गलाती 6
6
क्वाजेने भलो ची
1अत-च्योन्यू कोइदे अन्ज्य काम चीक्कब तूदेयलो नमयू सू आत्मादे च्योल अनुसार जीया चेन ख्यङ् हम्बयूदेने चीद क्यूत्देबे ङूने ज्य लम्ने स्योल्स्य। रङ्सेये अन्ज्य जाँचने अम्फस्तीस्य यदेबे होस्स्यार क्यूर पर्दीय। 2अठौं पर्तीब त्यादे त्याने तोङ्मी। येरे चीत्देबे ख्रीष्टदे पीनब आज्ञा नमयूदे पूरा चीक्क्य। 3सू चैकम्तेब मी ख्य हम्बदे रङ्सेये केन् ख्यङ् यदेबे मन्लो, हम्बदे रङ्सेने धोका पीन्क्य। 4क्वादेने रङ्से काम कर क्यूत्दे यदेबे करब क्यूस्स्य, होर्देङ्येदेम ङूदे रङ्सेने सूजोप्रे अङ्-कर्लाबे रङ्सेने रङ्सेदेने त्वे खूइय। 5चेनेयलो क्वादेने रङ्सेजे सकस्जे क्वी रङ्सेदेने प्लेपर्दीय।
6परमेश्वरजे वचन लोम प्रेब मीयू क्वादेने रङ्सेजे ज्य सेयू वचन लोम्मेब मीयूप्रे क्वे पर्दीय।
7रङ्सेने धोका अम्पीन्लाची, परमेश्वरने सूदेये लूच्च चे अङ्खू, चेनेयलो मीदे लू च पूक्क्य हम्बजेने बली तोल्क्य। 8सूदे रङ्से पाप चेब स्वभावजे बाली लैदीय हम्बदे रङ्सेजे पाप चेब स्वभावदेने नाश क्यूप्पब बली तोल्क्य। सूदे आत्माजे लागि बली लैदीय हम्ब आत्मादेने कलङ्बेये अन्सीबब जीयाजे खेती तोल्क्य। 9ज्य काम चेने अन्थैल्लीला चीदे चेनेयलो येर चीन्नूलो ठीक बीलने ङीनदे अम्बजे फल प्रेक्क्य। 10येरेक्यूत्देबे मौका प्रेप्पने ङीनदे मी क्वाजेने भलो चीक्के परदीय, थेप्प्र येशूने विश्वास चेब ङीनजे म्हीत्तीयूने भलो चेपर्दीय।
सर् सृष्टि
11ले, ङ रङ्सेजे लादे सोरो केन्-केन् अक्षरयू प्र्यादेबे नमयूने लिख्दीन ख्यङ्।
12फीदे चूइ-लेप्प साप्ताने ठीक तङ्स्य मनबयूदेने खतना ची यदेबे कर चङ्क्य। क्रूसने सीयेब ख्रीष्टजे शिक्षाजे कारण सतनम् अन्डस्य यदेबे थमयू येरे चीक्क्य। 13चेनेयलो खतना क्यूक्कबयू रङ्सेये मोशाजे नियम अम्मन्दी, तर खतना चेब छ्यप् मन्दीदे यदेबे त्वेने त्यामे थमयूदे नमयूने खतना ची यदेबे य ख्यङ्। 14ङीनजे प्रभु येशू ख्रीष्टजे क्रूसने त्यामे ङ केन् त्वोक्क्य, सूजो चत्या पो फ्याने केन् त्वे ख्यङ्लो हम्ब ङैट्यादे चीन्तङ् क्यूप्पस्य, ङूजे क्रूसदे चीत्देबे ङब संसारजे लागि, मेस्ये संसारब ङैजे लागि क्रूसने पील्क ख्यङ्। 15खतना चेबे खतना अन्चेब केन् पो दी, तर सर् सृष्टिब केन् पो ख्यङ्। 16जेम्से सू-सूदे अम्ब तर्तीप्दे जीया चैय यलो, थमयू फ्याने मेस्ये परमेश्वरजे मी इस्राएलयूफ्याने परमेश्वरदे शान्ति मेस्ये कृपा चीस्य।
17जेम्सेमेस्ये अम्ब पोने सूदेये ङैने छरङ् अम्पीन्लाचीस्य। येशूजे ख्यङ् यदेबे तनने मजे-घयू ङैदे रङ्सेजे ङ्वने प्ले ख्यङ्।
18अत-अची च्योन्यू, ङीनजे प्रभु येशू ख्रीष्टजे अनुग्रह नमयूजे आत्माप्रे क्यूस्स्य। आमेन।
Currently Selected:
गलाती 6: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
