رٛمَعٜنْ 8
8
نغٜىٰندَمْ کٜسَمْ
1نغَمْ مَاجُمْ وَلَا کِيتَ دٛوْ نُطِّنْࢡٜ عِيسَى اَلْمَسِيحُ جٛنْتَ؞ 2نغَمْ بَاوْطٜ رُوحُ ندٛکِّ يَمْ نغٜىٰندَمْ ندٜرْ کَوْتَلْ بٜى عِيسَى اَلْمَسِيحُ؞ رُوحُ مَنْ رِمْطِنِ يَمْ دِغَ بَاوْطٜ حَکّٜ عٜ مَايْدٜ؞ 3اَللَّه بٜى حٛورٜ مُمْ حُووِ کٛ تَوْرٜىٰتَ وَاوَايْ حُووُغٛ نغَمْ عٜنْ تَمْݠُࢡٜ؞ عٛنٜلِ ࢡِطّٛ مَاکٛ مَرْطٛ ࢡَنْدُ بَنَ ندُ نٜطّٛ، مَاتُطٛ عٜسْتٛ حَکّٜ بَنَ يِمْࢡٜ ڢُو؞ عٛحِيتِ حَکّٜ ندٜرْ ࢡَنْدُ نٜطّٛ عٛو؞ بَنَ نِي عٛعِتِّرِ حَکّٜ، 4نغَمْ حَا عٜنْ مبَاوَ حُووُغٛ کُوطٜ عَدِلِيجٜ ڢٛدّٜ تَوْرٜىٰتَ، نغَمْ نَا سُونٛوجِ نٜطّٛ تٛکّٛتٛوطٜنْ، عَمَّا رُوحُ اَللَّه؞ 5تٛ غٛطّٛ طٛنْ تٛکّٛ سُونٛوجِ مُمْ، سُونٛوجِ مَنْ لَامَنْتٛ حَکِّيلٛ مُوطُمْ؞ عَمَّا تٛ رُوحُ اَللَّه طٛنْ جٛوطِ ندٜرْ مَاکٛ، ندٜنْ کَمْ رُوحُ مَنْ لَامَنْتٛ حَکِّيلٛ مَاکٛ؞ 6تٛکَّاغٛ سُونٛوجِ مُمْ يَحْرَنْ حَا مَايْدٜ، عَمَّا تٛکَّاغٛ رُوحُ اَللَّه يَحْرَنْ حَا نغٜىٰندَمْ عٜ جَمْ؞
7تٛکِّيطٛ سُونٛوجِ مُمْ عٛ کٛنّٜىٰجٛ اَللَّه، نغَمْ حَکِّيلٛ مَاکٛ طٛوْتَنْتَاکٛ عُمْرٛورٜ اَللَّه نغَمْ نغٛ وَاوَتَا؞ 8غٜىٰطَنْطٛ ندٜرْ سُونٛوجِ مُمْ وَاوَتَا ڢٛتَّنْغٛ اَللَّه؞ 9عَمَّا عٛنٛنْ کَمْ، عٛنْ نغٛنَايْ ندٜرْ سُونٛوجِ مٛنْ عَمَّا عٛنْ طٛنْ ندٜرْ رُوحُ اَللَّه، تٛ ڢَکَتْ رُوحُ مَنْ طٛنْ جٛوطِ ندٜرْ مٛوطٛنْ؞ مٛ وَلَا رُوحُ اَلْمَسِيحُ، عٛلَاتَاکِمٛ اَلْمَسِيحُ؞ 10عَمَّا تٛ اَلْمَسِيحُ طٛنْ ندٜرْ مٛوطٛنْ، ندٜنْ کَمْ ࢡَلِّ مٛنْ مَايَنْ نغَمْ دَلِيلَ حَکّٜ، رُوحُ اَللَّه حٛکَّنْ عٛنْ نغٜىٰندَمْ، نغَمْ اَللَّه عَدِلِنِ عٛنْ؞ 11تٛ رُوحُ مَاکٛ طٛنْ جٛوطِ ندٜرْ مٛوطٛنْ، ندٜنْ کَمْ اَللَّه عُمِّتِنْطٛ اَلْمَسِيحُ دِغَ مَايْدٜ يٜىٰطِتِنَنْ بٛو ࢡَلِّ مٛنْ مَايَنْطِ بٜى رُوحُ مَنْ#1 کٛرِنْتُعٜنْ 3:16؞؞
12نغَمْ مَاجُمْ دٜىٰرْطِرَاࢡٜ عَمْ، وَلَا کٛ دٛولَتَ عٜنْ تٛکَّاغٛ سُونٛوجِ مٜىٰطٜنْ ڢَحِنْ؞ 13نغَمْ تٛ عٛنْ تٛکَّکٜ سُونٛوجِ مٛنْ، عٛنْ مَايَنْ؞ عَمَّا تٛ عٛنْ عَشِّ رُوحُ اَللَّه مبَرَ سُونٛوجِ مٛنْ، ندٜنْ کَمْ عٛنْ نغٜىٰطَنْ، 14نغَمْ طٛوَاࢡٜ رُوحُ اَللَّه ڢُو نغٛنِ ࢡِࢡّٜ اَللَّه؞ 15نغَمْ رُوحُ شٜنِيطٛ مٛ عٛنْ کٜࢡِ نَسْتِنَايْ عٛنْ ندٜرْ مَشُّنغَاکُ حَا عٛنْ کُلَ ڢَحِنْ؞ عَاعَ! رُوحُ مَنْ لَاتِنِ عٜنْ ࢡِࢡّٜ اَللَّه، دُنغَنِ عٜنْ عٜوْنَاغٛ اَللَّه: «بَابَ#مَرْکُسْ 14:36؛ غَلَاتِيَعٜنْ 4:6؞!» 16رُوحُ اَللَّه بٜى حٛورٜ مُمْ طٛنْ سٜىٰدَنٛ رُوحُوجِ مٜنْ: عٜنْ ࢡِࢡّٜ اَللَّه ڢَکَتْ؞ 17تٛ نِي عٜنْ ࢡِࢡّٜ مَاکٛ، ندٜنْ کَمْ عٜنْ کٜࢡَنْ بٛو کٛ عٛسِغَنِ ࢡِࢡّٜ مَاکٛ، عٜنْ کٜࢡْدَنْ طُمْ بٜى اَلْمَسِيحُ؞ تٛ عٜنْ نجَࢡِ غٜطَلْ تٛرَّاجِ اَلْمَسِيحُ، عٜنْ کٜࢡَنْ غٜطَلْ تٜدُّنغَلْ مَاکٛ بٛو#غَلَاتِيَعٜنْ 4:5-7؞؞
تٜدُّنغَلْ غَرَنْنغَلْ
18مِنُمِ حَالَ تٛرَّاجِ مٜنْ ندٜرْ زَمَنُورُ جٛنْتَارُ؞ ڢَکَتْ، طِ ݠٛتَايْ ڢٛونْدٜىٰغٛ بٜى تٜدُّنغَلْ غَرَنْنغَلْ نغَلْ اَللَّه وَنغِنَنْتَ عٜنْ؞ 19تَغٜڢٛ ڢُو طٛنْ يٜنْوَ مَسِنْ حَا اَللَّه وَنغِنَ ࢡِࢡّٜ مُمْ بٜى تٜدُّنغَلْ؞ 20نغَمْ تَغٜڢٛ ڢُو نَسْتِنَامَ لٜسْ بَاوْطٜ مَجّٜرٜ، نَا کَنغٛ يِطِ طُمْ، عَمَّا اَللَّه حٛدِّرَنِ نغٛ بَنَ نِي؞ بٜى مَنْ ڢُو عٛحٛکِّ نغٛ تَمُّندٜ#لَاتَانٛوجِ 3:17-19؞ 21رِمْطُغٛ عٜ نجٜيَانغُ حَلْکٜرٜ، نغٛ حَوْتَ بٜى ࢡِࢡّٜ مَاکٛ ندٜرْ ندِمُ عٜ تٜدُّنغَلْ؞#8:21 عَايَاجٜ 20-21 طٛنْ بٜى ڢَسَّرُويٜىٰجِ غٛطِّ؞ 22عٜنْ عَنْدِ حَا جٛنْتَ دُنِيَارُ ڢُو طٛنْ عُومَ، طٛنْ ندٜرْ لُووٜ بَنَ ࢡٜسْنَنْطٛ؞ 23نَا دُنِيَارُ تَنْ، کٛو عٜنٜنْ حٜࢡّٜ دٛکَّلْ اَللَّه عَارْتُنغَلْ وَاتٛ رُوحُ مُمْ، عٜنْ طٛنْ عُومٛ؞ عٜنْ طٛنْ نغٜنْوَ وٛنْدُغٛ بٜى اَللَّه، حَا عٛتِمِّدِنَ لَاتِنغٛ عٜنْ ࢡِࢡّٜ مَاکٛ وَاتٛ عٛسٛوتَّ ࢡَلِّ مٜنْ#2 کٛرِنْتُعٜنْ 5:2-4؞؞ 24کِسْندَمْ مٜنْ طٛنْ تَبِتِ دٛوْ تَمُّندٜ ندٜعٜ؞ عَمَّا تٛ عٜنْ طٛنْ نغِعَ کٛ تَمّٛتٛوطٜنْ حٜࢡُغٛ، ندٜنْ کَمْ نَا طُمْ تَمُّندٜ غٛونغَارٜ؞ مٛيْ تَمّٛتٛ حَيْرُ مٛ عٛحٜࢡِ؟ 25عَمَّا تٛ عٜنْ طٛنْ تَمّٛ حٜࢡُغٛ کٛ عٜنْ نغِعَايْ تَوٛنْ، ندٜنْ کَمْ عٜنْ ندٜىٰنَنْ طُمْ بٜى مُࢩَلْ؞
26نٛنْ بٛو رُوحُ اَللَّه طٛنْ وَلَّ عٜنْ، نغَمْ عٜنْ تَمْݠُࢡٜ؞ عٜنْ عَنْدَا کٛو تٛرَاغٛ اَللَّه بَنَ نٛ حَانِ؞ عَمَّا رُوحُ بٜى حٛورٜ مُمْ طٛنْ تٛرَنٛ عٜنْ بٜى تٛرْندٜ ندٜ نَنَتَاکٜ؞ 27اَللَّه لِࢩٛووٛ ࢡٜرْطٜ طٛنْ ڢَامَ کٛ رُوحُ طَࢡَّتَ؞ نغَمْ رُوحُ طٛنْ تٛرَنٛ يِمْࢡٜ اَللَّه سٜنَاࢡٜ ڢٛدّٜ کٛ اَللَّه يِطِ؞
28عٜنْ عَنْدِ، اَللَّه طٛنْ حُووْتِنِرَ کُوجٜ ڢُو نغَمْ حَيْرُ يِطْࢡٜ مٛ، عٜوْنَاࢡٜ ڢٛدّٜ مُويٛ مُوطُمْ؞ 29نغَمْ دِغَ ࢡٛويْمَ اَللَّه عَنْدِ ࢡٜ، سُࢡِ ࢡٜ نغَمْ حَا ࢡٜنغٛنَ بَنَ ࢡِطّٛ مَاکٛ، اَلْمَسِيحُ بٛو لَاتٛ عَڢٛ شَکَ دٜىٰرْطِرَاࢡٜ طُوطْࢡٜ؞ 30سُࢡَاࢡٜ ࢡٜعٜ ڢُو، اَللَّه عٜوْنِ ࢡٜ بٛو؞ ندٜنْ عٛعَدِلِنِ ࢡٜ، عٛنَسْتِنِ ࢡٜ ندٜرْ تٜدُّنغَلْ مَاکٛ؞
يِيدٜ اَللَّه
31جٛنْتَ کَمْ، کٛ لُتِّ وِعٜىٰغٛ دٛوْ بٛلّٜ طٜعٜ؟ ندٜ اَللَّه طٛنْ وٛنْدِ بٜى مٜىٰطٜنْ، مٛيْ وَاوَتَ حٛنُغٛ عٜنْ؟ 32عٛجٛغِتَاکِ کٛو ࢡِطّٛ مَاکٛ، عَمَّا عٛعَشِّمٛ عٛمَايِ مبَتُّدِ#8:32 مبَتُّدِ مَلَّ حَا ݠٜلّٜلْ؞ مٜىٰطٜنْ عٜنْ ڢُو؞ تٛ نٛنْ کَمْ، عٛسَاحَتَا عٜنْ کٛو طُمٜ ڢُو بٜى مَاکٛ نَ؟ 33مٛيْ ڢٛتِ وُلَّاغٛ سُࢡَاࢡٜ اَللَّه؟ نغَمْ اَللَّه بٜى حٛورٜ مُمْ عَدِلِنِ ࢡٜ؞ 34مٛيْ ڢٛتِ حِيتَاغٛ ࢡٜ؟ نغَمْ عِيسَى اَلْمَسِيحُ مَايِ مبَتُّدِ مَࢡّٜ؞ کٛ ࢡُرِ طُمْ بٛو، عٛعُمِّتِ دِغَ مَايْدٜ، عٛطٛنْ جٛوطِ حَا ࢩَامٛ اَللَّه، عٛطٛنْ سٜىٰتّٛ عٜنْ؞ 35تٛ نٛنْ کَمْ، مٛيْ وَاوَتَ سٜنْدُغٛ عٜنْ بٜى يِيدٜ اَلْمَسِيحُ؟ بٛنٜ نَ، ࢡِلَّارٜ نَ، تٛوࢩَارٜ نَ، وٜىٰلٛ#8:35 وٜىٰلٛ مَلَّ رَڢٛ؞ نَ، تَلَکَاکُ نَ، جٛوتٜ نَ مَلَّ کَاڢَحِ؟ 36بَنَ کٛ وِنْدَ:
«نغَمْ دَلِيلَ مَاطَ،
ࢡٜطٛنْ مبَرَ مِنْ ࢩَلَوْمَارٜ ڢُو،
ࢡٜطٛنْ ندَارَ مِنْ بَنَ بَالِ کِرْسٜتٜىٰطِ#جَبُورَ 44:23؞؞»
37عَمَّا ندٜرْ کُوجٜ طٜعٜ ڢُو عٜنْ کٜࢡَنْ جَالٛرْغَلْ تِمُّنغَلْ بٜى بَلَّلْ اَلْمَسِيحُ، غِطّٛ عٜنْ؞ 38نغَمْ مِعَنْدِ ڢَکَتْ، وَلَا کٛ سٜنْدَتَ عٜنْ بٜى يِيدٜ مَاکٛ، کٛو مَايْدٜ، کٛو نغٜىٰندَمْ، کٛو مَلَاعِکَعٜنْ، کٛو بَاوْطٜىٰجِ غٛطِّ، کٛو جٛنْتَاجُمْ، کٛو غَرَنْطُمْ، کٛو بَاوْطٜ 39ندٜرْ عَسَمَ مَلَّ ندٜرْ جَحَنَّمَ مَلَّ کٛو طُمٜ؞ يِيدٜ اَللَّه لَاتَنِ عٜنْ بٜى عِيسَى اَلْمَسِيحُ، جَوْمِرَاوٛ مٜنْ؞ نغَمْ مَاجُمْ وَلَا کٛو طُمٜ ندٜرْ دُنِيَارُ ڢُو حٜࢡَتَ سٜنْدُغٛ عٜنْ بٜى يِيدٜ اَللَّه؞
Currently Selected:
رٛمَعٜنْ 8: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
