Hosea 11
11
Pengerindu Allah Taala Ke Nembiak Iya
1 #
P-sut 4.22; Mat 2.15. “Lebuh Israel agi mit, Aku rinduka iya
lalu Aku ngangauka anak Aku pansut ari menua Ejip.
2Tang makin bebendar agi Aku #11.2 Aku; Hebrew: sida ngangauka iya,
makin jauh agi ga iya ninggalka Aku.#11.2 Aku; Hebrew: sida
Bala nembiak Aku ngenjuk piring ngagai Baal.
Sida nunu menyan ngagai engkeramba.
3Aku udah ngiring lalu ngajar orang Israel bejalai.
Aku udah merap bala nembiak Aku
tang sida enda ngaku Aku udah ngeraika sida.
4Aku nguluka sida enggau penelap sereta enggau pengerindu.
Aku ngangkatka sida ngagai kuyu Aku.
Aku ngenduk lalu nyapi sida.#11.4 Ayat 4 enda terang dalam Hebrew
5“Sida enggai pulai baru ngagai Aku, nya alai sida enda tau enda pulai baru ngagai menua Ejip, lalu Asiria deka merintah sida. 6Nengeri sida deka diserang, lalu pintu nengeri sida deka diruntuhka. Perang nya deka ngerusak bala nembiak Aku laban sida ngereja utai ti dikumbai sida manah. 7Nembiak Aku keras deka ninggalka Aku. Sida ngangauka Iya ti Pemadu Tinggi, tang Iya enda ngangkatka sida.#11.7 Ayat 7 enda terang dalam Hebrew
8 #
U-dat 29.23. “Baka ni ku Aku ulih ngelengkaka kita, Israel?
Baka ni ku Aku ulih ninggalka kita?
Baka ni ku Aku ulih ngerusak kita baka Aku ti udah ngerusak Admah,
tauka ngaga kita baka Aku ti udah ngaga Seboim?
Ati Aku sigi enggai ngereja nya!
Ati Aku kelalu balat rinduka kita.
9Aku enggai ngukum kita lebuh Aku ringat.
Aku enggai agi ngerusak Israel,
laban Aku tu Allah Taala, ukai mensia,
Aku ti kudus, ke meruan enggau kita.
Aku enggai datai ngagai kita lebuh Aku ringat.
10“Bala nembiak Aku deka nitihka Aku lebuh Aku negung munyi singa ngelaban munsuh sida. Sida deka beguai datai ngagai Aku ari barat. 11Sida deka datai ari Ejip, ngelaju burung, enggau ari Asiria, baka burung achang. Aku deka mai sida pulai baru ngagai rumah sida empu. Aku ti TUHAN udah bejaku.”
Israel Enggau Judah Diukum
12Ku TUHAN bejaku, “Orang Israel udah ngelulung Aku ngena pemula enggau jaku tipu, tang orang Judah agi nitihka Allah Taala sereta tetap ati ngagai Iya ti kudus.
Currently Selected:
Hosea 11: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
