Hebrew 5

1Genap iku imam besai ke dipilih ari bala mensia, endang diletak bekereja ke Allah Taala ngarika mensia, meri pemeri enggau piring kena muai dosa. 2Iya nemu nelap enggau orang ke nadai nemu utai, enggau orang ke enda ngasi, laban iya empu endang mayuh pengelemi. 3#Lew 9.7. Lalu ketegal nya, iya enda tau enda ngenjuk piring ke dosa iya empu, enggau ke dosa orang mayuh.

4 # P-sut 28.1. Nadai orang tau ngambu diri nyadi imam besai, tang semina ari kangau Allah Taala, baka Aron.

5 # Mas 2.7. Baka nya mega Kristus. Iya enda ngemesaika Diri lalu ngaga Diri nyadi Imam Besai. Tang Allah Taala nyebut ngagai Iya,

“Nuan tu Anak Aku.

Sehari tu Aku udah nyadi Apai Nuan”;

6 # Mas 110.4. munyi ti disebut Iya ba endur bukai,

“Nuan nyadi Imam belama iya

murihka Melkisedek.” #5.6 murihka Melkisedek; Tauka: baka Melkisedek.

7 # Mat 26.36-46; Mrk 14.32-42; Luk 22.39-46. Lebuh Jesus idup di dunya tu, Iya besampi sereta mantaika peminta Iya ngena sabak ti inggar, sereta enggau ai mata, ngagai Allah Taala, ke ulih ngelepaska Iya ari pemati. Lalu Allah Taala ninga Iya laban Iya baruh ati sereta nunduk ngagai Allah Taala. 8Tang taja pen Iya Anak Allah Taala, Iya belajar ngasi ulih pemerinsa ti ditatka Iya; 9#Isa 45.17. lalu laban Iya digaga nyadi pemadu badas, Iya nyadika pun pengelepas ti meruan belama iya ke semua orang ke ngasika Iya, 10#Mas 110.4. laban Iya udah diletak Allah Taala nyadi Imam Besai, murihka Melkisedek. #5.10 murihka Melkisedek; Tauka: baka Melkisedek.

Jaku Tangkan Nagang Ngelengkaka Pengarap

11Kami mayuh utai ti patut disebut ba pekara tu, tang utai nya mar diterangka ngagai kita, laban kita lubah amat mereti. 12#1 Kor 3.2. Laban taja pen kita diatu patut udah nyadi pengajar, tang kita agi begunaka orang ngajar kita, ngulang pesan Allah Taala belabuh ari pun baru. Kita agi begunaka ai tusu, ukai asi kering, 13laban genap iku orang ke beridup ba ai tusu nya orang ke enda nemu ajar pasal pengelurus, laban iya agi mit. 14Tang asi kering nya ke orang ke besai tuai, ke udah matihka diri ngelala bida entara utai ti badas enggau utai ti jai.

Currently Selected:

Hebrew 5: BK

Highlight

Copy

Compare