Isaiah 27
27
1 #
Jop 41.1; Mas 74.14; 104.26. Ba hari nya TUHAN deka ngena pedang Iya ti tajam sereta bisa, munuh ikan ti besai, iya nya naga ti ngelingkang sereta ngelingkung, lalu munuh naga#27.1 naga; Naga nya ngambarka mayuh bengkah bansa ti nekanka pengidup orang Israel ti diau di tasik.
2Ba hari nya, TUHAN deka bejaku ngenang pasal pemanah kebun anggur Iya, 3“Aku ngintu iya lalu selalu manjah iya enggau ai. Aku nyaga iya siang malam, ngambika orang nadai ngerusak iya. 4Aku enda agi ringat ngagai kebun anggur nya. Enti sema duri enggau randau bisi dilaban, Aku deka nunu sida datai ke sida abis retung. 5Tang enti bala munsuh nembiak Aku minta aku ngelindung sida, awakka sida meh bebaik enggau Aku. Sigi amat, awakka sida bebaik enggau Aku.”
6Jemah ila orang Israel, bala peturun Jakop, deka beurat baka kayu, lalu sida deka bebungai lalu bekantuk. Dunya deka penuh laban buah sida.
7 TUHAN nadai kala ngukum Israel ngemalat Iya ke ngukum bala munsuh sida, tauka munuh sida ngemayuh munsuh ti dibunuh Iya. 8TUHAN muai bala nembiak Iya ngagai menua bukai kena Iya ngukum sida. Iya nabanka sida ngena ribut ti jai ari timur.#27.8 Ayat 8 enda terang dalam Hebrew 9Tang dosa orang Israel deka diampun semina lebuh batu alta orang kapir udah diinsarka baka kapu, lalu alta alai nunu menyan, tauka tanda petara indu Aserah udah abis dirusak.
10Nengeri ti bekuta nyau nyadi tembawai. Nengeri nya nadai mensia baka menua puang. Iya udah nyadi padang rumput ke jelu sapi, endur alai sida belelak enggau ngulam. 11Dan kayu layu sereta patah, lalu sida ke indu ngumpul dan kayu nya nyadika kayu api. Laban bala nembiak TUHAN enda mereti, nya alai Iya ti udah nempa sida, enggai sinu ati ke sida, tauka kasihka sida.
12Ba hari nya, TUHAN deka ngempuruka bala nembiak Iya, siku-siku sekali, ari Eupratis nyentuk ngagai garis entara menua enggau menua Ejip, baka ke magi gandum ari ampa.
13Ba hari nya ila, siti terumpit deka disepu kena ngangauka semua orang Israel ti udah dibuai ngagai menua Asiria enggau menua Ejip ngambika sida pulai baru. Sida deka datai lalu nyembah TUHAN di Jerusalem, ba bukit Iya ti kudus.#27.13 bukit Iya ti kudus; Peda 2.3
Currently Selected:
Isaiah 27: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
