit nya deka mindah. Nadai utai enda ulih dikereja kita! 21Tang utai bansa tu semina ulih diburu ngena sampi enggau bepasa.”
Jesus Bejaku Baru Ke Pasal Pemati Iya
(Matthew 16.21; 20.17-19; 26.2; Mark 9.30-32; Luke 9.43b-45)
22Lebuh semua murid begempuru di Galili, Jesus bejaku ngagai sida, “Anak Mensia deka diserahka ngagai orang 23lalu sidai deka munuh Iya, lalu Iya deka diangkatka idup baru ari mati ba hari ti ketiga.” Ati sida lalu balat tusah.
Mayar Duit Pupu Rumah Sembiang
24 #
P-sut 30.13; 38.26. Lebuh sida datai di Kapernaum, orang ke ngumpul duit pupu ke Rumah Sembiang mansang ngagai Peter, lalu nanya, “Kati pengajar kita enda mayar duit pupu Rumah Sembiang?”
25 #
Rom 13.7; Mat 22.17-21. “Mayar,” ku Peter nyaut.
Lebuh Peter pulai ke rumah, Jesus lalu bejaku dulu enggau iya. Ku Iya, “Baka ni ku penemu nuan, Simon? Ari sapa raja dunya ngambi chukai tauka pupu? Ari peranak menua nya empu, tauka ari orang bukai?”
26“Ari orang bukai,” ku Peter nyaut.
Lalu ku Jesus, “Enti pia, peranak menua enda ibuh mayar chukai. 27#Mat 5.29; 18.6-9; Jhn 6.61; 1 Kor 8.13.Tang ngambika sida enda pedis ati, alai nuan mupuk ngagai danau, lalu ulurka ginti. Dalam nyawa ikan ti terubah diejut nuan, nuan deka tetemuka sesingkap duit.#17.27 Gerika: stater; Rega stater nya: dua didrachmas Bai duit#17.27 dua didrachmas nya lalu beri ngagai sida, ke Aku enggau ke nuan.”
Currently Selected:
Matthew 17: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia