रोमी 13
13
हुकुम चील्लेब मीयूजे हुकुम मन्दी
1हुकुम चील्लेब मीयूजे हुकुम टक्कदेने मन्दी। परमेश्वरदे पीनब हक यली सूजो चेये हक अन्क्यूर। हम्ब हुकुम चील्लेब मीयू परमेश्वरदे सेलब ख्यङ्। 2येरेक्यूत्देबे हुकुम चील्ले मीयूजे हुकुम अम्मन्देबयूदे परमेश्वरजे हुकुम अम्मन्दी, मेस्ये सू-सूदे हुकुम अम्मन्दी, थमयूदे दण्ड प्रेक्क्य। 3चेनेयलो ज्य कामजे लागि दी, तर अन्ज्य कामजे लागि त्या हुकुम चील्लेयूप्रे फ पर्दीय। न हुकुम चील्लेयूप्रे फ ख्यङ्या? होरेक्यूल्लो ज्य काम ची, मेस्ये नने थमयूदे सार्या चीन्क्य। 4चेनेयलो हुकुम चेल्लेब मी परमेश्वरजे सेवा चेब मी ख्यङ्, मेस्ये परमेश्वरदे ङूने नैजे भलो क्यूस्स्य यदेबे खर्दे ख्यङ्। तर नदे कादेये अन्ज्य काम चीत्दे यलोत्या फ, चेनेयलो होरेने ङूदे पार्च्या सूग्देबे अम्प्र। अन्ज्य काम चेब मीने दण्ड रेब ङू परमेश्वरजे सेवा चेब मी ख्यङ्। 5येरेक्यूत्देबे नदे परमेश्वरजे दण्ड अम्प्रेस्स्य यदेबेत्या दी, तर विवेकदे येर्बे चेब ठीकने ख्यङ् यदेबेये ङूजे हुकुम मन्दे पर्दीय।
6 #
मत्ती 22:21; मर्कूस 12:17; लूका 20:25 येरेक्यूत्देबेने नमयूदे स्यर्म फा पर्देब ख्यङ्, चेनेयलो हुकुम चील्देब मी रङ्सेदे चे पर्देब काम चेब परमेश्वरजे सेवा चेब ख्यङ्। 7सू-सूने खी फा पर्दे ख्यङ् फाबी स्यर्म फा पर्देब ख्यङ्लो स्यर्म फाबी, तीरो फा पर्देबने तीरो फाबी, गेसेन् चे पर्दे मीने गेसेन् ची, मेस्ये हुकुम चील्लेब मीजे पो ङ्यीन्।
प्रेम चीन्नू
8तर त्यादे-त्याने प्रेम चे यली सूजो चै पोनेये खी अन्डस्य, चेनेयलो रङ्से खीम्चेने प्रेम चेब मीदे मोशाजे नियम पूरा चेब क्यूक्क्य। 9#प्रस्थान 20:14; व्यवस्था 5:18; प्रस्थान 20:13; व्यवस्था 5:17; प्रस्थान 20:15; व्यवस्था 5:19; प्रस्थान 20:17; व्यवस्था 5:21; लेवी 19:18नदे वेश्य काम अन्चील्लाची, मी सेब काम अन्चील्लाची, अङ्खूलाची, नदे लोभ अन्चील्लाची अम्ब आज्ञायू यली सूजो कोला आज्ञा ख्यङ्, अम्ब क्वादेने यमेब पोब अम्ब साप्ता आज्ञाने प्रेक्क्य, “नदे रङ्से खीम्चेनेये रङ्सेने प्रेम चेप्र प्रेम ची।” 10प्रेम चेब मीदे खीम्चेजे अन्ज्य अन्ची। येरेक्यूत्देबे प्रेम चेबदे मोशाजे नियम पूरा चेबक्यूक्क्य्।
11अम्ब यली दिन्नजेसेमे कर ख्यङ् यब पो नमयूने था ख्यङ्, जेम्से ङ्यूम्-म्यादे थेल्लब ठीक बील फ्योर ख्यङ्, चेनेयलो ङीनदे खूम विश्वास चेयली झन् ङीन्जे मुक्तिजे दिन ट्याने फ्योर ख्यङ्। 12मून् कूम गीली, जेम्से म्या तङ्र ख्यङ्। येरेक्यूत्देबे मून्दूङ्ने चेब अन्ज्य काम क्यापीदेबे ङीन ओथ्याङ्जे लास्या टेले। 13ङीन नोदे म्या तङ्ब चेप्र ज्य काम चीदे। मोज-मज्जा चेब, च्यी-नादू थूङब, वेश्य काम चेब, छाडा काम चेब, च्य-जीङब, ठेनब काम क्यापी। 14तर येशू ख्रीष्टजेप्र स्वभाव नमयूने क्यूस्स्य, मेस्ये पाप चेब इच्छा पूरा चे तेले रङ्से सेम् अम्पीन्लाची।
Currently Selected:
रोमी 13: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
