Matthew 16
16
Orang Minta Kereja Ajih
(Mark 8.11-13; Luke 12.54-56)
1 #
Mat 12.38; Luk 11.16. Orang Parisi enggau orang Saduki lalu datai ngagai Jesus, deka nguji Iya. Sida minta Iya ngayanka ngagai sida siti tanda ari serega. 2Ku Jesus nyaut sida, “Lebuh hari nyau lemai, kita nyebut, ‘Manah hari pagila, laban langit mirah.’ 3Lalu lebuh pagi hari kita nyebut, ‘Kabut hari sehari tu lagi, laban langit mirah sereta mambam.’ Kita nemu madahka gaya hari ari utai ti dipeda kita di langit, tang kita enda nemu macha tanda utai ti nyadi diatu! 4#Mat 12.39; Luk 11.29. Rebak ti jai sereta enda tetap ati tu begigaka tanda, tang tanda enda diberi, kelimpah ari tanda Jonah.” Iya ninggalka sida, lalu mupuk ari endur nya.
Ragi Orang Parisi Enggau Orang Saduki
(Mark 8.14-21)
5Lebuh sida murid datai di seberai danau nya, sida enda ingat mai roti. 6#Luk 12.1. Ku Jesus bejaku enggau sida, “Bejimat sereta bejaga ari ragi orang Parisi enggau ragi orang Saduki.”
7Sida lalu berandau enggau pangan diri. Ku sida, “Kitai nadai mai roti.”
8 #
Mat 6.30; 8.26; 14.31. Tang Jesus nemu utai ti disebut sida, lalu ku Iya, “Mit amat meh pengarap kita. Nama kebuah kita berandauka pasal nadai roti? 9#Mat 14.17-21. Kati kita lalu apin mereti? Kati kita enda ingatka lima iti roti ke lima ribu iku lelaki? Berapa bakul teda digumpul kita? 10#Mat 15.34-38. Tauka tujuh iti tuku roti ke empat ribu iku orang? Berapa bakul teda digumpul kita? 11Nama kebuah kita lalu enda mereti? Aku ukai bejakuka pasal roti. Bejaga kita ari ragi orang Parisi enggau ragi orang Saduki!”
12Nya baru sida nemu Iya ukai ngasuh sida bejaga ari ragi ti dikena ngaga roti, tang bejaga ari ajar orang Parisi enggau ari ajar orang Saduki.
Peter Madahka Sapa Jesus
(Mark 8.27-30; Luke 9.18-21)
13Lebuh Jesus datai semak menua Sesaria Pilipi, Iya lalu nanya sida murid Iya, “Ba penemu orang, sapa Anak Mensia?”
14 #
Mat 14.12; Mrk 14.15; Luk 9.7-8. Ku sida nyaut, “Sekeda ngumbai Iya John Pemaptisa. Sekeda ngumbai Iya Elijah, lalu sida ti bukai ngumbai Iya Jeremiah tauka siku ari nabi ti bukai.”
15Iya lalu nanya sida, “Sapa Aku tu ku kita?”
16 #
Mat 1.16; Jhn 6.68-69. Simon Peter lalu nyaut, “Nuan tu Kristus, Anak Allah Taala ti idup.” 17#1 Kor 15.50; Gal 1.16; Eps 6.12; Heb 2.14. Jesus lalu nyaut, “Beberekat meh nuan, Simon anak John! Laban mensia nadai madahka utai tu ngagai nuan, tang Apai Aku ti di serega. 18#Jhn 1.40-42; 21.15-17; 1 Kor 15.5. Lalu Aku madah ngagai nuan, nuan tu Peter #16.18 Peter; Gerika: Petros, reti nya, batu lalu ba batu #16.18 batu; Gerika: petra tu Aku deka nirika gerija#16.18 gerija; Jaku Gerika: eklisia, reti nya, raban orang Kristian Aku, lalu pintu neraka enda ulih ngalahka iya. 19#Isa 22.22; Pem 1.18; Mat 18.18; Jhn 20.23. Aku deka meri nuan kunchi Perintah serega, lalu sebarang utai ditanchang nuan di dunya tu, deka ditanchang di serega, lalu sebarang utai dibuka nuan di dunya tu, deka dibuka di serega.”
20 #
Mat 8.4; Mrk 3.12; 5.43; 7.36; 9.9. Jesus lalu berat-rat enda nyagi sida murid madah ngagai orang Iya nya Kristus.
Jesus Bejakuka Pasal Pemerinsa Enggau Pemati Iya
(Mark 8.31—9.1; Luke 9.22-27)
21 #
Mat 17.22-23; 20.17-19; Luk 17.25; Mat 17.12; 26.2. Berengkah ari nya, Jesus lalu belabuh madah ngagai sida murid Iya, Iya enda tau enda mansang ngagai Jerusalem lalu natka Diri diperinsaka bala tuai bansa, bala tuai imam, enggau bala pengajar Adat, lalu dibunuh, lalu diangkatka idup baru ari mati ba hari ti ketiga.
22Peter lalu mai Iya ke tisi, lalu belabuh ngerara Iya. Ku Peter, “Allah Taala enda nyagi utai nya nyadi, Tuhan! Utai nya enda tau sekali-kali nyadi ba Nuan!”
23 #
Mat 4.10. Tang Jesus nguing lalu bejaku ngagai Peter, “Rari ari Aku, Sitan! Nuan mempang jalai Aku, laban nuan berundingka utai mensia, ukai utai Allah Taala.”
24 #
Mat 10.38; Luk 14.27. Jesus lalu madah ngagai sida murid Iya, “Enti orang deka nitihka Aku, awakka iya badu agi berundingka diri empu, ngesan regang iya, lalu nitihka Aku. 25#Mat 10.39; Luk 17.33; Jhn 12.25. Laban barang sapa deka ngidupka nyawa diri, deka ngelenyauka iya, lalu barang sapa ngelenyauka nyawa diri ketegal Aku, deka tetemuka iya. 26Laban nama penguntung orang, enti iya bempu semua dunya, tang ngelenyauka nyawa diri? Tauka, nama utai ti patut diberi orang kena iya nyilih nyawa diri? 27#Mat 25.31; Mas 62.12; Rom 2.6. Laban Anak Mensia enggau bala melikat Iya deka datai dalam mulia Apai Iya, lalu ngupah genap iku orang nitihka utai ti udah dikereja sida siku-siku. 28#Mat 10.23; 1 Kor 16.22; 1 Tes 4.15-18; Pem 1.7; Jas 5.7. Enggau bendar Aku madah ngagai kita, sekeda orang ke bediri ditu diatu apin mati sebedau sida meda Anak Mensia datai enggau Perintah Iya.”
Currently Selected:
Matthew 16: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia