गलाती 1
1
1ङ पावल ख्रीष्टजे मूल स्यूस्स्या ख्यङ्, ङैने मीयू हुलदे या सूमीदेये कूल्बे दी, तर येशू ख्रीष्ट मेस्ये येशूने सीयेबदे फेरि सोम्बो चीम्मेब परमेश्वर पदे कूल्बे ख्यङ्, 2ङ मेस्ये ङैप्रे ख्यब अत च्योन्यू टक्कदेने, गलातीयाजे मण्डलीयूने नमस्कार य ख्यङ्:
3प-परमेश्वर मेस्ये ङीनजे प्रभु येशू ख्रीष्टदे नमयूने अनुग्रह मेस्ये शान्ति पीन्स्य। 4ङीनजे प-परमेश्वरजे इच्छा अनुसार येशूदे दीनीजे अम्ब अन्ज्य जूक्ने ङीनने जूक्तीमेने ङीनजे पापजे लागि रङ्सेने पीन्दे। 5येतार्ने परमेश्वरजे महिम क्यून्नूस्य। आमेन।
सूजो सूगब खबर त्वो
6ङ हार्मन्दीन ख्यङ्, ख्रीष्टजे अनुग्रहने सूदे नमयूने कोदे हम्बने यीर्बी छ्योटोने क्यापीदेबे नमयू सूजो सूगब खबरतेले लादीन ख्यङ्। 7पक्क रूप्दे सूजो सूगब खबर त्वो, तर कोइ-कोइ येर ख्यङ्, थमयूदे ख्रीष्टजे सूगब खबरने बीयूङ् चेमे ख्यङ्। 8ङीनदे प्रचार चेब सूगब खबरने बीयूङ् चीत्देबे ङीनदे या स्वर्गदे रब दूतदे प्रचार चीत्दे यलीने हम्बदे श्राप प्रेस्स्य। 9ङीदे खूम्मेस्येने यप्रने ङ फेरि चूजोये यीय, नमयूदे कम्ब सूगब खबर ङ्यीन्दे मेस्ये मन्दीदे, हम्बने सूजो सूदेये नमयूने बीयूङ् प्रचार चीक्क्य यलो, हम्बदे श्राप प्रेस्स्य।
10च ङ मीयूजे कृपा मेल ख्यङ्, यी परमेश्वरजे? या ङैदे मीयूने सूग्लाबे चे मेल्नऔ? कादेये ङैदे मीयूने सूग्लाबे चेब बोङ्त्या चीन्नूलो ङ ख्रीष्टजे त्वो अन्क्यूर ख्यङ्दे।
परमेश्वरदे पावलने क्वब
11अत-अची च्योन्यू नमयूदे अम्ब स्येस्य यब ङ मन्न ख्यङ्, यी ङैदे स्य्वेब सूगब खबर मीजे सूगब खबर दी। 12चेनेयलो अम्ब कोइ मीदे पीन्देबे ङैदे प्रेब दी, ङैने अम्ब कोइदे लोम्मेबये दी, तर येशू ख्रीष्ट रङ्सेदेने ङैने अम्ब तम्मीदे मेस्ये ङैदे प्रेत्दे। 13#मूल स्यूस्स्यायूजे कामजे किताब 8:3; 22:4,5; 26:9-11यहूदी धर्म मन्दीब ङैजे खूम्जे जीयाजे बारेने नमयूदे तैक ख्यङ्, ङैदे परमेश्वरजे मण्डलीने केर्बे सोरो फत्या सतनम् चीत्दे, मेस्ये हम्बने नाश चेमे ख्य। 14#मूल स्यूस्स्यायूजे कामजे किताब 22:3ङीनजे फङ्ने, ङैजे दूवलोयू कूमने ङ्येलम छाइदेबे ङ यहूदी धर्मने खूम सर्दे ख्य, मेस्ये ङैजे मेमेजे छ्यप्ने सोरो कूम बोङ् चीत्देबे मन्दे ख्य। 15#मूल स्यूस्स्यायूजे कामजे किताब 9:3-6; 22:6-10; 26:13-18तर, ङ जन्मेदेयली खूम्ने परमेश्वरदे ङैने सेल्दे, मेस्ये रङ्से अनुग्रहदे ङैने कोदे, 16कन्छ्वाब यहूदी तेबयूजे अन्द्रने ङूजे प्रचार चेजे लागि रङ्से च ङैने तम्मेने ङू सूग्दे, हन्छ्वाब ङैदे सूमीप्रेये चै मोतोये अन्ची, 17ङ यली खूम् मूल स्यूस्स्या क्यूरबयू ट्याने मोतो चेने यरूशलेमने अङ्गीली, तर छाट्टे अरब देशने गीलीदे, होर्दे ङ्येदे दमस्कसने ल्वारदे।
18 #
मूल स्यूस्स्यायूजे कामजे किताब 9:26-30
होर्दे वर्ष सोम् ङ्येदे पत्रुसने त्वने ङ यरूशलेम गीलीदे, मेस्ये ङूप्रे पन्ध्र दिनसेमे टूङ्दे। 19तर ङैदे प्रभुजे च्योन् याकूबनेत्या तूदे सूजो मूल स्यूस्स्यायू सूनेये अन्तू। 20ङ नमयूने अम्ब पक्क ख्यङ् यदेबे परमेश्वरजे खूम्ने यीय, यी ङैदे च लिख्दीय हम्ब लूच्च दी। 21होर्दे ङ्येदे ङ सिरिया मेस्ये किलिकियाजे नेतेले गीलीदे। 22हन्छ्वासेमे यहूदियाने ख्यब ख्रीष्टजे मण्डलीयूदे ङैने अन्स्ये ख्य। 23थमयूदे अन्छूत्यात्या तैक ख्य, “खूम ङीनयूने सतनम् पीनब मीदे कम्ब विश्वासने ङूदे नाश चेमे ख्य, चूजो हम्ब विश्वासने ङूदे प्रचार चीन्न ख्यङ्।” 24परमेश्वरदे ङैने च चीम्मीदे हम्बजे लागि थमयूदे परमेश्वरजे महिमा चीत्दे।
Currently Selected:
गलाती 1: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
