Hosea 4
4
TUHAN Bedawaka Orang Israel
1Ku TUHAN bedawaka orang Israel:
“Kita orang Israel, pendingka utai ti disebut TUHAN. Penetap ati enggau pengerindu nadai agi di menua tu, lalu orang Israel enda ngaku Aku nyadika Allah Taala sida. 2Sida ngaga semaya, tang sida mungkir ari semaya nya. Sida bula, munuh orang, ngenchuri, sereta butang. Penyalah sida nambah-menambah. Orang nyau betangkan-tangkan mati dibunuh. 3Nya alai menua tu deka rangkai, lalu semua utai ti idup di menua tu deka mati magang. Semua mensia, jelu, burung, enggau ikan deka mati magang.”
TUHAN Bedawaka Sida Imam
4Ku TUHAN bejaku, “Anang besalah sebarang orang! Ukai semua orang salah. Aku bejaku ngelaban kita ke imam. 5Siang malam kita ngereja penyalah,#4.5 ngereja penyalah; Hebrew: tesangkut. Peda Hos 5.5; 14.1; 14.9 lalu sida nabi pen nadai mega lebih ari kita. Aku deka ngerusak Israel ti indai kita. 6Nembiak Aku deka dirusak, laban sida enda bedulika Aku. Kita ke imam enda bedulika Aku, lalu udah nulak ajar Aku. Nya alai, Aku nulak kita, lalu enggai ngaku bala anak kita nyadika imam Aku.
7“Makin mayuh agi kita nyadi imam, makin mayuh agi ga kita bedosa ngelaban Aku. Nya alai Aku enggai agi masa kita, tang deka mechat kita. 8Kita gaga ati meda bala nembiak Aku bedosa, ngambika kita ulih ngelantangka diri ngena piring ti dikena muai dosa sida. 9Kita deka merinsa natka ukum baka orang mayuh! Aku deka ngukum kita ketegal penyai ti dikereja kita. 10Kita deka makai piring ti endang ungkup kita, tang kita deka mengkang lapar. Kita deka nyembah petara ti ngasuh peridi, tang kita deka mengkang nadai anak, laban kita udah ninggalka Aku lalu nitihka petara bukai.”
TUHAN Ngukum Orang Ke Nyembah Petara Bukai
11Ku TUHAN bejaku, “Wain, nemuka lama tauka baru, bela ngasuh bala nembiak Aku enda nemu berunding! 12Bala nembiak Aku betanyaka utai ngagai kayu, lalu tungkat sida meri sida leka jaku. Laban roh sundal udah nesatka sida, lalu sida udah ninggalka Allah Taala sida, ngambika sida ulih nyundal. 13Sida ngenjuk piring ba endur alai nyembah engkeramba ba sebelah tuchung bukit, lalu sida nunu menyan di baruh kayu ti tinggi sereta jurai ba sebelah munggu, laban endur nya lindung!
Nya lalu ngujungka bala anak indu kita nyundal, lalu menantu indu kita butang. 14Aku enggai ngukum anak indu kita ketegal sida nyundal, lalu Aku pen enda mega ngukum menantu indu kita ketegal sida butang, laban laki sida empu deh beleman enggau indu sundal, lalu ngenjuk piring sama enggau indu sundal dalam rumah sembiang.#4.14 indu sundal dalam rumah sembiang; Indu ke baka nya ditemu dalam rumah sembiang orang Kanaan, endur alai orang nyembah petara ti ngasuh peridi. Kenu ku orang Kanaan, beleman enggau indu sundal tau ngasuh umai enggau jelu tupi sida mansutka mayuh agi asil Pemeli kita empu deka ngujungka kita dirusak.
15“Tang taja pen kita orang Israel enda tetap ati ngagai Aku, awakka Judah enda ngereja utai ti salah baka nya. Anang nyembah di Gilgal tauka di Bet-aben,#4.15 Bet-aben; Reti nya: Rumah Penyai Tauka: Rumah Alai Nyembah Engkeramba lalu dalam teks tu, nama tu nunjuk ngagai nengeri Betel, reti nya Rumah Allah Taala. Peda 10.8 tauka ngaga semaya dia dalam nama Allah Taala ti idup. 16Orang Israel kieh baka penakan kuda. Baka ni ku Aku ulih engkani sida baka ke engkani anak domba ba padang rumput? 17Orang Israel udah kena laban jayau engkeramba. Awakka sida baka nya aja. 18Lebuh sida udah balat ngirup wain, sida lalu ngelantangka diri nyundal. Sida rindu agi ke diri dipechat ari ke dibasa. 19Sida deka ditabanka, baka ke dikebuka ribut, lalu sida deka malu ke piring #4.19 piring; Sekeda salin nyebut: alta #4.19 Ayat 17-19 enda terang dalam Hebrew ti diberi sida ngagai engkeramba.
Currently Selected:
Hosea 4: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
