جٜکَرِيَ 1
1
عٜوْنَاندُ نغَمْ تُوبُ
1ندٜرْ ندُوࢡُ دَرِيُسْ لَامِيطٛ ݠٜرْسِيَ طِطَࢡُ، ندٜرْ لٜوْرُ جٛوٜىٰتَتَࢡْرُ، جَوْمِرَاوٛ وٛلْوَنِ اَلنَّبِي زَکَرِيَا ࢡِي بٜرٜکِيَ، تَانِرَاوٛ عِدّٛ نِعِ#عٜسِرَ 4:24–5:1؛ 6:14؞#1:1 لَارْ عٜسِرَ 4:24–5:2؛ 6:14؞: 2«مِنْ جَوْمِرَاوٛ مِتِکَّنِ کَاکِرَاࢡٜ مٛوطٛنْ مَسِنْ؞ 3وِعْ ࢡٜ، ندَا کٛ جَوْمِرَاوٛ حٛنٛوࢡٜ عَسَمَ وِعِ: لٛرْتٜ حَا عَمْ، ندٜنْ مِنْ بٛو مِلٛرْتٛتٛ حَا مٛوطٛنْ؞ 4تَا لَاتٜ بَنَ کَاکِرَاࢡٜ مٛنْ؞ اَلنَّبِعٜنْ ࢡٛويْمَ نغٛويْنَنِ ࢡٜ: ندَا نِي جَوْمِرَاوٛ حٛنٛوࢡٜ عَسَمَ وِعِ: لٛرْتٜ عٜ لَابِ مٛوطٛنْ کَلُّطِ، تُوبٜ، عَشّٜ کُوطٜ مٛوطٛنْ کَلُّطٜ! عَمَّا ࢡٜنَنَايْ، ࢡٜکَکِّلَنَايْ وٛلْدٜ عَمْ؞ 5تٛيْ کَاکِرَاࢡٜ مٛوطٛنْ؟ اَلنَّبِعٜنْ بٛو طٛنْ نغٜىٰطَ حَا ڢٛرٛيْ نَ؟ 6عَمَّا مِعُکَّنِ کَاکِرَاࢡٜ مٛوطٛنْ نَالٛوجٜ ڢٛدّٜ بٛلّٜ عَمْ عٜ ڢَرِلَّاجِ عَمْ طُمْ عُمْرُمِ سُکَاࢡٜ عَمْ اَلنَّبِعٜنْ؞ ندٜنْ ࢡٜلٛرْتِ، ࢡٜمبِعِ: جَوْمِرَاوٛ حٛنٛوࢡٜ عَسَمَ عَنِّنِنٛ وَطُغٛ مِنْ ڢٛدّٜ لَابِ عَمِنْ عٜ کُوطٜ عَمِنْ، نٛنْ عٛوَطِ بٛو؞»
حَالَ ݠُشِّ
7ࢩَلَادٜ نٛوغَسْ عٜ نَيَࢡْرٜ ندٜرْ لٜوْرُ سَݠّٛ عٜ غٛعٛورُ، وَاتٛ لٜوْرُ سٜبَتْ، ندٜرْ ندُوࢡُ دَرِيُسْ طِطَࢡُ دٛوْ لَامُ، جَوْمِرَاوٛ وٛلْوَنِ اَلنَّبِي زَکَرِيَا ࢡِي بٜرٜکِيَ، تَانِرَاوٛ عِدّٛ بَنَ نِعِ: 8حَنغْکِ نغِعْمِ کَيْطِنِيطُمْ: غٛطّٛ بَعِّيطٛ ݠُشُّ مبٛطٜىٰوُ طٛنْ دَرِ شَکَ لٜطّٜ عَسُرَاجٜ#1:8 لٜطّٜ عَسُرَاجٜ طُمْ لٜطّٜ عُورَنْطٜ؞ لَارْ بٛو نٜحٜمِيَ 8:15؛ عٜسَايَ 41:19؛ 55:13؞ ندٜرْ لُغّٜرٜ؞ ࢡَاوٛ مَاکٛ وٛودِ ݠُشِّ بٛطٜىٰجِ عٜ ݠُرِ عٜ دَنٜىٰجِ#1:8 لَارْ وَحَيُ يُحَنَّ 6:2،4؞؞ 9مِࢨَمِ مَلَاعِکَاجٛ بٛلِدَنْطٛ بٜى عَمْ: «ݠُشِّ طِعِ طُمْ طُمٜ، بَرْکَامَ؟» عٛجَابِ يَمْ: «مِڢَامْتِنْتٜ حَالَ مَاجِ؞» 10بَعِّيطٛ ݠُشُّ شَکَ عَسُرَاجٜ غٛ وِعِ: «وَعِّيࢡٜ طِ نغٛنِ ࢡٜ جَوْمِرَاوٛ نٜلِ نغَمْ ࢡٜتَارٛيَ دُنِيَارُ؞» 11ࢡٜمبٛلْوَنِ مَلَاعِکَاجٛ بَعِّيطٛ ݠُشُّ شَکَ عَسُرَاجٜ غٛ: «مِنْ تَارٛيِ دُنِيَارُ ڢُو، ندُ طٛنْ دٜعِّ سِرِوْ؞» 12ندٜنْ مَلَاعِکَاجٛ جَوْمِرَاوٛ وِعِ: «يَا جَوْمِرَاوٛ حٛنٛوࢡٜ عَسَمَ، ندٜيْ عٜنْطَتَ عُرُسَلِيمَ عٜ غُرٜ يَحُودَ؟ عَتِکَّنِ طٜ دُوࢡِ شَݠَّنْطٜ جٛوٜىٰطِطِ جٛنْتَ؞» 13جَوْمِرَاوٛ جَابِ مَلَاعِکَاجٛ بٛلِدَنْطٛ بٜى عَمْ بٜى بٛلّٜ بٛوطّٜ، دٜعِّتِنٛوجٜ؞ 14ندٜنْ مَلَاعِکَاجٛ عٛو وِعِ يَمْ: «وٛويْنُ نِعِ: ندَا کٛ جَوْمِرَاوٛ حٛنٛوࢡٜ عَسَمَ وِعِ: مِمَرِ يِيدٜ حَاجُندٜ مَسِنْ دٛوْ عُرُسَلِيمَ عٜ سِيٛنَ؞ 15مِحٜىٰوِ تِکّٜرٜ دٛوْ عُمَّاتٛوجٜ کٛولْطِنِيطٜ، نغَمْ سَاعِ مِتِکَّنِنٛ بٜرْنِوٛلْ عُرُسَلِيمَ سٜطَّ، عَمَّا طٜ ࢡٜسْدِ سَرُّ مَاغٛلْ؞ 16نغَمْ مَنْ جَوْمِرَاوٛ وِعِ: مِوَرْتَنَنْ عُرُسَلِيمَ بٜى عٜنْطَمْ؞ حَيْکَلِيرُ عَمْ ندٜرْ مَاغٛلْ ࢩِࢡْتٜتٜ، بٜرْنِوٛلْ عُرُسَلِيمَ مَحِتِتّٜ؞ نٛنْ جَوْمِرَاوٛ حٛنٛوࢡٜ عَسَمَ وِعِ؞ 17کَدِبٛو وٛويْنُ: ندَا نِي جَوْمِرَاوٛ حٛنٛوࢡٜ عَسَمَ وِعِ: بٜرْنِيجِ عَمْ کٜىٰوَنْ کُوجٜ بٛوطّٜ ڢَحِنْ؞ جَوْمِرَاوٛ دٜعِّتِنَنْ سِيٛنَ، عٛسُࢡَنْ عُرُسَلِيمَ ڢَحِنْ؞»
Currently Selected:
جٜکَرِيَ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
