2 Timoti 4

1Di mua Allah Taala enggau di mua Jesus Kristus ke deka ngakim orang ke idup enggau orang ke mati, enggau ketegal Iya deka datai baru, enggau ketegal Perintah Iya, aku ngasuh nuan 2nusui Jaku#4.2 Tauka: pesan nya, lalu majak nusui Jaku nya, nemuka maya nya ngena tauka enda; nguingka ati orang, ngerara, enggau meransang orang, ngena pengabis pengeliat ati nuan lebuh nuan ngajar. 3Laban maya deka datai alai orang enggai mendingka ajar ti ngena, tang ingin deka ngempuruka bala pengajar ke deka nyebut utai ti dikerinduka sida, 4lalu sida deka limpang ari ajar ti bendar lalu mendingka cherita kelulu. 5Tang nuan enda tau enda seruran tegap dalam semua utai, tan natka pemerinsa, bekereja nyadi penginjil, lalu ngereja semua pengawa nuan.

6Ba pasal aku empu, aku udah dituang baka genselan, lalu aku nyau deka ninggalka dunya tu. 7Aku udah bebendar belaban. Aku udah datai ba adan, lalu aku agi mengkang bepegai ba pengarap.#4.7mengkang bepegai ba pengarap; Tauka: enda mungkir ari semaya. 8Berengkah ari diatu, makota pengelurus udah ditaruh ke aku, ti deka diberi Tuhan, Hakim ti Lurus, ngagai aku lebuh Hari nya ila, lalu ukai semina ngagai aku aja, tang mega ngagai semua orang ke lelengau deka meda Iya pegari.

Jaku Ajar Ngagai Timoti Empu

9Datai kitu ngagai aku enggau naka pengelengkas, 10#Kol 4.14; Plm 24; 2 Kor 8.23; Gal 2.3; Tit 1.4. laban Demas, ke angkunka dunya, udah ninggalka aku lalu mupuk ngagai Tesalonika; Kresen udah mupuk ngagai Galatia, lalu Titus ngagai Dalmatia. 11#Kol 4.14; Plm 24; SKR 12.12, 25; 13.13; 15.37-39; Kol 4.10; Plm 24. Semina Luke aja bisi enggau aku. Ambi Mark lalu bai iya enggau nuan, laban iya beguna dalam pengawa aku. 12#SKR 20.4; Eps 6.21-22; Kol 4.7-8. Aku udah ngasuh Tikikus mupuk ngagai Epesus. 13#SKR 20.6. Lebuh nuan mansang kitu, bai kelambi ti ditinggalka aku ba Karpus di Troas. Bai mega semua bup, kelebih agi bup ti digaga ari kulit jelu.

14 # 1 Tim 1.20; Mas 62.12; Rom 2.6. Tukang temaga ke benama Aleksander, balat amat ngenusahka aku. Tuhan deka malas iya ketegal utai ti dikereja iya. 15Bejaga ari iya, laban iya balat amat nyakal pesan kitai.

16Lebuh aku terubah kena pechara suba, nadai siku orang nyukung aku. Semua orang bela ninggalka aku. Awakka Allah Taala enda besalahka sida ketegal nya! 17Tang Tuhan mengkang bediri ngimbai aku, lalu meri aku pengering kena aku madahka semua pesan, ngambika semua orang bansa bukai ninga pesan nya. Lalu aku pen dilepaska ari nyawa singa. 18Tuhan deka ngelepaska aku ari semua penyai, lalu nyelamatka aku, ngambika aku pulai ngagai Perintah Iya di serega. Awakka Iya bempu mulia belama-lama iya! Amin.

Jaku Tabi Ti Penudi

19Aku ngirumka tabi basa ngagai Prisila seduai Akuila, enggau ngagai sida Onisiporus sebilik. 20#SKR 19.22; Rom 16.23; SKR 20.4; 21.29. Erastus mengkang diau di Korint; aku ninggalka Tropimus di Miletus, laban iya sakit. 21Datai kitu enggau naka ulih sebedau musin chelap.

Eubulus ngirumka tabi basa ngagai nuan, lalu baka nya mega Puden, Linus, enggau Klaudia enggau semua orang Kristian ti bukai.

22Awakka Tuhan meruan enggau nuan.

Awakka berekat Allah Taala meruan enggau semua kita.#4.22 Sekeda salin nambahka leka jaku Amin ba ujung ayat tu.

Currently Selected:

2 Timoti 4: BK

Highlight

Copy

Compare