Jop 26
26
Ku Jop
1-2Naka meh pemendar nuan nulung aku
ke seranta, ke lemi tu!
3Nuan meri jaku lalau ti manah
lalu nuan magi penemu nuan ngagai orang ke beli baka aku tu!
4Dalam pikir nuan, sapa deka ningaka semua jaku nuan?
Sapa ngasuh nuan bejaku baka tu?
[Ku Bildat]#26.4 Bildat; Nama tu nadai disebut dalam teks Hebrew, tang jaku tu suah dikumbai jaku Bildat
5Roh orang ke mati begetar
di dunya pemati.
6Ba mata Allah Taala, dunya pemati endang tebuka.
Nadai utai ngelindung dunya nya ari mata Iya.
7Allah Taala mintarka langit utara
lalu ngitang dunya ba langit ti puang.
8Allah Taala ngisi mua hari enggau ai
lalu nagang mua hari pambus laban pemerat ai nya.
9Iya ngelalaika bulan peranama di belakang mua hari.
10Iya nyeraraka penampak ari pemetang
ngena siti chengkerung ti digaga ba atas ai.
11Lebuh Iya ngemba tiang ti nungkat langit,
tiang nya takut lalu berenyang sereta begetar.
12Pengering Allah Taala ti ngalahka tasik.#26.12 ngalahka tasik; Ngenang pasal jerita lama ti madahka tasik beperang ngelaban Allah Taala
Iya ngena pemintar Iya ngerusak naga ke benama Rahap#26.12 Rahap; Peda 9.13
13Kesuh seput Allah Taala ti ngasuh langit terang,
lalu jari Iya ti munuh naga ti rari nya.#26.13 naga ti rari nya; Peda 9.8
14Tang tu semina nunjukka mimit aja pemesai kuasa Iya,
semina jaku telai ti udah didinga kitai.
Sapa nemu pemesai kuasa Allah Taala?
Currently Selected:
Jop 26: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
