Jop 7
7
1Pengidup mensia endang baka pengidup soldadu,
Baka pengidup orang ke dipejalka ngereja pengawa ti berat,
2Baka ulun ke bisi ati deka belelak ba endur ti lindung,
Baka orang gaji ke nganti diri terima gaji.
3Tiap bulan aku nadai kebuah idup.
Tiap malam aku semina nemu pemerinsa.
4Lebuh aku gali deka tinduk, jam asai ti panjai.
Aku gali kasak-kasak semalam-malam nganti hari tawas.
5Tubuh aku penuh laban ulat.
Tubuh aku dibalut kerutup.#7.5 kerutup; Tauka: keruping
Nanah nyau melilih pansut ari rumbak aku.
6Aku mansang tuai-setuai, nadai pengadang agi,
Laju agi ari ripang ti dikena orang betenun.
7Ingat, O Allah Taala, pengidup aku semina kesuh seput aja.
Pengelantang ati aku nyau udah abis.
8Diatu Nuan meda aku, tang jemah ila Nuan nadai agi meda aku.
Enti Nuan ngiga aku, aku nadai agi.
9-10 # [2]
P-dlm 2.1-4. Kami mensia mati, lalu enda pulai agi,
Baka mua hari ti majak ayas-seayas lalu lesap.
Semua orang ke udah bekelala enggau kami, nadai agi ingatka kami.
11Aku enda ulih nagang diri bejaku!
Aku ringat sereta pedis ati.
Aku enda tau enda bejaku.
12Nama kebuah Nuan ngasuh aku dijaga orang?
Kati Nuan ngumbai aku naga tasik?#7.12 naga tasik; Nyebut pasal jerita lama ti nusui pasal naga tasik ti enda tau enda dijaga ngambika sida enda rari lalu ngerusak utai
13Aku gali nguji belelak,
Ngarapka diri badu agi pedis.
14Tang Nuan ngemba aku ngena mimpi.
Nuan ngasuh aku begenera sereta ngigau,
15Datai ke aku nyau minta diri dichekal lalu mati
Ari ke idup dalam tubuh ti merinsa tu.
16Aku enggai agi idup. Aku nyau lelak idup.
Awakka aku diau kediri. Pengidup aku nadai reti agi.
17 #
Mas 8.4; 144.3. Nama kebuah mensia beguna ba Nuan?
Nama kebuah Nuan ibuhka utai ti dikereja sida?
18Nuan meresa sida tiap pagi
Lalu nguji sida tiap minit.
19Kati Nuan enggai malik kebukai enda lama
Chukup peluang alai aku nelan liur?
20Kati dosa aku bisi ngemediska Nuan ke ngejil aku?
Nama kebuah Nuan belatih nimbakka laja ngagai aku?
Kati aku kelalu ngenusahka Nuan?
21Kati Nuan enda ulih ngampun dosa aku?
Kati Nuan enda ulih ngampun penyalah aku?
Enda lama da agi aku deka diau dalam kubur
Lalu lebuh Nuan ngiga aku, Nuan enda tetemuka aku.
Currently Selected:
Jop 7: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
