एफिसी किताबजे बारेने
किताबजे बारेने
पावलदे अम्ब चिट्ठी एफिसीयूने धन्नै ई. सं. ६०-६१-तेले लिख्दीये ख्य। हन्छ्वाब पावल रङ्सेये रोम सहरजे झ्यालखान त्याने कैदी क्यून्न ख्य। दीनी रोम सहरब यूरोप महादेशने ख्यब दिन्नजे इटलालियाजे राजधानी ख्यङ्। हम्ब झ्यालखानने टूङ्ब पावलदे सर् करारजे “फिलिप्पीयूने” “कलस्सीयूने” मेस्ये “फिलोमोनने” यब चिट्ठीयूये लिख्दे ख्य।
पावलजे सेमेने एफिसस रोमी साम्राज्याजे मध्यपूर्वने मीन चील्देब सहर ख्य (अम्ब दीनी टर्की देशने पर्दे ख्यङ्)। एफिसस सहर कीन-मेल चेब सोरो मूख्य ने क्यूरबदे, कूम थरजे मीयू हैयाने टूङख्य; मेस्ये कामूलूकजे मीयू रङ्से रङ्से कामने रख्य (ले मूल स्यूस्स्यायूजे काम १८:१९)।
ई.सं. ५३-दे छो ई.सं. ५५-सेमे पावलये एफिससने टूङ्दे, मेस्ये हम्ब सहरने दिनजे पीछीने सू-सू रख्य, हम्ब मीयूने स्कूलने स्योल्गीदेबे लोम्मे ख्य। थमयू कूमदे येशू फ्याने विश्वास चेमेदे, मेस्ये तेदिन ङ्येदेने ख्रीष्टियान मण्डली सूरू क्यूत्दे। एफिसस सहर सोरो मूख्य सहर क्यूरबदे, मेस्ये कामूलूक नेदेने रब मीयू थेपप्रदेने पावलदे स्य्वेब सूगब खबर तदे, मेस्ये ख्रीष्टजे सूगब खबर सूजो सहर तेलेये ड्वाङ्गे क्यूरी (मूल स्यूस्स्यायूजे काम १९:८-१०)।
एफिसीयूने त्या दी तर ती-छोजे सूजो मण्डलीयूनेये पावलदे अम्ब चिट्ठी लिख्दे ख्यङ् यब कुम बाइबलजे विद्धानयूजे विचार ख्यङ्। पावलजे थेप्प्र चिट्ठीयू रङ्से खुशीदे लिख्दीये ख्यङ्, तर अम्ब चिट्ठीब रङ्सेदेने मेस्ये खाली मण्डली त्यानेत्या लिख्दे प्र दी, अम्ब क्वाजे लागिने ख्यङ्। क्यूर खूइय मण्डली त्यादे सूजो मण्डलीने कोप्पैजे लागि लिख्दीये ख्य।
पावलदे केरे जीया चदे यब पो थेप थाप्रेजे लागि पावलदे रोमीयूने चङ्बेब चिट्ठीजे परिचयने ले खूय।
Currently Selected:
एफिसी किताबजे बारेने: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.