Jop 10
10
1Aku nyau leju idup.
Pendingka pemalat putap aku.
2Anang ngukum aku, O Allah Taala.
Padahka penyalah aku ti dikena Nuan bedawaka aku?
3Kati Nuan patut ngemalat nya merinsaka aku?
Lalu mechat utai ti udah digaga Nuan Empu?
Lalu udah nya tuchum meda pelan orang ke jai?
4Kati Nuan meda utai baka chara kami?
5Kati umur Nuan pandak baka umur kami?
6Nama kebuah Nuan mansik dosa aku
Lalu begigaka semua penyalah aku?
7 # [2]
P-dlm 16.15. Nuan nemu aku endang nadai penyalah.
Nuan nemu orang sigi nadai ulih ngelepaska aku ari jari Nuan.
8Jari Nuan Empu ti ngaga nempa aku,
Lalu diatu jari nya mega ngerusak aku.
9Kingatka Diri ti udah ngaga aku ari tanah liat.#10.9 ari tanah liat; Hebrew: baka tanah liat
Kati Nuan deka nginsarka aku nyadi amau baru?
10 # [2]
P-dlm 7.1-2. Nuan udah meri pengering ngagai apai aku, ngambika aku dikandungka.
Nuan udah ngasuh aku mansang besai dalam kandung indai aku.
11Nuan udah ngaga tubuh aku ngena tulang enggau rakat
Lalu malut tulang nya ngena gumpal isi enggau kulit.
12Nuan udah meri aku pengidup enggau pengerindu ti enda berubah
Lalu aku idup laban Nuan ngibun aku.
13Tang diatu aku nyau nemu,
Nuan endang lama udah berunding deka ngemediska aku.
14Nuan nengkilaka meda enti aku deka bedosa,
Ngambika Nuan enggai ngampun aku.
15Lebuh aku bedosa, aku lalu kena laban penusah ketegal Nuan,
Tang lebuh aku ngereja utai ti ngena, aku enda ulih ngangkatka pala diri
Laban aku malu,
Sereta balat merinsa.
16Lalu enti aku ulih ngangkatka pala diri
Nuan lalu baka singa, ngasu aku.
Indah kereja ajih deh dikena Nuan ngelaban aku.
17Nuan endang seruran bisi saksi ngelaban aku.
Pengeringat Nuan ngagai aku mansang balat-sebalat.
Nuan endang seruran bekiraka chara kena Nuan nyerang aku.
18O Allah Taala, nama kebuah Nuan ngelakka aku ada?
Aku patut udah mati sebedau orang meda aku,
19Lalu pansut ari kandung terus ngagai pendam
Baka ti nadai kala idup.
20Umur aku nyau deka abis. Anang ngachau aku!
Awakka aku ngelantangka diri kala lebuh aku agi idup.
21Aku deka mupuk enda lama da agi, lalu enda pulai agi,
Mansang ngagai menua ti piam sereta petang,
22Menua pemetang, alai ayuk enggau penyarut nyadi
Alai penampak empu nyadi pemetang.
Currently Selected:
Jop 10: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
