Pemansut 20

Sepuluh Pesan

(Ulang Adat 5.1-21)

1Allah Taala lalu bejaku munyi tu, 2“Aku tu TUHAN Allah Taala kita ke udah mai kita pansut ari menua Ejip, alai kita ke udah nyadi ulun.

3“Anang nyembah petara bukai tang semina Aku aja.

4 # P-sut 34.17; Lew 19.4; 26.1; U-dat 4.15-18; 27.5. “Anang ngaga engkeramba ke diri empu neladan gamal utai ti di langit, tauka utai ti ba tanah, tauka utai ti dalam ai, tauka utai ti di baruh tanah. 5#P-sut 34.6-7; P-pau 14.18; U-dat 7.9-10. Anang meremi ngagai engkeramba, tauka nyembah sida, laban Aku tu TUHAN Allah Taala ti chemburu.#20.5 Tauka: ninding Aku ngukum tiris pantis orang ngagai ketiga enggau keempat serak ketegal penyalah aki ini sida ke nulak Aku, 6tang mandangka pengerindu ti meruan belama iya ngagai beribu-ribu serak#20.6 beribu-ribu serak; Tauka: beribu iku. ti rinduka Aku lalu ngasika pesan Aku.

7 # Lew 19.12. “Anang ngena nama TUHAN Allah Taala kita enggau jalai ti enda bebasaka iya, laban Iya deka ngukum orang ke ngena nama Iya enggau enda bebasaka iya.

8 # P-sut 16.23-30; 31.12-14. “Intu Hari Sabat, lalu gaga iya nyadi hari ti kudus. 9#P-sut 23.12; 31.15; 34.21; 35.2; Lew 23.3. Kita bisi enam hari alai kita gawa, 10tang hari ti ketujuh nya diserahka nyadi Hari Sabat ngagai TUHAN Allah Taala kita; ba hari nya kita enda tau gawa, kita empu, anak kita, ulun kita, jelu kita, tauka orang bansa bukai ke diau di menua kita; 11#P-kal 2.1-3; P-sut 31.17. laban dalam enam hari TUHAN udah ngaga tanah, langit, tasik, enggau semua utai ti dalam sida, lalu belelak ba hari ti ketujuh. Nya kebuah TUHAN merekatka Hari Sabat, lalu ngaga hari nya tuchi.

12 # U-dat 27.16; Mat 15.4; 19.19; Mrk 7.10; 10.19; Luk 18.20; Eps 6.2; Eps 6.3. “Bebasaka apai enggau indai kita, ngambika kita panjai umur nguan menua ti diberi TUHAN Allah Taala ngagai kita.

13 # P-kal 9.6; Lew 24.17; Mat 5.21; 19.18; Mrk 10.19; Luk 18.20; Rom 13.9; Jas 2.11. “Anang munuh orang.

14 # Lew 20.10; Mat 5.27; 19.18; Mrk 10.19; Luk 18.20; Rom 13.9; Jas 2.11. “Anang butang.

15 # Lew 19.11; Mat 19.18; Mrk 10.19; Luk 18.20; Rom 13.9. “Anang ngenchuri.

16 # P-sut 23.1; Mat 19.18; Mrk 10.19; Luk 18.20. “Anang besasksi bula ngelaban orang.

17 # Rom 7.7; 13.9. “Anang inginka rumah orang, bini orang, ulun, sapi, keledai, tauka sebarang utai orang.”

Orang Israel Takut

18 # Heb 12.18-19. Lebuh orang mayuh ninga guntur enggau terumpit, lalu meda kilat, enggau bukit ti berasap, sida getar-getar takut, lalu bediri ari jauh. 19Ku sida bejaku ngagai Moses, “Enti nuan bejaku enggau kami, kami deka mending, tang enti Allah Taala bejaku ngagai kami, kami takut, enggai ke kami mati.”

20Disaut Moses, “Anang takut. Allah Taala semina datai laban Iya deka nguji kita, ngambika kita seruran nangika Iya, lalu enda agi bedosa.” 21Tang orang mayuh mengkang bediri ari jauh. Semina Moses siku aja mansang semak ngagai mua hari ti tebal nya, ngagai endur alai Allah Taala.

Adat Pasal Alta

22Lalu ku TUHAN bejaku ngagai Moses, “Sebut ngagai orang Israel: ‘Kita empu udah meda chara Aku ti TUHAN udah bejaku ngagai kita ari serega. 23Anang ngaga ke diri empu petara ari pirak, tauka ari emas, lalu anang nyembah sida kelimpah ari nyembah Aku. 24Gaga siti alta ngena tanah ke Aku, lalu ba alta nya, beri jelu bedus kita, enggau jelu sapi kita nyadika piring tunu, sereta enggau nyadika piring pemaik. Aku deka datai ngagai kita, lalu merekatka kita, ba semua endur ti ditaga Aku alai kita deka nyembah Aku. 25#U-dat 27.5-7; Jos 8.31. Enti kita ngaga alta ari batu ke Aku, anang ngaga iya ari batu ti dipansap, laban lebuh kita ngaga batu nya ngena pat, kita ngamahka batu nya. 26Lalu anang ngaga tangga kena niki ngagai alta Aku, enggai ke kita ngayanka tubuh diri lebuh kita niki tangga nya.’

Currently Selected:

Pemansut 20: BK

Highlight

Copy

Compare