Jop 1
1
Sitan Nguji Jop
1Dulu menya bisi orang siku benama Jop. Iya diau di menua Us,#1.1 menua Us; menua tu enda ditemu endur Iya tu orang ke badas sereta lurus, nangika Allah Taala sereta enggai ngereja penyai. 2Iya bisi tujuh iku anak lelaki, enggau tiga iku anak indu. 3Iya bisi tujuh ribu iku jelu bedus, tiga ribu iku unta, seribu iku sapi, enggau lima ratus iku keledai. Orang gaji iya mega mayuh, lalu iya orang ke pemadu kaya di Timur.
4Bala anak lelaki Jop selalu begintir-gintir nyendiaka pengerami makai besai, lalu semua sida menyadi ti lelaki datai magang. Sida selalu mai menyadi indu sida ngagai pengerami nya. 5Lebuh pengerami makai besai nya udah tembu, Jop mesanka sida lalu nuchi sida. Iya angkat tumu pagi lalu ngenjuk piring tunu ke genap iku bala anak iya, laban ku iya berunding, “Nyangka anak aku bisi udah bedosa lalu nyumpah Allah Taala dalam ati sida.” Nya meh utai ti selalu dikereja Jop.
6 #
P-kal 6.2. Nyadi sekali lebuh bala orang serega#1.6 bala orang serega; Tauka: bala melikat datai ngadap TUHAN, Sitan#1.6 Sitan; Hebrew: munsuh bisi mega datai enggau sida. 7TUHAN lalu nanya Sitan, “Datai ari ni nuan?”
Sitan lalu nyaut, “Aku udah bejalai kia-kia, segau-segau nengah dunya tu.”
8 TUHAN lalu nanya Sitan, “Kati nuan bisi udah berundingka nembiak Aku Jop? Nadai orang di dunya ke badas sereta lurus baka iya, ke nangika Allah Taala sereta nyeliahka penyai.”
9 #
Pem 12.10. Sitan lalu nyaut, “Kati Jop deka nyembah Nuan enti iya nadai bulih utai ari nya? 10Ukai enda Nuan ke seruran nyaga iya, nyaga ruang bilik enggau semua utai ti diempu iya? Nuan udah merekatka semua utai ti dikereja iya, lalu jelu bedus enggau jelu sapi iya udah nambah-menambah di menua tu. 11Tang enti Nuan ngunjurka jari Nuan, lalu ngambi semua utai ti dikemisi iya, iya tetap deka nyumpah Nuan mua mata!”
12“Barang ku jaku,” ku TUHAN bejaku enggau Sitan, “semua utai ti dikemisi iya sigi ba jari nuan magang, tang nuan enda tau ngemediska Jop.” Sitan lalu mupuk.
Bala Anak Jop Enggau Pengaya Iya Dirusak
13Nyadi sekali, lebuh bala anak Jop benung ngintu pengerami makai besai ba rumah aka tuai sida, 14siku seruan datai belanda ngagai Jop. Ku iya, “Kami benung ngeradu tanah ngena sapi, lalu raban keledai meruan ba padang rumput semak endur nya. 15Orang Sabean#1.15 Sabean; Siti raban bansa ari selatan ke bejalai kia-kia beserangka orang lalu ngenyit nyerang kami lalu ngerampas semua jelu nya. Sida munuh semua bala orang gaji nuan. Semina aku aja ulih ngerarika diri lalu madahka tu ngagai nuan.”
16Lebuh orang gaji nya agi benung bejaku, siku agi orang gaji datai, lalu bejaku, “Jelu bedus enggau bala pengibun bedus udah dipangkaka ngitar, lalu semua sida mati magang. Ka semina aku aja agi idup lalu madahka utai tu ngagai nuan.”
17Lebuh orang gaji nya agi benung bejaku, siku agi orang gaji datai lalu bejaku, “Tiga bengkah raban soldadu penyelawai orang Kaldea#1.17 orang Kaldea; Siti raban bansa ari utara ke bejalai kia-kia beserangka orang udah nyerang kami, ngerampas jelu unta, lalu munuh semua bala orang gaji nuan. Ka semina aku aja ulih ngerarika diri lalu madahka utai tu ngagai nuan.”
18Lebuh orang gaji nya agi benung bejaku, siku agi orang gaji datai, lalu bejaku, “Lebuh bala anak lelaki enggau anak indu nuan agi benung ngintu pengerami makai besai ba rumah anak tuai nuan, 19kabut ti besai datai lalu ngenyit mangka ari menua puang, numbangka rumah. Semua sida mati magang ditinggang rumah nya. Ka semina aku aja agi idup lalu madahka utai tu ngagai nuan.”
20Jop lalu angkat, nyarikka gari diri, ngukur pala iya, lalu nyungkurka diri ke tanah nyembah Allah Taala. 21#[2] Sir 40.1; 11.14. Ku iya bejaku, “Aku ada telanjai, lalu aku deka mati telanjai. TUHAN udah meri, lalu TUHAN udah ngambi. Pujika nama TUHAN!”
22Dalam semua utai nya, Jop enda bedosa, laban iya enda besalah Allah Taala.
Currently Selected:
Jop 1: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
